مجربتش تغير السماعات على نفس مقاس الاصلى؟؟
موضوع السوست هاتهم بالمساعدين مع جنوط وكاوتش اعرض
عرض للطباعة
استهلاك البنزين عامل كام ؟؟
وصوت الكاوتش ايه رايكم فيه؟؟
مبروك علينا كلنا البيكانتو انا معايا الخليجى 2013 وموصل الكاسيت الاصلى على سماعات فى الرف الخلفى احسن بكتير من السماعات اللى مع العربية بس انا عندى مشكلة بسمع صوت تزيق جاى من نحية السوست اللى ورا لو حد ركب معايا مش عارف دى حلها ايه
اهوه زميل بيكانتاوي جديد مبروك عليك العربيه وبالنسبه للسماعات فك الكاسيت عشان يركبهم ولغيت السماعات الاورجنال ولا ايه وياتري وصلهم علي السلك القديم للسماعات الاصليه ولا ايه حاكم انا مش جايلي قلب حد يفك الكاسيت الاصلي وبالنسبه للتزييق ممكن يكون تشحيم والله اعلم وربنا يديك خيرها انشالله
ايه يا بشمهندس احمد ده يعني من فيكترا بي لفورد فوكاس و في الاخر ترسي علي بيكانتو :)
ربنا يباركلك فيها و يكفيك شرها
انا عارف انها صعبة انك تفك الكاسيت بس هيا مش فارقة كتير علشان الواط بتاع الكاسيت مش قوى ذى ماانت فاكر انا عايز اركب حاجة زى اللينك ده اتفرج على مواصفاته وقولى رايك
KIA Morning Picanto Car Android DVD 3G GPS Navi Navigation Radio Free Camera
سيبها على الله بس خد بالك من النقر وخليك جنين عليها انا عارف احساسك لان كان معايا باسات ومع اقل نقرة بللاين تحس ان الكوتش بقى حامل
انتو عندكو الكاوتش الكومهو ؟؟ انا غيرته و ركبت نيكسين ...صوته انتم بكتييييييييييييير و فرامله احسن من الكومهو
التزييق الي بييجي من ورا غالبا من كالون الشنطه ...القطعتين الفيبر الي اللوك بينزل بينهم. ..حط عليهم شحم الصوت هيروح ..انا عندي جبت شاكوش ووسعتها :) الصوت راح للابد :)
حد جرب يخلي النور الواطي ميفصلش مع العالي ؟ انا عملتها و النور بقي تحفه
الكاسيت الاندرويد صوته زي الاصلي بالظبط كل فايدته ان شكله حلو انما كصوت تعبان
انا قريب هجيب زيرو باور ع الكاسيت الاصلي :) هيظبط الدنيا اوي
الصراحة ما صدقت لقيت موضوع عن البيكانتو الجديدة. أنا لسه مستلم امبارح خليجي أوتو ما فيهاش كاسيت أساسا. جنوط اسبور 14 و مرايات كهريا ضم و فوانيس شبورة. و طبعا 4 زجاج كهربا. مش عارف فيها انذار و الا لأ. المهم عاوز نصايح منكو عشان اجيب كاسيت محترم و كاميرا بشاشة و طبعا عاوز الكاسيت يشغل أفلام علي الشاشة. مش عارف كمان ايه نظام السماعات. أظن فيها اتنين في التابلوة فقط. و مركبين انذار نوعه ايه يا جماعة. و يا ريت لو مكان محترم في الهرم يعمل الفيلم ده كله. بفكر أروح شارع المطبعة فيه ناس كتير.
مبروك علي العربيه وربنا يديك خيرها ويكفيك شرها ويا تري اللون ايه وخليجي مفيهاش كاسيت ده بقي التوفير جامد في مصر لكن للسماعات هتلاقي فيه اثنين كمان في الباب الخلفي بيبقي صوتهم ضعيف شويه وبالنسبه للكاسيت فيه انواعكثيره بس انا مش هقدر افيدك في ده بس هيه مش محتاجه غير منك لفه حلوه وارخص مكان هتلاقي فيه التوفيقيه وبالنسبه للانذار هيه فيها انذار اللي هوه مع الكلاكس بس هوه مش عملي بس احسن من مفيش وممكن تجربه لو قفلت العربيه بالريموت وفتحت الباب من الداخل هتلاقيها زمرت واخيرا الف مبروك وحاول تستعمل زيت ليكوي مولي ممتاز او فالفولين برده ممتاز
شكرا علي ذوقك. لونها كريمي حاجة شبه الأبيض كده لكن في رأيي أحلي كتير. كان قدامي خليجي جنط 13 و فيها كاسيت هما مركبينه و كان قدامي خليجي جنط 14 من غير كاسيت فقولت الكاسيت مقدور عليه لكن الجنط ال 14 أحسن عشان العربية خفيفة فممكن أغير مقاس الكاوتش بعد كده. ان شاء الله هشوف السماعات اللي في الباب ديه و هلف لفة علي الكاسيت. و هجرب الانذار بردو أتمني ألاقي فيه. لكن طبعا ما فيش ايموبيلايزرو لا يحزنون؟
كويس انكم فتحتوا موضوع الايموبلايزر
العربية وانا بشترى المعرض قالى كل الوكيل والخليجى فيهم ايموبلايزر
وبعدين وانا بقرا الكتالوج لقيت ان الايموبلايزر له لمبة فى التابلوة (فى عربيات مفهاش اللمبة دى) واللمبة دى مش عندى
سألت التوكيل فى صيانة الالف قالولى لو مفيش لمبة يبقى مفهاش ايموبلايزر ..... طب ازاى ياعم ده المعرض قال ... قالى كلام فى الهوا والوكيل بس اللى فيها ايموبلايزر وفى الكيا لازم يبقى فيها لمبة فى العربيات اللى فيها ايموبلايزر .... طيب نشوف بالجهاز ... يقولى اللمبة هى الدليل
وده المفتاح
http://thumbs2.ebaystatic.com/d/l225...kvTJfAfbmg.jpg
عايز اعرف دى فيها ايموبلايزر ولا لأ :)) .. العربية خليجى هاى لاين
الخليجى الهاي لاين معايا و مفتاحها زي الى فى الصوره و مفيش فيها ايموبلايزر ..
