السلام عليكم
كنت محتاج كشف الصيانات للكيا بيكانتو 2014
يعنى ايه الل ىبيتم فى كل صيانة , 10000 , 20000 ,30000 ,........................
وهل التوكيل بيقبل دخول العربيات الخليجى وايه احسن مراكز الخدمة؟؟
عرض للطباعة
السلام عليكم
كنت محتاج كشف الصيانات للكيا بيكانتو 2014
يعنى ايه الل ىبيتم فى كل صيانة , 10000 , 20000 ,30000 ,........................
وهل التوكيل بيقبل دخول العربيات الخليجى وايه احسن مراكز الخدمة؟؟
ايه ياجماعة مفيش حد يعرف !!
ده نص البلد راكب كيا خليجى :))
بص يا سيدي انا لسه عامل صيانه العشره الالف للبيكانتو وهي عباره عن تغيير زيت وفلتر وانا بستعمل ليكوي مولي كل ١٢٠٠٠
وتغيير فلتر الزيت وبيربط العفشه ويتم تنظيف فلتر الهواء مع تنظيف بوابه البنزين بالسائل المعد الي ذلك وايضا الكشف علي الفرامل ورجلشتها
يااااه ده انا كنت فقدت الامل :))
شكرا ياباشا لردك
معلش هتعبك معايا .. لو معاك جدول بالصيانات وبنودها واسعارها
وايه نظام التوكيل ومراكز الخدمة مع الخليجى
بص كل الصيانات هتلاقيها مكتوبه عند في الكتالوج الخاص بالسياره انا عن نفسي بتعامل مع مركز توب جير اللي معلن عنه هنا بالموقع وانا بفضله لسبب ان كل شي بيتغير ويتصين امام لاني مش بقتنع اني اقعد في الكافيتريا وهما يعملوا الصيانه حاجه مطمنش ولو انت عايز تروح لمركز هنا بيشكروا في كيا السبع بس انا متعاملتش معاه وربنا يحفظهالك انشالله
متشكر جدا لاهتمامك
توب جير مكانه فين؟؟
هبقى اشوف الكتالوج لأنى لسه مستلمتهاش .. اشتريلها ضمان ولا انفض ولا ايه؟؟
موضوع انها من غير ضمان مقلقنى بس ارجع واقول منا هدفع للضمان ولما اروح صيانة هدفع برضوا وكده كده ان كان مراكز خدمة ولا توكيل كله بيستعبط فا مش عارف اعمل ايه
في بلدنا سلملي علي الضمان وعن تجارب سابقه خليك مع مركز صيانه وممكن تأمين عليها وتريح بالك لو تحب وبالنسبه لتوب جير هو مكانه في شارع فيصل شارع النهضه متفرع من محطه المطبعه اللي عند الشبراوي وهتعمل صيانه الالف عباره عن تغيير زيت وفلتر وتربيط عفشه وبتتكلف حوال 300 وبالنسبه للعشره وهي بتتكلف 475 جنيه شامله زيت وهو عندهم ليكوي مولي وفالفولين والاتنين كويسين جداااا وكمان سائل منظف بوابه البنزين وتربيط الفشه وخلافه وربنا يديك خيرها انشالله
ياباشا ربنا يبارك فيك
انا كنت لسه هسألك على الصيانات لأنى استلمت ولقيت مكتوب فى الكتالوج الصيانات كل 15
انا غالبا هنفض لموضوع الضمان واشوف مركز خدمة اتعامل معاه او التوكيل لأنى سمعت ان الخليجى ممكن يدخل التوكيل ومن غير رسوم اضافية
بالنسبة للوحة الزراير اللي في باب السواق اللي فيها زراير الزجاج والمرايات
هل كلها منوره ولا في زراير مبتنورش
عندي زراير الزجاج وزرار اللوك بينوروا وزرار المرايات وضم المرايات لا ... هل ده طبيعي??
up .....up
منور يا باشا :)
انا معايا بيكانتو 2013 الخليجى الكامله
الزراير مش كلها بتنور وزرار الازاز بتاع السواق نوره اقوى من الباقى
الصيانات
الزيت طبعا حسب النوع
فلتر الهواء كل 20 الف
البوجيهات كل 20 الف
فلتر البنزين كل 20 الف
الكاتينه جنزير بتتغير كل 150 الف كم
و فى صيانه 60 الف زى الالمانى
كل 40 الف هتغير مياه التبريد و زيت الفرامل و زيت الفتيس الاوتو (دى انا عملتها فى التوكيل فرع ابو رواش)
العربيه حاليا عامله معايا 50 الف كم
متقلقش لو لقيت فى صوت زنه وانت ماشى على 2 ار بى ام
احذر من البنزين الوسخ لانها حساسه للنقطه دى شويه و بعد الشر على عربيتك انا غيرت طرمبه وفلتر و عوامه و طقم رشاشات ..بسبب مياه فى البنزين
العربيه فى الاجمالى حلوه جدا جوا البلد و خفيفه و سهله الحركه و فراملها ممتازه ...
