اليوم الاثنين ... الساعه 8.30 الصبح ... رحت طبعا المرور حسب الميعاد المتفق عليه .. وكمان لانى سايب الملف هناك ... وصلت المرور الساعه 9 .. كلمت المندوب .. لاقيته موجود ومستنينى ... ها ايه الكلام ... يلا نروح للباشا ( الموظف اللى احنا مظبطينه واللى سايبين عنده الملف ) يلا بينا ... ها ياباشا ايه الاخبار ؟؟ ... السيستم لسه واقع والشبكه لسه مجتش ... ياراااااااااجل ... المهم فضيلنا كده لحد حوالى الساعه 11 ... الشبكه جت يا جدعان ... هوب هوب .. يلا بقى ... الملف اتسجل وراح ... شويه وهينده عليك تروح تاخد الرخصه ... واللوح ... وتختم جواب البنك ... خلصت حوالى الساعه 12.30 الكلام ده ... طبعا العربيه مش معايا كانت فى المعرض ... خت المندوب وروحنا المعرض ... معرض زى الزفت ... رحت هناك ... يلا يا جدعان علشان استلم ... ( ثوانى ومدير الحسابات جى هيراجع الورق والرخصه وبعدين هتاخد صوره بولصه التأمين والمفتاح التانى ) طيب ادينا مستنين ... حوالى ساعه على ما الراجل جه ... جه وقعد يراجع ويشوف .. المهم خلصت كل حاجه وقالى سيب الرخصه وتعالى خدها بليل علشان مندوب البنك لازم يشوفها ويتأكد منها ... وحضرتك هتاخد صوره من الرخصه تمشى بيها ... ازاى ليه .. عملت حوار ... وبرضه منفعش .. المهم سبتلهم الرخص ... واستلمت اخير الحمد لله ... ورحت تانى عند المرور علشان اشوف اى حد يركبلى النمر ... وخلاص خلصت والحمد لله ... هروح بكره بقى اجيب الرخصه علشان انا فيصت انهارده .... مرور زى الزفت