انا عاملها زرار فصل :) و حاطه فى مكان محترم
بصراحه الواحد يخاف يسيب فلوسه فى الشارع قصدى عربيته الكيا :(
انا ركبت السوست السبور ..
و تقريري السريع
اولا النعومه :
العربيه حصل فيها حاجتين عكس بعض ..اولا بقت انشف فى شويه فى امتصاصها للمطبات و دى النقطه السلبيه
الايجابى ان العربيه مبقتش بتتحرك كتير فى الحتت المكسره الى جوا البلد و الواحد يخبط فى القايم و فى الى قاعد جمبه ...لا الموضوع ده اختفى تماما و تقييمى ليها من حيث الراحه مع الاخذ فى الاعتبار ان دى سوست "سبور" 8\10
ثانيا الثبات :
العربيه ثباتها زاد بشكل كويس و ملحوظ ...موضوع ان العربيه طول ما هى ماشيه ع الطريق عماله تميل يمين و شمال بسبب الاسفلت و بالتالى بيحصل عومان الى حد ما انتهى ...
و كمان موضوع النطه الى بتيجى من ورا قل لكن فى نقطه ...الاول كانت تاخد مطب الهوا تنط فوق و تنزل و تنط تانى و تنزل و هكذا ..دلوقتى هى نطه واحده فوق (اقل من الاول) و تنزل و شكرا على كده ...
التحكم فى العربيه فى الغرز و الملفات بقي كويس و ده اكبر نسبه تحسن فى الثبات ...العربيه مبقتش بتميل ...
ثالثا الشكل :
العربيه لما وطيت شكلها طبعا بقى احسن و تحسها بقت اعرض ...مع العلم انها نزلت فقط 2 سم ...ناس كتير مش هتاخد بالها ان العربيه وطيت ...بس هياخدوا بالهم ان شكلها بقى احسن ....
رابعا المطبات :
وانا لوحدى فى العربيه "وزنى 50 كج" ايوه "50 كج مش غلطه " مبتحكش فى اى مطب ...الا المطبات الى كانت بتحك فيها اصلا ...
وانا معايا واحد وزنه 110 كج بتحك فى المطبات العاليه و القصيره فى نفس الوقت بس مش حكه جامده ..يدوبك بتلمس المطب ...
وانا معايا 4 كل واحد وزنه 100 كج و منهم الاخ بتاع ال 110 و انا كمان :) طلعت كل المطبات بالجنب لان خوفت تحك جامد ...
فى النهايه انا مبسوط جدا جدا بطقم السوست و راضى عنهم تماما و الخطوه الجايه ان شاء الله يا اما الجنط ال 15 الاصلى يا اما المساعدين السبور ...
اخيراً و الحمدلله لقيت موضوع عن البيكانتو :d
السلام عليكم يا جماعة .. :)
انا ان شاء الله اتخذت قراري و هاجيب البيكانتو 2014 قسط ، ودي هتبقى أول عربية ليا عشان لسه متعلمة السواقة جديد .. وحاسة ان هتساعدني وتشجعني بسبب حجمها مع ان سعرها مبالغ فيه شوية .. وكنت محتارة بينها وبين السانديرو .. بس خلاص هتوكل على الله :d عشان تعبت من التفكير بصراحة .. و استبعدت خالص المستعمل .
