متابع قديم وعضو جديد وناوي ع جين 2

**Ahmed.Essam** · 01-12-2013 05:14 PM

السلام عليكم
انا مبسوط جدا اني اشتركت في المنتدى الجميل ده خصوصا اني متابعه من زمان قبل اشتراكي وباخد راي كل واحد هن في الحسبان
بسرعة كده اعرفكوا بنفسي انا اسمي احمد 21 سنة خريج كلية علوم جامعة المنصورة

ادخل في الموضوع بقا
انا بقالي كتير بسوق عربية والدي ( ميتسوبيشي لانسر 2005 ) ومن اشد المحبيين لعربيات اللانسر
والفترة دي ناوي اجيب عربية لنفسي وفكرت كتير في البروتون جين 2
طبعا قرأت مواضيع كتير هنا في المنتدى بخصوص البروتون جين 2 من مميزات وعيوب وأراء الملاك ليها هنا

باختصار عشان ما ازهقوش مني من اولها:0002014a:

بطلب من حضراتكم تقولولي هو فيه فرق بين اللانسر والجين 2 ؟
طبعا مقصدش الامكانيات
انا قصدي يعني ان اللانسر الى حد كبير بتريح اللي راكبها وبتأدي أداء ممتاز
فهل يعني الجين 2 سواقتها زي اللانسر كده ولا هحس بفرق كبير وهتتعب وبتحتاج مل شوية صيانات ايا كانت خفيفة او لا
واكون شاكر لحضراتكم جدا سواء افدتوني او لا

**draboeyad** · 01-12-2013 08:56 PM

اهلا بيك
هل حضرتك سوقت الجين2 قبل كده

**Ahmed.Essam** · 01-12-2013 10:26 PM

لا حضرتك انا مسوقتهاش بس اتفرجت عليها في التوكيل وركبتها من جوا اشوفها بس جميلة جد بصراحة ما شاء الله عليها

**saddam** · 01-12-2013 11:05 PM

صديقي المواطن
كمتعة قيادة الجين 2 قيادتها أمتع من لانسر وأعطال جين 2 قليلة ولكن الجين 2 مشكلتها بلاستك كتير بيزيق في الصالون بعد فترة غير كده العرببة شبابية وليها زباينها
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**draboeyad** · 01-12-2013 11:28 PM

بص انا لسه شاريها من اسبوع بس مستعمله مو2009 اوتو.......العربيه ماشاء الله عليها ثبات تسارع امان شكل رياضي تحفه .......اضيق شويه من اللانسر من وره لكن بتاخد 3 مرتاحين وتتميز عن اللانسر بالعلو يعني وانت محمل علي الاخر مش هتحك في مطبات عكس اللانسر هتسلم علي كل المطبات....اللانسر صيانتها في كل حته ودي ميزه.....لكن الجين2 لاينصح ان اي حد يشتغل فيها.....لو هتشتري زيرو يبقي نصيحه تعامل مع التوكيل في القاهره عز العرب او الافضل مركز صيانه معتمد زي عصام وصفا او اوتو ماجد......بلاش الغد في المنصوره لان الناس كلها بتشتكي منه........لو هتشتري مستعمل فيه في عمارات العبور استاذ ماجد صاحب اوتوهاشم وده فاهم اوي وامين جدا وعنده قطع غيار للعربيه...........
المشاكل مشاكل تقفيل ممكن تسمع تزييق خفيف من التابلوه مثلا......قطع الغيار لو انت في الضمان ممكن تتاخر بالشهور.......
بره الضمان متوفره الحمد لله

**Ahmed.Essam** · 02-12-2013 12:44 AM

شكرا لحضرتك يا استاذ صدام ربنا يوفقنا جميعا

فعلا يا استاذ draboeyad اللانسر بتحك في المطبات لو محملة
والجين 2 اللي مدايقني منها بعد اللي عرفته عنها حتة صوت التزييق ده لانه بينرفزني جدا
بس لما سألت عنه قاله في الموديل الجديد مبقاش موجود
حتى مفتاح الكبوت اتعدل بعد ما كان في اليمين بقا في الشمال وده انا شوفته بعيني

شكرا جدا لحضرتك يا استاذ draboeyad