الموضوع: مشاكل فى بيجو 301 ورد فعل التوكيل

المشاركة الأصلية كتبت بواسطة Akram.Gamal

المفروض حضرتك و انت بتدور العربيه و خصوصا الصبح
تلف المفتاح فى الكونتاك لما لمبات التشيك تنور و تطفى و بعدين سيبها ثانيه او اتنين و دور
و ان شاء الله مش هتحصل ..
اما بالنسبه لحوار التكييف ده انا بقفل الهويايات خالص .. و لكن بفضل سامع صوت الهواء و بحس فعلا انه جاي من قدام من عند الهوايات الى تحت الازاز

اكيد عن نفسى مش بدور على طول وبستنى طلمبة البنزين تسحب وتضخ البنزين للرشاشات.
واعتقد صاحبى بيعمل نفس الكلام، رغم ان اللى حضرتك بتقول عليه ملوش اى علاقة بالمشكلة اللى بتحصل.

بالنسبة للتكييف فحضرتك مش فاهم يعنى ايه بتقفل الهوايات خالص؟؟؟ تقصد انك بتكون قافل التكييف وقافل الهوايات وبردو بتسمع صوت الهواء جاى من الهوايات الى تحت البرابريز؟؟؟

لو اه يبقى معنى كلامك ان حتى سيستم ال Recycling مش بيتقفل وبيجب هوا من بره.

وكلام التوكيل انه مشكلة فى العربية وموجودة فى عربيات كتير ومستنين حل ليها من بره وياريت كل ملاك ال301 يشوفوا المشكلة دى موجودة عندهم ولا لأ.