الموضوع: استفسارات لاخواني من أهل الخبرة ، فهل من معين

السادة الأفاضل أهل الخبرة والعلم
وأعضاء المنتدي الكرام
جميعــــــــــــــــــــا
السلام عليكم ورحمة الله وبركاته
وجزاكم الله خيرا علي ما تدلون به اخوانكم من خير وعلم

وبعــــــــــــــــــــــ ــــــد
الحمد لله قد منً الله علي الايام الماضية بشراء عربية دايو لانوس 2006 مانول
والحمد الله اظن ودا برائ مكانيكي ان المتور حالته جيدة جدا
العافشة كانت محتاجة شوية تربيط وتظبيط بسيط والعفشجي فكها كلها واطمن عليها وظبط الجلد وأمن علي كل الللى كان شايفة محتاج تظبيط حاجات الحمد لله بسيطة ومكلفتش كتير
الاهم بقي


انا النهاردة اول مرة تقريبا يعتبر اطلع بالعربية سافرت بها مسافة حوالي 250 كيلو
الحمد الله اعتقد ان العربية كويسة بس لحظت شويه حجات مش مريحاني خالص ومقبلتنيش في العربيات اللى ركبتها قبل كدا رغم انها كانت موديلات اقدم من دي ( كنت راكب افيو 2005 وبعدين كيليو 2002 ، والحجات اللى ظهرت لي دي مكنتش في العربيات دي مش عارف دا علشان اختلاف العربيات ولا اللى انا لاحظته دا شيء طبيعي في اللانوس


1- دواسة البنزين حساسة لدرجة مزعجة جدا جدا جدااااااااااااااااا لدرجة اني مكنتش عارف اظبط رجي عليها وطبعا كل مرة كنت باجي اطلع فيها من الغيار الاول كانت العربية بتجعر لان دواسة البنزين حساسة جداااااااا وطبعا عملت الموضوع دا كتير جدا وكل شوية اقول لنفسي شويه وهاخد علي الدواسة دي بس الصراحة الموضوع كان مزعج جدااااااااااااا جدااااااااااااا ومبالغ فيه فهل موضوع الحسسية المفرطة لدواسة البنزين له حل زي حساس او كدا ممكن اتحكم فيها ولا ايه بالظبط ولا ممكن اعمل ايه ؟


2- النقطة التانية (تقريبا الدبرياج ) كل مرة بردة اجي ادي الغيار الاول كانت العربية بتبرجل بشكل يخلى العربية تنهز جامد جداااااااااااا وكان طبيعي اني ادوس بنزين فتيجي الدووسة جامدة فالعربية تجعر
فهل موضوع برجلة العربية مع الغيار الاول دا موضوع ايه، دا دبرياج عايز ينشد ولا دا اسطوانه ولا هو ايه بالظبط وايه حله ؟

3- الفرامل بتاعت العربية غريبة جدا ، انا مبدئيا عارف من خلال المنتدي هنا كنت قرأت موضوع عن فرامل الانوس انها سيئة بس هل الموضوع للدرجة دي ؟ الفرامل لازم ادوسها وافعصها للاخر علشان العربية تقف والكلام دا والعربية مثلا داخله على مطب يعني والعربية ماشية بالراحة او ماشي في الزحمة يعني مش في السريع فهل هي سيئة للدرجة دي ولا الفرامل محتاج اعمل فيها حاجة رغم ان العفشجي وهو بيفك العفشة بصيت وهو كمان على التيل الامامي وجدته جديد فايه الموضوع وايه الحل ؟


4- اخر شيء لحظته العربية اول متعدي سرعة ال 80 يعني بالظبط عند ال 81 يبداء الدكسيون يرعش بقوة جداااااااا واول متعدي سرعة 95 يرجع يثبت خالص وكأن العربية واقفة ولحد سرعة 120 واكتر بردة الدركسيون ثابت ايه الموضوع دا بالظبط ، نسيت اقول ان انا لما كنت عند العفشجي ولاني عارف ان العربية بالتجربة مع عربية احد اقاربي مش بيتسيب مطب الا وبتخده بالاحضان ولاني ساكن في منطقة كلها مطبات غير ادمية من مسافة 6 كيلو قبل دخول منطقتي فخليت العفشجي حط جلدة على السوست اللى وراء حط الجلدة الوسط اللى ارتفعها تقريبا 1,5 سم هل ممكن دا اللى بيبرجل اللى طارة ولو كان هو مش المفروض الموضوع دا يزيد كل لما السرعة تزيد ودا اللى بيحصل عكسة معي ، فايه الموضوع بالظبط وهل في حل ؟

انا عارف اني طولت جدا عليكم
بس انا فعلا مش بفهم في السيارات اي حاجة
والصراحة منذ تجربتي الاولي في المنتدي مع اول مشكلة حصلتلي فمعدش ينفع اني احصل على معلومة صحيحية ان شاء الله غير من هنا

وعارف اني لا استطيع رد لكم الجميل
ولكن عزائي قولي لكم جزاكم الله خير فهي خير كفاية للشكر
فجزاكم الله خيرا

المشاركة الأصلية كتبت بواسطة m_k_elhosiny

أخي الكريم ... بانسبة لرعشة الدريكسيون فغالبا ده هيكون إما محتاج ترصيص للعجلات و ده هايكون الاحتمال الأقرب أو يكون عندك كاوتش مش كويس راكب قدام.
و بالنسبة للفرامل .. شوف أخبار فرملة اليد إيه .. لو مشوارها طويل خللي العفشجي أو الميكانيكي يكشف على التيل الخلفي .. لو كويس خليه يشد عليها شوية و يقصر مشوارها و إنشاء الله هتلاقي فرامل الرجل بقت كويسة و لو مش كويس بالطبع هاتغيره و هتلاقي الفرق كبير.
بالنسبة لدواسة البنزين .. مش لاقي سبب ممكن يخليها كده إلا لو كانت سوستة البوابة مكسورة أو مش راكبة مظبوط .. بص عليها و جربها بإيدك .. لو لقيتها خفيفة جدا يبقى ممكن العيب من السوستة.
بالنسبة للدبرياج فمقدرش احكم للأسف ... لكن مادام فيه رعشة جامدة .. شيك على خلوص الدبرياج و سحب العربية يبين لك حالة الاسطوانة ( ممكن تكون مش كويسة ) .. و بالمرة شوف أخبار قواعد ( كراسي ) الموتور و الفتيس.
و شكرا.

جزاك الله خيرا وشكر اخي الكريم على اهتمامك