السلام عليكم
اهلا بالصديق الغالى اللى اول مره ينور قسم نيسان و سأل سؤال جميل و محير لناس كتير
و انا كنت خارج فالسؤال استفذنى و حبيت اجاوبك عليه و كلى امل انى افيدك انت و باقى الاعضاء
اولا انا اؤمن بنظرية اسأل مجرب و متسألش طبيب و علشان مطولش عليكم بكلام فى الهوا
انا معايا بفضل الله نيسان صنى سوبر صالون 2014 الدفعه الجديده اللى هيا بتكييف تتش
و استلمتها من 47 يوم و عملت بيها 4 الاف كم تقريبا و سافرت على طرق ممهده و غير ممهده
و دا اقصى اختبار ليها من حيث القوه و الثبات و العفشه و خلافه و هذه ليست اول سياره انا
و لله الحمد سوقت كذا نوع قبل كده و اقدر احكم كويس المهم انا كل اللى عملته لما اشتريت
العربيه و بناءا على بعض الشكاوى من الاعضاء اللى مجربين غيرت الكاوتش بتاعها كنوع و مقاس
خليته من 185\65 ماكسيس صينى الى كومهو مقاس 195\60 و دا عدل ثبات العربيه شويه
و تانى شئ بخصوص الكاوتش برضه ناس افتكست افتكاسه غريبه و للاسف لقيتها موجوده على
قايم العربيه ان ضغط الكاوتش قدام 33 و خلف 30 و للاسف انا عملت كده و كانت غلطه لانى
لقيت العربيه ثباتها ضعيف جدا و مش مظبوطه و حسيت بيها اكن فى بوش فى الدريكسيون
قمت قولت اجرب و عملت ضغط العجل كله 30 و طبعا نيتروجين فلقيت اداء العربيه جميل جدا
و اتحسن كتير و مشيت بيها على الطريق الصحراوى 160 الى 180 و كنت هجيب ال 200 بس
بصراحه قلقت من مفاجاٌت الطريق هههههه لكن ثباتها بعد ال140 يقلق لو الطريق هيبقى
فيه مناورات اما لو مفتوح وواسع و انت حافظه يبقى مفيش قلق اما صاجها فخفيف نوعا ما
و هذا حال كل السيارات الجديده اما المشاكل السابقه فرامل و غيره فهى و لله الحمد اختفت تماما
فى الموديل الحديث بالنسبه للفئه الاولى كمان اما فقر الشكل او التابلوه فأنا لا ارى هذا موجود
بالعكس شكلها جميل جدا و خاصتا السوبر صالون تحفه و كمالياتها حكايه بالنسبه لسعرها طبعا
بس يا ريت لما حد يقارنها بسياره اخرى يختار نفس الفئه للمقارنه علشان يبقى في عدل و اقتناع
من الاخر كده اللى يجيبها يجيبها و هوا مطمن قوى لانها صفقه رااااااااااااابحه بالنسبه للاوبشن
و السعر بتاعها و انا شايف انها ممتاااااااااااااااااااااا ازه و ربنا يوفقكم للخير
بالمناسبه نسيت اقول لحضرتك ان مفيش نيسان الشكل الجديد نزلت خليجى فى مصر
دا كله كلام تهجيس و اى فتى و خلاص و كلها اشتغالات يا سيدى الفاضل كله يبانى تقفيل مصرى