نيسان صني 2014

**Ashraf_Ibrahim** · 02-12-2013 03:09 AM

ازيكم يا شباب اخباركم ايه؟
اول مرة اجيلكم هنا القسم :d
عندي استفسار عن نيسان صني 2014 اتوماتيك اول فئة طبعا
كنت عاوز اعرف ايه الفرق بين الوكيل والخليجي -هل فيها خليكي واللا لا -
وكنت عاوز اعرف سعرها واسعار الفئات اللي بعدها وكل فئة بتزيد ايه عن التانية
والمشاكل الشائعة للعربية دي ؟!
يعني مثلا سمعت انها ثباتها بعد ال 120 في الضياع مثلا وان فيها مشاكل في منظومة الفرامل فحابب استفيد منكم واخد العلم من اهل العلم ومن تجارب شخصية فعلا
شاكر جدا ليكم :]

**edodahab** · 02-12-2013 08:38 AM

اولا نورتنا يا باشا
انا لسة جايب العربية من حوالى شهر و نص و كان سعرها فى المعارض ١١٣ الف و عند التوكيل ١٠٩،٥٠٠ بس استلام بعد شهرين معرفش اذا كان سعرها زاد شوية و لسة زى ما هو
الصنى بينزل منها تلات فئات مانوال و اتوماتيك و هاى لاين و فيه موضوع مثبت فى القسم عن الفروق بينهم
الخليجى موجود عند سمير ريان و الفروقات اللى انا لاحظتها ان الخليجى فيه ازاز فامية خلفى و بطانة لشنطة العربية ، ممكن يكون فيه فروق تانية بس انا معرفش و ننتظر اراء باقى الاعضاء
العربية فى مجملها كويسة بس اهم عيوبها ان سحبها مش جامد اوى و الثبات فوق ١٤٠ مش كويس ، صاجها ضعيف حبتين ، تابلوه فقير نسبيا و كاوتش صينى رديئ
مشكلة التيل و الطنابير و صاجة تم حلها فى الدفعات الجديدة و الفرامل محترمة جدا مع ان فيه بعض الناس حظهم مش تمام و بيظهر عندهم مشاكل بس معتقدش ان دول عددهم كبير
و دة انطباعى الشخصى عن العربية http://www.nilemotors.net/Nile/389311-a.html
شكرا

**edodahab** · 02-12-2013 03:15 PM

المشاركة الأصلية كتبت بواسطة saint2011

أولا مفيش نيو صنى خليجى بينزل مصر نهائى و الموجود هما ثلاث فئات:
1-مانوال 104500 جنية
2- أتو 109500 جنية
3-سوبر صالون أتو 119500 جنية
وطبعا دى اسعار الوكيل وأستلام من شهران إلى 3 شهور
ولو هتشترى العربية من المعارض تسليم فورى نتزيد من 4000 إلى 6000 جنية فوق السعر الرسمى وأنت وشطارتك مع المعرض

لسة مكلم سمير ريان و قالى ان كان فيه دفعة عربيات خليجى نزلت من اقل من سنة و خلصت و كل اللى فى السوق دلوقتى مصرى
سعر العربية دلوقتى ١١٤ و ١٢٤ السوبر سالون

**saint2011** · 04-12-2013 03:15 PM

المشاركة الأصلية كتبت بواسطة edodahab

لسة مكلم سمير ريان و قالى ان كان فيه دفعة عربيات خليجى نزلت من اقل من سنة و خلصت و كل اللى فى السوق دلوقتى مصرى
سعر العربية دلوقتى ١١٤ و ١٢٤ السوبر سالون

مفيش نيوصنى خليجى نزل مصر نهائى هو كداب على فكرة عشان مينفعش تنزل خليجى عشان فى مصنع لنيسان فى مصر بيصنع العربية

**elweshahy** · 04-12-2013 03:59 PM

انا بصراحه حجزت العربيه يوم 24/11/2013 و ناس عماله تقول العربيه كويسه و ناس تانيه بتقول الصاج بتاعها ضعيف و بتعوم و فيها مشاكل في الفرامل
انا بجد بقيت حيران و مش عارف أروح أرجع فلوس الحجز ولا اعمل ايه ؟
انا عاوز حد بس يدني معلومه من الأخر لاني بجد في حيره

**hatahet** · 04-12-2013 06:35 PM

المشاركة الأصلية كتبت بواسطة elweshahy

انا بصراحه حجزت العربيه يوم 24/11/2013 و ناس عماله تقول العربيه كويسه و ناس تانيه بتقول الصاج بتاعها ضعيف و بتعوم و فيها مشاكل في الفرامل
انا بجد بقيت حيران و مش عارف أروح أرجع فلوس الحجز ولا اعمل ايه ؟
انا عاوز حد بس يدني معلومه من الأخر لاني بجد في حيره

بص يا سيدى انا معايا العربيه بقالها سنه و بالنسبه لصاج الكبوت فهو ضعيف نسبيا بس مش لدرجه انك لو سندت عليه يطبق لكن لو حد قعد عليه اكيد هيتطبق
بالنسبه للثبات فهى كويسه اوى احد ال140 وسحبها كمان زى الفل بعد ال140 محتاج تمسك الدركسيون كويس خاصة انى من الناس اللى بتحب تمسك الدركسيون بأيد واحده فبعد 140 بسند الدريكسيون بايدى التانيه
اما مشاكل الفرامل فهى كانت ظهرت عندى و عملتها فى اتو ايجبت الحمد لله بدون تحمل اى تكاليف
و مماشاء الله فراملها اتظبطت و كشفت على دوره الفرامل من اولها لاخرها و كلها االحمدلله " العبد لله مهندس ميكانيكا "
و ليا واحد صاحبى كان بيشتغل فى المصنع نفسه و اكدلى ان القطع اللى ظهر منها مشاكل تم استبدالها و تغييرها و الحمد لله فى متابعه للعربيه كويسه
اما العجل فهو بيلم ظلط هبل لاكن محستش بزحلقه ولا اى كلام من اللى بتتقال دى

و من الاخر انا وواحدمن الناسﻻاللى شايفه ان العربيه دى احسن اختيار فى الفئه السعريه
و عموما رربنايهديك للصالح و اللى فيه الخير ان شاء الله

**edodahab** · 04-12-2013 06:40 PM

بص يا يا باشا متتوقعش ان فيه اى عربية فى الفئة السعرية دى ميكونش فيها مشاكل
المهم ان المميزات تكون اكتر من العيوب و تكون تناسبك
دة تقريرى و انطباعى عن السيارة
http://www.nilemotors.net/Nile/389311-a.html

**elweshahy** · 05-12-2013 10:21 PM

الف شكر ياجماعه للإفاده
و أحب أقولكوم أني رجعت في كلامي و رحت خلصت في عربيه تويوتا يارس و أستلمتها النهارده من عند توكيل الرزق
بس المشكله دلوقتي أني مش عارف أرجع فلوس الحجز اللي انا دفعتها بس انا وراهم

**Mohamed Nahas** · 20-03-2014 11:50 AM

ازيكوا يا شباب :)
عندى مشكلة امنى تفيدونى فيها .
انا جايب صنى الشكل الجديد من 3 شهور و نص كده من اسبوعين تقريبا قبل صيانة ال 5000 الفرامل بدأت تصفر لما بشعرلها على السرعات القليلة و فى الصيانة فى مودرن موتورز الهايكستب قلتلهم على المشكلة و لما خلصوا قالولى ابتيل كان محتاج يتنضف و كله بقي تمام و انا اساسا من بورسعيد و انا راجع على الطريق رجعت المشكلة تانى و عمبت شكوى على الهوتلاين بتاع نيسان و مركز الصيانة كلمنى و حددت ميعاد يوم السبت علشان يكشفوا على العربية
ممكن لو تكرمتم افادة للى حصلتلوا المشكلة دى عمل فيها ايه و التوكيل هينيمنى و يقولى نضافة تانى و لا ايه اللى هيحصل و المفروض اعمل ايه
اسف للاطالة :)