القول الفصل فى صاج وكبوت الصنى الشكل الجديد

**medo-312** · 05-12-2013 01:56 AM

المشاركة الأصلية كتبت بواسطة edodahab

يا باشا بلاش الدفاع المستميت عن العربية و خلاص
انا معايا العربية و قبل ما اشتريها و انا عارف مميزاتها و عيوبها و ان من عيوبها ان صاجها ضعيف
و بالفعل لما تقارنها بأى عربية تانية هتلاقى انها اضعف بس بالنسبالى المميزات اكتر من العيوب و زى منتا قلت العربية فى مجملها ممتازة
اما بالنسبة للتهويل ان لو حد زق العربية تتطبق و الكلام دة معتقدش ان دة ممكن يحصل
و فعلا قصاد كل عربية فيها خبطة فيه مية زى الفل
بس اللى انا بقيت الاحظه مخبوط كتير هو الاكصدام الخلفى مش الكابوت

والله مش دفاع مستميت وخلاص بس الواحد مستغرب من الهجوم الغريب على العربية .. هو فيه عربية من غير عيوب ؟ اعتقد لسه ماتعملتش بس المهم العيوب تكون مقبولة .. وبالنسبة للنيو صنى وجهة نظرى المتواضعة انها جيدة جدا بالنسبة للسعر والكماليات فى فئتها وياسيدى ماتزعلش احنا كلنا اخوات

.. انا كل قصدى ان لما واحد يبقى خايف من عيب معين الأمانة تقتضى اننا نوضحوا ليه بكل حيادية وفى نفس الوقت نقوله على الميزات كمان وألا نبقى بنخوفه بدون قصد .. وتصدق الأكصدام ده لو اتخبط بيترد بشوية ميه سخنه .. يعنى حاجة عادية جدا لأنه فيبر .. عموما نيو صنى فيها سفتى تمام وواخدة 4 نجوم فى اختبارات الأمان من IIHS وفيها حاجات فى البناء الهندسى احنا مش شايفينها لأنها داخل جسم العربية :

2013 Nissan Versa Sedan Earns Top Safety Pick From IIHS

https://www.youtube.com/watch?v=eio5UCWVbnQ

**medo-312** · 05-12-2013 02:07 AM

https://www.youtube.com/watch?v=qmacNraxTS0

**Batman372** · 05-12-2013 03:06 AM

هو من الواضح ان صاج الجديده اضعف من القديمه ..
لكن مش لدرجه انك تلغيها من حساباتك ...

انا الصنى بتاعتى مو 2007 اول اسبوع تاكسى قديم دخل فى الاكصدام الخلفى شمال من الزاويه ... دخل لجوه زى الكوره :) و كنت متغاظ وقتها ازاى خبطه خفيفه تعمل كده ؟؟
رحت لبتاع فبر متخصص ... سخن عليه بهواء شسوار :) و رده من الداخل .. اكنه لم يحصل فيه شىء :) و ب 20 جم ..

مبروك مقدما ...

تحياتى ...

**edodahab** · 05-12-2013 04:50 PM

المشاركة الأصلية كتبت بواسطة medo-312

والله مش دفاع مستميت وخلاص بس الواحد مستغرب من الهجوم الغريب على العربية .. هو فيه عربية من غير عيوب ؟ اعتقد لسه ماتعملتش بس المهم العيوب تكون مقبولة .. وبالنسبة للنيو صنى وجهة نظرى المتواضعة انها جيدة جدا بالنسبة للسعر والكماليات فى فئتها وياسيدى ماتزعلش احنا كلنا اخوات

.. انا كل قصدى ان لما واحد يبقى خايف من عيب معين الأمانة تقتضى اننا نوضحوا ليه بكل حيادية وفى نفس الوقت نقوله على الميزات كمان وألا نبقى بنخوفه بدون قصد .. وتصدق الأكصدام ده لو اتخبط بيترد بشوية ميه سخنه .. يعنى حاجة عادية جدا لأنه فيبر .. عموما نيو صنى فيها سفتى تمام وواخدة 4 نجوم فى اختبارات الأمان من iihs وفيها حاجات فى البناء الهندسى احنا مش شايفينها لأنها داخل جسم العربية :

