تجربتى مع أول صيانة (صيانة 10000) للفلونس الفيس ليفت 2014

**miceg** · 02-12-2013 01:38 PM

طيب ايه الواحد يغير ويحجز كورولا 2014 احسن ؟؟؟؟؟؟؟؟؟؟
انا كنت سامع ان رينو توكيلها محترم

**Hany Saad** · 02-12-2013 02:37 PM

المشاركة الأصلية كتبت بواسطة gogo2012

على فكره التوكيل فعلا محترم ، ايوه فيه سلبيات بس الايجابيات اكتر ، وتعتمد على الفرع الى انت رايحه
انا حجزت بالتليفون صيانه ٢٠٠٠٠ فعلا رحت لقيت عربيه امامى انتظرت عادى استلموا السياره الايجابيات الى انا حابيبها انه انت ضامن ان السياره موش هيتلعب فيها بغشامه وده كويس حتى لو دفعت اكثر وجالى مهندس الكار كير يعرض خدماته اختر منه اقل قيمه كانت ٧٠ ج بعد انتهاء الصيانه استلمت العربيه جديده فابريكه وحتى قطع الغيار الى اتبدلت موجوده بشنطه السياره حسب طلبى المسبق ، بعديها بيوم خدمه العملاء كلمتنى واتاكدت ان كل حاجه تمام
تحيه الى توكيل رينو سموحه او العامريه الاثنين ممتازين

أنا بأيد كلام حضرتك...يمكن أنا عارفهم شوية علشان علاقتى معاهم تعود لسنة 2001 من أيام الكليو و لكن مقارنة بباقى التوكيلات يعتبر رائع.....فيه سلبيات...أه طبعا فيه بس فى الأخر فيه حد بتكلمه و بيشدهم و بتكلم رينو دبى تشتكى و بتكلم رينو فرنسا تشتكى و حقك بيرجع زى الباشا فى خلال 48 ساعةلو غلطوا....

عمرى ما روحت ملقتش قطع غيار و لو مش موجودة بيطلبها على طول و بتيجى شحن جوى و يكلمنى...يا ريت نشوف ملاك النيسان الصنى اللى بتتجمع فى مصر و الجوك و القشقاى اللى مش لاقيين قطع غيار و المفروض أن توكيل نيسان من التوكيلات المحترمة
مرجعتش بنفس العيب كتير.....
أسعار غالية...طبعا....ساعات بيسطعبطوا فى السعر...كتير...لكن مقارنة بكتير من التوكيلات فى مصر يعتبر من أحسنهم...
فى المجمل و عن تجربة 14 سنة أنا مبسوط منهم جدا و ده سبب أساسى أنى حجزت الفلوانس...على فكرة أنا أتعاملت مع منصور فى أوبل و توكيل فولكس فى جيتا و باسات و توكيل دايهاتسو فى تريوس و مع غبور ....بالمقارنة هو أحسنهم Hands Down

**Batman372** · 04-12-2013 05:17 PM

المشاركة الأصلية كتبت بواسطة miceg

طيب ايه الواحد يغير ويحجز كورولا 2014 احسن ؟؟؟؟؟؟؟؟؟؟
انا كنت سامع ان رينو توكيلها محترم

رينو فعلا من التوكيلات المحترمه ...
الكورولا 2014 الى ب 185 هى افضل بصفه عامه و فئه سعريه اعلى ... لكن مع احترامى لا تستحق انتظار 3 شهور ...
تحياتى ...