صوت غريب من المارش

**atpo56a** · 01-12-2013 11:47 PM

السلام عليكم احبائي اعضاء وزوار المنتدي
معلش لي استفسار بسيط ياريت كل اللي يقرأ الموضوع يرد...... علشان التوضيح وللفائده
لاحظت من كام يوم يعني الموضوع اتكرر 8مرات معايا انا لما اجي اشغل العربيه الصبح بلاقي صوت طلع من المارش خخخخخخخخخخخ ومعلش بلغه الصنايعيه (شخره ) كأنك شغلت العربيه وهي دايره عرضت الموضوع علي اكتر من واحد والرد بيكون
1- البطاريه ضعيفه وهي اللي بتعمل الصوت للمارش غيرت البطاريه الصوت زي ما هو
2- ايدك تقيله وانت بتفتح الكونتاكت
3- الكونتاكت بايظ وغيره
انا واقع في حيره دلوني اعمل ايه وايه سبب الصوت اللي بيطلع من المارش
اللي نصحني قاللي خلي بالك المارش ممكن يتحرق علي فكره موضوع الصوت ده كل ما اجي اشغل العربيه مش مرتبط بوقت طول اليوم
ارجوكم ساعدوني بالرد ولكم جزيل الشكر

**atpo56a** · 02-12-2013 12:08 AM

متابع ...........

**cap.ahmed** · 02-12-2013 12:09 AM

عملت معايا كده ياباشا وطلع ترس بندكس اللي هوه بيعشق مع ترس الموتور خلي كهربائي يفكلك المارش وغير الترس ب60 جنيه صيني او اشتري مارش استيراد ب180 جنيه
والله اعلى واعلم

**Ahmed Amin** · 02-12-2013 02:31 AM

يعني الصوت دا بيطلع معاك كل مرة تدور فيها العربية,
ولا بيطلع معاك الصبح بس وهيا باردة, ولما بتيجي تدورها وهيا سخنة مش بيطلع ؟

**ekotta** · 02-12-2013 09:39 AM

ترس البندكس يا باشا
وما تهملشي في الموضوع ده
لانه بعد كده هيفوت خالص والعربيه مش هتدوور

**Ahmed Amin** · 02-12-2013 11:55 AM

ممكن صاحب الموضوع أو أي حد عنده الصوت دا يسجله ويحط لنك للصوت دا هنا عشان عايز أسمعه بيكون عامل أزاي,

**elmo7areb** · 03-12-2013 05:26 AM

نفس المشكلة ظهرت عندي من كام يوم

وهي اني اجي ادور العربية يطلع زي صوت اسف على اللفظ .... شخره مكتومه

وسألت الميكانيكى قالى عندك ترس خشن

متابع معاكم جامد

**Ahmed Amin** · 03-12-2013 02:40 PM

المشاركة الأصلية كتبت بواسطة elmo7areb

نفس المشكلة ظهرت عندي من كام يوم

وهي اني اجي ادور العربية يطلع زي صوت اسف على اللفظ .... شخره مكتومه

وسألت الميكانيكى قالى عندك ترس خشن

متابع معاكم جامد

طب دلوقتي يا جماعة أيه الحل في موضوع الشخرة دا,, قصدي الصوت دا.

أنا عندي نفس الصوت دا لما بدور العربية الصبح وهيا باردة,
بعد ما بتدور بتصرخ صرخة كدا, يعني مش بتشخر,,

ولما بمشي بيها بتاع 10 دقايق كدا وأوصل مشوار وأبطل العربية وأدورها تاني مش بتعمل الصوت دا,

لكن لو فضلت 4 ساعات كدا من غير ما تشتغل لحد ما تبرد تاني بتعمل نفس الصوت لما بتدور,

دا يبقي سوسته في المارش ولا حاجة تانية ؟
وهل ترس البندكس اللي في مارش الدايو موجود في كل العربيات ؟

أنا معلوماتي في الكهرباء علي قدي ومعرفش هل المارش عندي في البيجو زي الدايو ولا لأ,,
لأني لاحظت إن ناس كتير بتغير ترس البندكس في الدايو بتاع المارش بس في البيجو نادر أول لما حد بيغيرة.

أنا كنت مسجل الصوت, ورفعته علي اللنك دا, عشان لو حد يعرف دا بيبقي صوت ترس البندكس ولا لأ.
Peugeot Starting sound

مش شرط تعملو داون لود, ممكن تضغط Listen بس وتسمع الصوت من غير ما تنزل الملف.