2013 nissan versa sedan earns top safety pick from iihs

https://www.youtube.com/watch?v=eio5ucwvbnq

حبيب قلبى
ربنا يسترها علينا

**abohassan** · 06-12-2013 10:58 PM

أنا متشكر جدا لتفاعل حضراتكم ...
بس انا شايف إن النتيجه كدا تعادل .. يعنى فيه إخوه من ملاك العربيه بيقولوا إن صاج العربيه وخصوصا الكبوت كويس ومعندهومشى مشكله فيه بقالهم حوالى سنه ...
وفيه ناس تانيه بتقول عكس الكلام دا ....
وانا متأكد إن الإتنين صح .. الرأى الأول ممكن يكون صاحب العربيه بيحافظ عليها جدااا وبيركنها فى جراج إلخ فا معندهوش المشكله دى ....
والرأى التانى ممكن يكون حد ريح عليها ركن عليها قطه نامت على الكبوت إلخ فا ظهرت عنده المشكله ...

حاليا أنا إحترت أكتر .. أصل دى فلوس كتير يا إخونا وأقساط ومصاريف ... وبعدين انا أكيد مش ها أجيب عربيه علشان أحسس عليها .. دى عربيه معرضه لاى موقف ترييحه ميكروباص شاب ظريف تعبان حب يريح شويه ... قطه تعبانه حبت تنام ...

بصراحه أنا محتاااااااااااار جدا ...

**edodahab** · 07-12-2013 11:00 AM

روح اى معرض و اركب و جرب بنفسك و ربنا يكرمك للخير

**dodyam** · 09-12-2013 12:14 PM

هى فعلا صاج الكبوت ضعيف ومع انى بأركن فى جراج ومش بأسيب المفتاح لكن المشكلة فى لما السايس الصبح بيطوق العربية بعد مرور سنة عليها فعلا تحس الصاج متموج فى حتت لكن الموضوع مش فارق للدرجة بس هو فعلا موجود للأمانة

**مهندس محمد** · 09-12-2013 02:07 PM

يا جماعة الموضوع بسيط
كل العربيات الجديدة صاجها خفيف وضعيف
خلينا نقول الصنى برده صاجها ضعيف
بس مش لدرجة واحد بيلمعها ولا بيطوقها تموج معاه هههههههههههههه والا تبقى ورق
طبعا العربية معايا واختبرت الصاج خصوصا الكابوت لو ضغطت عليه بصباعك الكبير جامد ممكن ينزل معاك ويرد تانى طبعا لما تشيل صباعك
بس ده موجود فى كل العربيات وبنفس النسبة تقريبا
اكيد العربيات الجديدة ما تستحملش حد يقعد ع الكبوت او الشنطة زى العربيات القديمة
بس ده هو حال الدنيا والتطور الطبيعى فى الصاج
الشركات دلوقتى بتعمل عربيات عشات تتغير بعد خمس سنين بالكتير
نظام العشرين والتلاتين سنة بتاع زمان ده انتهى خلاص
هههههههههههههههههههههههه
مش موجود غير فى مصر بس
تحياتى للجميع واتمنى لكم جميعا السلامة ومتعة القيادة

**edodahab** · 09-12-2013 02:50 PM

متفق معاك تماما

**emado5** · 17-04-2014 12:00 AM

انا معايا صنى الشكل الجديد 2013 فعلا الكبوت ضعيف جدا وانت عارف فى ناس بتحب تقعهد على العربية بس للاسف بتطبق ولو يند عليها جامد تطبق وده العيب الوحيد اللى انا شايفة فيها غير كده فهى زى الفل بس لو حد يعرف طريقة تقوى الكبوت يقولنا عليها