المشاركة الأصلية كتبت بواسطة dr_ahmed80
اخوانى الافاضل فى المنتدى
اشكركم كلكم على المشاركات ..... و اشكر اخوتا فى منتدر الفلونس غلى الفيس بوك
انا تانى يوم كلمت الكول سنتر و عمل شكوى جامدة و على اخر النهار لما خلصت الشغل رحتلهم هناك فى التوكيل و قابلنى المهندس ياسر مدير المركز و المهندس محى مدير الصيانة و الناس كانو غاية فى الاحترام و الذوق و لما عرفته بنفسى قالى ان احنا فى اجتماع من الصبح من الشكوى بتاع حضرتك و انت ليك حق و كلامك مظبوط و نزل قاس الزيت معايا فى العربية و فعلا اكتشف ان الزيت زايد ....... بس المهم انه جابلى السوفت وير الى هما شغالين بيه من فرنسا و راهولى على الكمبيوتر و برقم شاسيه العربية بيطلع كل حاجة و قال ان فرنسا بتقول 4ز3 لتر بتغير فلتر الزيت و 4ز1 من غير تغيير الفلتر
طبعا انا سؤالى انا لو كان ده فعلا صح مامنش يبقى الزيت زيادة كده
المهم قالى احنا هنراسل فرنسا للاستفسار و تغيير ماهو موجود فى الكتالوج لمالك السيارة ؟؟؟؟؟
و كلمنى الكول سنتر فى التلفون امبارح و قالى تحب نرفع الشكوى للادارة قلتله اه .... لانى فى الاخر عاوز رد لكى تعم الفايدة علينا جميعا لانه لو طلع كلامى صح هخليهم يجيبو كل العربيات الى عملوها تغيير زيت فى الفترة الى فاتت و يظبطوها و دى اقل حاجة ممكن تتعمل و ربنا يكرمنا .....
بس احب اطمن اخوانى التوكيل محترم و مش بيشتغل بدماغه لانى كنت قلقان من كده جدا