قطع غيار ليون 2014 ؟؟

**tata12001** · 01-12-2013 11:49 AM

بسم الله الرحمن الرحيم
اللهم صل على محمد وعلى آله وصحبه أجمعين

بالنسبة لأسعار قطع غيار الليون الجديدة مفيش حد يعرف في حدود كام ؟
ري مثلا :
تيل الفرامل ، فيلتر الهواء ، فيلتر زيت ، اسعار الصيانات الدورية او ما يمسى مجملا Running costs بتاعت العربية ؟ خاصة مع غلاء اسعار قطع غيار كل العريات الجديدة - و اسعار العربيات نفسها -

**tata12001** · 05-12-2013 11:16 AM

محدش سأل على قطع غيارها ؟ انا بكلم التوكيل ( فرع العبور ) مش بيرودوا عليا

**tata12001** · 09-12-2013 03:33 PM

أخيرا الحمد لله رد عليا التوكيل و قدرت اجيب لكم شوية اسعار لقطع غيار الليون
1- تيل فرامل أمامي 750 جنية
2- تيل فرامل خلفي 650 جنية
3- فيلتر زيت 100 جنية
4- فيلتر هواء 180

الأسعار دي من التوكيل فرع العبور و دي ارقامه:
46100474
46100376
46100478

لو حد اتصل بيهم و عرف اسعار تانية يارت يقول لنا. بالمناسبة اجازتهم الأحد و يوم الجمعة من الساعة 5 م .

**ehab_mansour** · 09-12-2013 05:38 PM

شكرا لحضرتك علي الافادة
و متوقع ان العربية دي تعمل شغل عالي لأن و لأول مرة و منذ ان عرفت سيات اجد اعلان لعربية سيات علي المحور .... الليون الجديدة الوكيل عملها اعلان دعاية علي المحور عند بداية من ناحية الصحراوي

**برنس الليالي** · 09-12-2013 06:51 PM

سيات ليون 2014 اقوى عربية ليها تقييم في الفئة السعرية مع الفورد فوكاس بل ودي كمان تسارع افضل وشكل خارجي احسن بمرات المرات

انا انصح اي حد يجيب الليون الجديدة لإنها افضل عربية تحت الـ200 الف بغض النظر عن تسائلتكم عن الفتيس .. في امان الله

**tata12001** · 09-12-2013 07:49 PM

المشاركة الأصلية كتبت بواسطة برنس الليالي

سيات ليون 2014 اقوى عربية ليها تقييم في الفئة السعرية مع الفورد فوكاس بل ودي كمان تسارع افضل وشكل خارجي احسن بمرات المرات

انا انصح اي حد يجيب الليون الجديدة لإنها افضل عربية تحت الـ200 الف بغض النظر عن تسائلتكم عن الفتيس .. في امان الله

متفق معاك انها من افضل السيارات في الفئة السعرية دي من جهات كتير ، لكن السؤال المهم هل العربية دي عامة عملية ؟ يعني تستحمل شغل كل يوم ولا هتفيص ؟ وطبعا اكبر مشكلة هل الفتيس هيستحمل و ميعملش مشاكل ؟ وسمعة الـ dsg الصراحة مش كويسة عالميا مش في البلد هنا بس، بس برة عملوا في بعض الدول ضمان عليه 7 سنين و سمعت في بلاد وصلت لـ 10 سنين، لكن هنا في مصر ضمان سنتين بس !! حرام الفتيس بـ 70 ألف جنية.

**برنس الليالي** · 09-12-2013 10:09 PM

المشاركة الأصلية كتبت بواسطة tata12001

متفق معاك انها من افضل السيارات في الفئة السعرية دي من جهات كتير ، لكن السؤال المهم هل العربية دي عامة عملية ؟ يعني تستحمل شغل كل يوم ولا هتفيص ؟ وطبعا اكبر مشكلة هل الفتيس هيستحمل و ميعملش مشاكل ؟ وسمعة الـ dsg الصراحة مش كويسة عالميا مش في البلد هنا بس، بس برة عملوا في بعض الدول ضمان عليه 7 سنين و سمعت في بلاد وصلت لـ 10 سنين، لكن هنا في مصر ضمان سنتين بس !! حرام الفتيس بـ 70 ألف جنية.

هو المفروض والله اعلم ان جروب فولكس كله يكون حل المشكلة دي لإن المشكلة دي بقالها سنين

وانا عامةً سمعت عن مشكلة الـDSG في الموديلات القديمة مش في الجديد والله اعلم بردو

- لإن في ناس هنا معاها الجولف 6 والجولف 7 بتشكر اوي في اداء الفتيس ومفيش مشاكل وجهتهم

وانا ليا ناس قرايبي معاها الاوكتافيا a7 من اول ما نزلت مصر وبردو مسمعتش حد اشتكى من الفتيس

بالنسبة للشغل حتكون معاك تمام بعون الله والسبب انهم عملو للعربية اختبار على طرق فظيعة بمعنى الكلمة كل ربع متر فيه مطب

شوف كدا الطرق عملة ازاي .. عشان لو كنت بتفكر حيكون وضعها ازاي في شوارع مصر

2013 New SEAT Leon tested to the extreme - Footage - YouTube

ودا فيديو شو للعربية بوضوح

2013 Seat Leon FR 2.0 TDi (184hp) - in Detail (1080p FULL HD) - YouTube

- بالنسبة للتطبيق العملي هي متسجلة في carbuyer بتقييم 4.1\5 يعني ممتازة .. لو بتفكر توكل على الله

العربية بجد fun to drive ووسعة وبالنسبالي هي دي قيمة العربية مش مجرد شكل والسلام .. في امان الله