الموضوع: تجربتى مع فرع غمرة اليوم

المشاركة الأصلية كتبت بواسطة amrelsaqqa

هههههههه يا احمد انا مش عامل على نفسى وعلى عربيتى تحديدا
انا بتكلم في اللوجيك الغريب بتاع التوكيل ، يعنى لو جيتلهم والعربية عاملة 10010 ما يعرفونيش ، ده ايه ده ، لا والانكى من كدة اللى حصل مع عدي ابقى النهاردة عامل 9900 واثبتت الحالة ، لو جيت بكرة وعديت الـ 10 يبقى مع نفسك !!!!!!!

ردود غريبة جدا ومنطق متخلف

وبعدين مانا لازم اضايق انا بتكلم في المجمل والعام ، مش المشكلة دى تحديدا، لان مثلا ممكن يظهر معايا انا مشكلة تانية خالص غير موضوع الفرامل والتوكيل يبيعنى برضة بنفس الطريقة ، ولا طالما انا بعيد عن المشاكل يبقى انفض وما اتضامنش مع الناس ، وما اخدش المأخذ ده على التوكيل طالما لسة ماحصلليش مشكلة !

فيه حاجات كتير في كل عربية ليها فترة ضمان محددة,,
يعني عندك في الفتيس ال dsg في الصين مدو الضمان بتاعه ل 10 سنين بسبب المشاكل اللي فيه,
مع إن العربية كلها ممكن يكون الضمان عليها 5 سنين فقط.!

التيل عموماً يعتبر قطعة أستهلاكية,, يعني مينفعش التوكيل يدي عليها ضمان بالمنطق أو اللوجيك اللي بتتكلم عليه أكتر من 10 الأف كيلو أو سنة مثلاً.
لأن معدل تأكل التيل للأوتو هوا 15 ل 20 لو كل مشيك جوا البلد وشوارع الزحمة, وبيوصل ل 30 ألف لو بتسافر.
يعني لو ضمانه أكتر من 10 الأف وكل الناس بتخلصة بالمعدل الطبيعي 15 أو 20 بالمشي جوا البلد يبقي كله هيروح يغير التيل في الضمان وهوا أستهلاك طبيعي للتيل من الأستخدام ومش عيب فيه,,

طبعاً 10 الأف رقم مش كويس إن التيل يخلص عليه,,
بس أحنا شوفنا إن الصوت ظهر في الحالتين تحت ال 10 الأف لما كان فيه مشكلة وأتغير في الضمان.

بالنسبة لبطوط التيل أتغير له في الضمان من أول ما قال أنو فيه مشكلة,,
من غير ما يصنفرو له التيل ولا يعملو له أفلام وحوارات زي ما كان بيحصل في عربيات تانية في السوق زي النيسان صني الجديدة, ومكنش التوكيل عايز يعترف بمشكلة التيل في الأساس.

وأنت لو معندكش مشكلة لحد دلوقتي فا مفيش داعي تقلق,
ولو حصل حاجة نبقي نشوف ساعتها ممكن نعمل أيه.