الموضوع: نويت اصفى كل حاجه واسافر دبى افتح شركتى هناك

المشاركة الأصلية كتبت بواسطة mk3

سافر هناك ليكون فرع لك بدبى
اوعى تقفل فى مصر
مصر سوق كبير جدا جد
اعرف السوق عايز ايه ونزل مصر
وطبعا زى انت ما قولت اطلالها على الموانئ هيسهل كتير جدا جد ده غير مفيش روتين !! وكل حاجه سهله جدا

والاهم من ده كله اجرائات ثابته فى كل شيىء

انا هنا كنت بدخل الملابس من امريكا تجارى بدفع جمرك وضريبه 53 % غير الاكراميات وفى الاخر البضاعه متبتبعاش لانها غاليه


تخيل دول مجلس التعاون كلها 5% فقط جمرك غير كده ملوش دعوه بيك
اكتر من انك تخلص الشحنه كلها من اول الميناء لحد باب مخزنك من الانترنت هقولك ايه بس

حاجات فى صالحك:
سنك لسه يعتبر صغير
مجال شغلك الاصلى كويس و حتى لو خرجت منه لمده معينة ممكن ترجعله تانى و يبقى شغلك الاساسى تانى
بتحب التجارة و شاطر فيها

حاجات مش فى صالحك:
رأس مالك صغير و يعتبر تحويشة العمر اللى لو ضاعت ممكن تأثر على الخطوات القادمة فى حياتك زى الجواز

انا ميال لانك تروح هناك تشتغل شغلك الاصلى لانه له سوق و بعد ما تستقر تدرس متطلبات مشروعك
لكن لو منفعش ده. . . يبقى غامر و اسعى وراء حلمك حتى لو خاطرت بتحويشة عمرك حتى الان بدل ما ترجع بعد كده تندم انك لم تغامر. . . و الخسارة فى النهاية هتبقى فلوس ممكن تعويضها و بعض الوقت اللى المفروض لا يزيد عن سنة تخصصه فقط للنركيز على مشروعك و ده حتى لا تبتعد كثيرا عن مجال شغلك الاصلى

المشاركة الأصلية كتبت بواسطة mohab.nabil

لفتت نظرى اوى النقطة ديه يعنى البنزين اغلى من مصر مع ان الامارات من اكبر الدول المصدرة للبترول المفروض

بس لو قارنت مستوى المعيشة والدخل وجودة البنزين ، هتلاقيه ارخص من مصر بتاع التلت على الاقل

المشاركة الأصلية كتبت بواسطة imhotep

حاجات فى صالحك:
سنك لسه يعتبر صغير
مجال شغلك الاصلى كويس و حتى لو خرجت منه لمده معينة ممكن ترجعله تانى و يبقى شغلك الاساسى تانى
بتحب التجارة و شاطر فيها

حاجات مش فى صالحك:
رأس مالك صغير و يعتبر تحويشة العمر اللى لو ضاعت ممكن تأثر على الخطوات القادمة فى حياتك زى الجواز

انا ميال لانك تروح هناك تشتغل شغلك الاصلى لانه له سوق و بعد ما تستقر تدرس متطلبات مشروعك
لكن لو منفعش ده. . . يبقى غامر و اسعى وراء حلمك حتى لو خاطرت بتحويشة عمرك حتى الان بدل ما ترجع بعد كده تندم انك لم تغامر. . . و الخسارة فى النهاية هتبقى فلوس ممكن تعويضها و بعض الوقت اللى المفروض لا يزيد عن سنة تخصصه فقط للنركيز على مشروعك و ده حتى لا تبتعد كثيرا عن مجال شغلك الاصلى

كلامك صح جدا وده درسناه فى دبلومه التسويق الدولى اسمها swot

المشاركة الأصلية كتبت بواسطة Batman372

بعد التحيه ...

شوف يا باشا ... بما انى بقالى 2 سنه فى دبى ... ممكن اساعدك بالمصاريف و التكاليف ..

- فتح شركه تجاريه عاديه ( استيراد/تصدير/تجاره ) حتكلفك حد ادنى فى البدايه حوالى 40 الف درهم + ايجار مكتب/محل صغير من اول 20/25 الف فى السنه .. يعنى 65 الف فى البدايه ..
بعد كده كل سنه تجديد رخصه حوالى 12 الف + عموله كفيل 12 الف + ايجار مكتب بدايه من 20/25 الف ..

بعد كده بتاخد تاشيره اقامه 3 سنوات كصاحب عمل ...

- تكلفه اقامات للاسره الزوجه و الاولاد حوالى 3 الف لكل فرد ... مده 3 سنوات مثلك ..

- ايجار شقه سكن متوسط 2 حجره و صاله فى منطقه معقوله حوالى 55 الف درهم سنويا .. 1 حجره و صاله حوالى 40 الف .. ستوديو ب 25/30 الف ..

- ايجار سياره (تيدا/كورولا) حوالى 2/2.5 الف شهريا ...
.... لاستخراج رخصه قياده محتاج اقله 20 كورس اجبارى و التكلفه الاجماليه حوالى 3.5 الف درهم ! لو مستعجل vip تتكلف 6 الاف !!
.... سعر البنزين يبدء من 1.76 درهم للتر ... المسافات كبيره لكن النظام و الشوارع و الهاى واى مساعده ...

- مدارس نظام منهج انجليزى حوالى 12/15 الف درهم للطالب و تزيد كل سنه 10 % ..
مدارس الحكومه المتوسطه العربى ب 6/7 الاف درهم ...

- اكل و شرب و ملبس و اجهزه تقريبا مثل اسعار مصر +/- 10% حسب المكان ...

.... الدرهم = حوالى 1.92 جم سعر بنوك .... 2.1 جم سعر سوق سوداء ..

النصيحه و الخلاصه لو تقدر/تضمن ان البيزنس الى حتعمله يجيبلك بعد مثلا سنه شغل مصاريفك السنويه( لانك مش حتعرف تحوش !! )... يبقى اتكل على الله ... طبعا دا غير المبلغ الى حتدفعه فى الدخله كما وضحت لك اعلاه ... غير كده نظام الاقتصادى لدبى معمول للعماله و الشركات البراند العملاقه ... اقصد ان رجال الاعمال الخاصه الصغار مثلنا بيواجهو منافسه شرسه من الشركات الكبيره و الاحتكارات ...

اى استفسار انا تحت امرك ...

بالتوفيق ... تحياتى ...

كلامك سليم طبعا واسعارك صح وانا بالفعل خدت خطوات للاجرائات الرخصه التجاريه والمقر الحمد لله فى منطقه البرشاء الاولى

الى مشجعنى حاجه واحده ان المنتج الى معايا محدش بينزله فى الشرق الاوسط الا اانا

للعلم انا درست دبلومتين تسويق دولى وبيزنس لانى مبحبش ادخل حاجه فهلوه

لازم ادرس وافهم واحتك بناس خبراء فى السوق والمجال بالاخص يفيدونى جدا والحمد لله مببطلش اسئله حتى اوصل للمعلومه الصحيحه