مشكلة في الفرامل مع التيل الجديد

**mohamed nemo** · 29-11-2013 11:49 PM

اولا السلام عليكم
ثانيا بقي انا غيرت النهاردة تيل الفرامل الامامي و زودت زيت باكم .. انا غيرته عشان كانت علي السرعة العالية بسمع صوت صفارة من غير ما ادوس فرامل .. قالولي التيل عايز يتنضف او نوعه وحش بس كانت الفرامل فل اووووووي
دلوقتي بعد ما غيرت التيل ادوس علي البدال بقا طري جدا و حاسس زي ما يكون بكبس هواء بيرجع لوضعه ببطء شوية .. غير ان الاستجابة مبقتش زيي الاول خالص و لازم افضل دايس فترة 3 ثواني علي ما تقف العربية و انا ماشي علي 40 كم /س .. الاول لو ماشي علي 100 و دوست بتقف ف ثانية
الفرامل مبقتش زي الاول و انا مقلق انا بمشي ف طرق سريعة و محدش ضامن و دي فرامل
الميكانيكي قالي التيل لسة مطبعش و هتمشي بيه شويه و هيظبط بس انا مشيت بيه شوية النهاردة و معملش حاجة ..
لو في نصايح حد يقولي لو ممكن يكون ركب التيل غلط او حاجة

**saddam** · 30-11-2013 09:18 AM

صديقي المواطن
كده لازم ياخد هوا اﻷربع فرد مع الماستر العمومي وبعدها حتعوز يوم التيل يطبع ولو الموضوع متخسنش يبقه أكيد حصل تلف وخدوش داخل الماستر العمومي وبالنسبة للتيل القديم اللي كان بيصرخ من غير متدوس فرامل فده كاتت مشكلته إن البساتم اﻷمامية كانت قافشة بصورة بسيطة وكانت حتعوز تغيرلها جلب لصوابع شاسيه التيل ويتاخدلها الهوا الصح
وبصلي برضو على بلف خرطوم السرفو
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال