بإختصار حتى لا أطيل عليكم
امبارح روحت غمرة عشان الصيانة
وكان عندى مشكلتين
1- صوت فى الفرامل (مشكلة التيل )
2- الباب مش محكم (يعنى بحس بهوا داخل من جنبى وانا سايق)

المهم روحت النهاردة وعامل حسابى انى هخلص فى غمرة واطلع على الشغل بتاعى
وكنت اول واحد ادخل التوكيل الصبح

الحمد لله وصلت قبل ما اكمل ال 10000 كم
وفعلا غيروا تيل الفرامل الامامى
وبكدة يكون الحمد لله المشكلة الاولى اتحلت

المشكلة الثانية بقى
الحمد لله قعدونى طول النهار لحد ما قفلوا وبردة ما اتحلتش
يدخلو العربية الورشة ويطلعوها اجربها ولا اى تغيير
والمضحك بقة ان الصوت كان فى الباب بتاعى بس
الحمد لله بعد العك بتاعهم بقت فى الباب اليمين كمان
والخيبة بقى طلع مشرف الصيانة يجرب العربية ودى كانت المرة السادسة للتجربة
ودى المرة الوحيدة اللى مطلعتش معاه فيها لانى كنت اتخنقت منهم
رجه يقولى فى زلطة وقعت على الكابوتوعملت نقرة
والمدير يقولى طيب تعالى بكرة عشان نشوف نعمل ايه فى الباب ونسمكر الكبوت بعد بردة ما قعدت معاهم لحد ما اليوم خلص
والمستفز بقة ان كبير المهندسين واربع مهندسين بيقولو احنا حاولنا وعملنا كل حاجة بس مش عارفين نحل المشكلة

قولتلة انا مش عاوز منكم حاجة وافشت عليهم ومشيت واخر حاجة قولتهالم حسبى الله ونعم الوكيل

بصراحة انا على اخرى ومش طايق التوكيل دة لدرجة انى بفكر ما اعملش صيانة اصلا فى التوكيل دة تانى

انصحونى بقة اعمل اية الصراحة عاوز اشتكيهم شكوى رسمية بس مش عارف اعمل ايه