لانسر 2008

**الهواء** · 02-12-2013 12:09 AM

السلام عليكم كنت عايز رايكم فى العربيه لانسر موديل 2008 كامله منويل، 1300 سى سى فبريكه بره وجوه وماشيه 142000كم ياريت تبينو عيب ومميزات الموديل وقطع الغيار ده ضرورى لان العربيه معروضه للبيع والسعر 73000 الف جم وكنت بفكر اشتريها للاهميه

**Ahmed_Mega** · 02-12-2013 12:30 AM

سعرها عالي حاجة بسيطة المفروض تقف على من 68 ل 71 لانها
1-مانوال
2-1300
3-ماشية كتير
لو اوتو كنا قلنا ماشي لكن عموما العربية حالة لو حالتها سليمة حاول توقفها على 70
مميزتها قطع غيارها متوفرة جدا ومتوفرة كل الصناعات من الصيني الى الياباني الى الياباني الاصلي الى الاستيراد
العيب انها 1300 مع التكييف السحب بيقل بشكل ملحوظ او لو شايل معاك حاجات كتير تاني عيب انها مانوال ودي حاجة هتخصك انت سواء طريق مفتوح ولا زحمة
وهي بالعموم عربية جميلة وتقريبا محفوظة ممكن تعمل شغلها عند اي حد
وبالتوفيق انشاء الله

**amro0000** · 02-12-2013 01:21 AM

السعر عادل لو حاله العربية ممتازة وفبريكة برة وجوة هيا بس النقطة كلها انها ماشية كتير بس اعتقد دا احسن من واحد يغشك ويقلب عداد وتدفع الفلوس وانتة مفكر ان العربية ماشية عداد قليل بس واضح ان الراجل صاحب العربية واضح وانا لو ببيع بتاعتي مش هطلب اقل من 75 الف لان حاله العربية بتحكم اكشف عليها واتوكل علي الله لو الدنيا تمام وشوف العفشة اتأكد انها مفهاش شغل عشان عفشتها غالية شوية

**muhmado_furp** · 02-12-2013 02:25 AM

المشاركة الأصلية كتبت بواسطة ahmed_mega

سعرها عالي حاجة بسيطة المفروض تقف على من 68 ل 71 لانها
1-مانوال
2-1300
3-ماشية كتير
لو اوتو كنا قلنا ماشي لكن عموما العربية حالة لو حالتها سليمة حاول توقفها على 70
مميزتها قطع غيارها متوفرة جدا ومتوفرة كل الصناعات من الصيني الى الياباني الى الياباني الاصلي الى الاستيراد
العيب انها 1300 مع التكييف السحب بيقل بشكل ملحوظ او لو شايل معاك حاجات كتير تاني عيب انها مانوال ودي حاجة هتخصك انت سواء طريق مفتوح ولا زحمة
وهي بالعموم عربية جميلة وتقريبا محفوظة ممكن تعمل شغلها عند اي حد
وبالتوفيق إن شاء الله

كلام مظبوط ميه ميه
انا عاوز ازود بس ان 1300 في المانيوال مرغوب في البيع والشراء عن الاوتو
لان الاوتو السحب مع التكيف اضعف من المانيوال
فانت ارفعها كويس وشيك عليها
وبالنسبة للعداد هو طبعا مؤشر لكن مش كل حاجه طالما العربية صيانتها منتظمة ومتابعه مستمره الكيلو متر ميخوفش