القول الفصل فى صاج وكبوت الصنى الشكل الجديد

**Dr M.Noaman** · 17-04-2014 07:48 AM

أنا معايا نيوصني 2014 كنت زيك كدا موسوس جدا جدا بصراحة في موضوع الصاج وحاسه أخف من كل العربيات ...

مبدئيا قوة الصاج قدام أقوى من الصاج ورا يعني الكابوت أنشف شوية من بقية الصاج ..

من كام يوم أخدت شارع جيهان في المنصورة -شارع رئيسي- وقعدت أخبط على كل العربيات الجديدة اللي واقفة ولقيت الصاج تقريبا نفسه زي قوة النيو صني

كل العربيات الجديدة صاجها خفيف كدا بس الفرق إن عندنا متخدم شوية ع ماتور العربية فمرجعين الماتور ورا ..
وكمان عندك من ورا حاجزين كدا عشان لو عربية دخلت فيك من ورا لا قدر الله تحميلك الشاسيه قدر الإمكان - والحاجز دا حماني في حادثة عملتها من حوالي أسبوع الحمد لله -

فاستخير ربنا وانزل بنفسك شوف العربيات .. وللعلم الصاج بتاع القديمة مش بالفرق الشاسع عن النيو صني يعني زي ما كنت متخيل

**mostafa_logger** · 18-04-2014 01:22 AM

المشاركة الأصلية كتبت بواسطة medo-312

حاجة غربية .. انا معايا العربية ماحستش ان صاجها ضعيف للدرحة دى .. وكل يوم باشوف عشرات منها بتجرى فى الشارع مافيهاش حتى خربوش !! على فكرة عربيتى باركنها فى جراج وباسيبها على المور n علشان مابسيبش المفتاح مع السايس وطول اليوم نازل فيها زق علشان يوسع للعربيات الداخلة والخارجة وكل مااروح الأقيها فى مكان مختلف وعمرى ماشفتها مطبقة ؟؟ .. ياريت نبعد شوية عن التهويل وكل اللى بيتكلم عن الجديد وانه كله صاجه ضعيف ماشى دى معروفة للجميع انما الصنى بالذات اضعف شوية ؟؟ هو احنا مسكنا بوكليس خلاص وعرفنا انها بسكويت !! .. ياسيدى العربية فى المجمل زى الفل وفارنها بأى عربية فى نفس الفئة هاتكسب بجدارة

ممكن اعرف بس ازاى بتسيبها على ال n لان المفتاح مش بيطلع غير على ال p هل فى طريقة ممكن اعرف اطلع بيها المفتاح
ارجو الافادة

**Dr M.Noaman** · 18-04-2014 07:16 AM

المشاركة الأصلية كتبت بواسطة mostafa_logger

ممكن اعرف بس ازاى بتسيبها على ال n لان المفتاح مش بيطلع غير على ال p هل فى طريقة ممكن اعرف اطلع بيها المفتاح
ارجو الافادة

بعد ما بتطلع المفتاح والفتيس ع الـp هتلاقي فيه ع شمال الفتيس زرار كدا صغير خالص اضغط عليه بالمفتاح أو أي سن تدخله جوه وبعدين حرك الفتيس ناحية الـd عادي

**ibrahimsaad** · 18-04-2014 11:49 AM

المشاركة الأصلية كتبت بواسطة dr m.noaman

بعد ما بتطلع المفتاح والفتيس ع الـp هتلاقي فيه ع شمال الفتيس زرار كدا صغير خالص اضغط عليه بالمفتاح أو أي سن تدخله جوه وبعدين حرك الفتيس ناحية الـd عادي

افهم من كده ان لو لاقدر الله العربيه وقفت لاى سبب ممكن الواحد يقطرها بعربيه تانيه لغايه اقرب ميكانيكى مثلا او تحريكها من مكانها لمسافه بالطريقه دى

**mostafa_logger** · 18-04-2014 08:27 PM

المشاركة الأصلية كتبت بواسطة Dr M.Noaman

بعد ما بتطلع المفتاح والفتيس ع الـp هتلاقي فيه ع شمال الفتيس زرار كدا صغير خالص اضغط عليه بالمفتاح أو أي سن تدخله جوه وبعدين حرك الفتيس ناحية الـd عادي

زرار shift lock ؟؟؟
و هل لما اجى ادور العربيه الزرار ده هيرجع لأصله تانى ولا ايه

**ehab_hamed** · 19-04-2014 02:26 AM

للأسف انا الكابوت عندى حصلت فيه المشكله دى برضه وبقى شكله مش تمام لأنه مموج وسألتهم فى التوكيل وانا بعمل صيانة قالوا اكيد حد قعد على العربية من قدام.... والله اعلم

**Dr M.Noaman** · 19-04-2014 07:45 AM

المشاركة الأصلية كتبت بواسطة ibrahimsaad

افهم من كده ان لو لاقدر الله العربيه وقفت لاى سبب ممكن الواحد يقطرها بعربيه تانيه لغايه اقرب ميكانيكى مثلا او تحريكها من مكانها لمسافه بالطريقه دى

آيون عادي جداً تخلي العربية تتحرك بالطريقة دي طالما مش عايزها تفضل ع الp

**Dr M.Noaman** · 19-04-2014 07:46 AM

المشاركة الأصلية كتبت بواسطة mostafa_logger

زرار shift lock ؟؟؟
و هل لما اجى ادور العربيه الزرار ده هيرجع لأصله تانى ولا ايه

الزرار دا مجرد إنه بيفك التعشيقة بتاعت الفتيس فقط بأنك تقدر تحرك العربية وهي ع وضع الd

إنما الزرار بيرجع لواحده بعدها عادي يعني مش محتاج تعمل فيه حاجة تانية