وكنت بفكر برده في ال 301 على اساس باقي الاسرة يستخدموها .. بس حسيت نفسي هاركب سفينة و حرام لو حصلها حاجة :d
اللي مضايقني فيها شنطنتها و حاسة انها ضعيفة يعني متستحملش السفر ولا ايه ؟ .. معلش اعذروا جهلي عشان لسه مبتدئة
اهم حاجة دلوقتي مش عارفة اجيبها منين .. انا لقيت اسم كذا معرض ادامي و اكترهم بيشكروا في اوتو سمير ريان .. طيب هل التوكيل بيقسط ولا ؟؟ ياريت تفيدوني في الحكاية دي :)
وشكرا مقدماً :)
الشنطة فعلا صغيرة مش تنفع للسفر. العربية نفسها تروح شرم الشيخ و انت محملة و مشغلة التكييف. ده الاكسيل كانت معايه 1300 و عربية تقيلة كتير عن البيكانتو و كنت بروح بيها كل مكان.
سمير ريان عنده ب 92500 فيها جنط 13 سبور و 4 زجاج كهربا و شبورة و سنتر و تكييف طبعا أوتوماتيك و فيها كاسيت هما اللي مركبينه مش أصلي.
المصرية فيها نفس الكلام لكن ما فيش كاسيت و الجنط 14 مش 13. قالولي ب 95000 لكن لما تخلص فيه كلام تاني. المهم شوفت واحد معرفة خلصلي ب 92550 مش عارف هو خدمني و الا هما كانو هينزلو المبلغ ده لما أجي أخلص. المهم القسط بيبقي أغلي شوية من الكاش.
اولا هيه عربيه ممتازه جدا ومعكي ان سعرها غالي مهما كان ولكني كنت في حيرتك وقتما اشتريتها من سنه وكانت نفس الخيارات امامي واخترت البيكانتو ولم اندم فهي اشيكهك بلا منازع فيه عربيه تركبيها تجيبلك راحه نفسيه واحري اول ما تركبيها تنزلي منها فورا حاولي تتبع الطريقه ده في اختيارتك وبالنسبه للشنطه هي صغيره لو انتي هتحملي فيها شنط كبيره من بتاعت زمان لكنها تاخد ثلاته هاندباج او واحده كبيره وواحده هاند باج وعندك لو مسافريين اتنين بس يبقي تفتحي الكنبه علي الشنطه وتبقي ملعب او في حاله انك بتنفلي حاجه كبيره شويه وطبها بتسافر العربيه لا ن بنزينها سحرذ كمان انا روحت اسكندريه ولفيت اسكندريه ورجعت بيها تاني للقاهره هي موفره للبنزين انا معايا المانيوال وهوه بيكون اوفر من الاوتو في الطبيعي وحاولي تدوري اكتر في الخليجي علي كامل المواصفات بيبقي محتاج تدوير شويه لان كل عربيه ليها مواصفاتها ولو لقيتيها مش فارقه عن الوكيل هاتيها وكيل مع اني كنت شاري الخليجي بس وقتها كانت المواصفات افضل من الان وربنا يوفقك للي فيه الخير
بالنسبة للحجم انتى اللى تقدرى تحددى هل هتناسبك ولا لأ حسب استخدامك .... بالرغم من ان العربية حجمها عملى بس هى متناسبش اسرة يعنى متنفعش تبقى هى العربية الوحيدة فى البيت فى حالة اسرة
بالنسبة للسعر هو مبالغ فيه بس قارنى بينها وبين العربيات اللى فى نفس الرينج علشان تعرفى هل مبالغ فيها ولا لأ
بالنسبة للسانديرو شكلها وبالتحديد الصالون والتقفيل سئ وعن تجربة سواقة للوجان البيكانتو احسن
شكراً svneleven ، sonybony ، ENG\AHMED ... كلامكم افادني جدا .. خلاص توكلنا على الله :)
نقطه تحمل العربيه ممتازه جدا
انا اشتريت العربيه في شهر ٧ و عملت بيها ٥٢ الف كم لحد دلوقتي
مع العلم اني بسافر شبه يوميا و رينج السرعه عالي جدا و بتغابي علي العربيه لابعد الحدود :| و الحمد لله مفيش منها مشاكل ...هي عطلت بس اما حطيت بنزين مليان ميه
هههههههههههه لا والله العربيه بنزل بيها الساعه 8-9 الصبح بروح شغلى ..و بعدين بسافر بيها تقريبا 4 ايام فى الاسبوع كذا بلد فى نفس اليوم ...و كل بلد بلف فيها شويه مشاوير ..و باليل بقى لما ارجع من السفر و الشغل اخرج :) و اقضى مشاويرى ...و طبعا والدى اي مشوار خاص بيه بيستسهل عربيتى و ياخدنى معاه اوصله :)
تقريبا العربيه بتشمى فى اليوم 10 ساعات كمتوسط ....
:ma:
بفكر اعمل فرش جلد للبيكانتو وللابواب بس تفتكروا الابواب تنفع ولا ايه عايزها زي ابواب الريو وبالمره اعمل عزل كامل للابواب وللسقف والارضيه عشان تبقي مرسيدس وتمنع الحراره في الصيف وبفكر اعملها عند جينز كار