تكيفها فى الصيف لو لقيته ضعيف و انت واقف فى الزحمه فك درج التابلوه و اقفل بوابه التكييف كويس لانها مش بتقفل على الاخر و ده بيأثرفى التكييف جداااا عن تجربه لفيت حوالين نفسى :(
و ابقى خد بالك منها ع الطريق لانها مش ثابته اوى ...
والف مبروك
اولا تحيه ليك علي المشاركه الكافيه ده بس كان ليا تعليق بالنسبه لسير الكاتينه اللي اعرفه من الوكيل انه كاوتش مش جنزير وبصراحه يا ريت يكون جنزير لانه اريح وكان ليا استفسار عن بوابه التكييف تقصد تقفلها بايدك من وراه درج التابلوه لان التكييف اللي عندي تاتش مش مانيوال وربنا يباركلك فيها انشالله
منور ياباشا :)
الزراير عندى الزجاج وزرار قفل السنتر بس بينوروا , المرايات وضم المرايات لا
مش شايف 20 قليل على البوجبهات والفلاتر؟؟
بتحطلها زيت اية؟؟
متقلقش معايا من موضوع البنزين , مش هتطلع اكتر من الفوكاس مع بنزيننا التعبان
موضوع البوابة اكيد فى سبب انها متقفلش للاخر وخصوصا انها واير ممكن محتاجة تنضيف
موضوع الثبات حسب انت بتقارنها باية
يعنى مقارنة بالبيكانتو القديمة او الصنى القديمة او اللانوس حاسسها اثبت .. وكدة ولا كدة هى city car مش محتاج منها اكتر من سهولة الحركة والمناورة والحجم اللى يتركن فى اى حتة
العربية دى ناقصها توطى سنة وجنوط 15 زى برة وشوية عزل صوت زيادة وتبقى من الاخر
الصوره سهله لكن الرفع علي الموقع معملتوش قبل كده لكن كده ولا كده انا شوفت الماتور انهارده وطلع كاوتش ولا اعتقد ان الالف سيسي نزلت مصر اساسا والكاتينه كاوتش للاسف لاني بفضل الجندير عشان بتنساه رغم اعترافي انه بيخل صوت الماتور خشن شويه بس عملي اكتر بكتير بس علي كل حال ده ميمنعش ان عربيتنا جميله ولا ايه :)
العفو يا باشا ...
الوكيل فى الاول قالى كاوتش بس لما روحت هناك اتاكدت انه جنزير ...
انا قفلتها بأيدى من ورا درج التابلوه و قريب هقفل مدخل الهوا من بره لان جربته فى عربيه واحد صحبى و فرق كويس اووووى فى التكييف ...
معرفش عندك النظام ايه بس اعتقد مش هتلاقى المشكله دى عندك
البوجيهات و الفلاتر ده كلام التوكيل انا برده شايفه قليل ...انا شغال برا التوكيل و بصراحه بغير بمزاجى يعنى بفك الحاجه و اشوفها محتاجه تغيير ولا لا ...
البوابه لاحظتها فى كذا عربيه و عندى الواير بيبقى على اخره بس البوابه مش مقفوله كويس و بتدخل الروايح الى برا ...
الثبات انا لو تسالنى انا شايفها ثابته كويس بس هى تقلق فى النطه الى ورا ...غير كده العربيه راكزه فى مكانها كويس ..انا وصلت بيها لحد 190 ...نقطه ضعفها الهوا ..
بالنسبه لموضوع التوطيه ..جربت اقص السوست ...مكنتش حلوه ...لانها بقت "بتطز" فاهمنى ؟:untitled:
الجنوط ال 15 جربتها بردو و مفرقتش كتير ...بس شكلهم حلو اوى عليها ...
الخطوه الى جايه انى هجيب السوست السبور ...
عزل الصوت ده فعلا رخم شويه فيها ...وانا بقلب فى الفيكترا بتاعى لقيت فى عزل تحت الكنبه الخلفيه ...زى لباد الكبوت كده بفكر اعمله فى البيكانتو ..
اه صحيح لو عندك العربيه فيها الكاسيت الاصلى متركبش زينون لان الفلاشه هتفصل و تشتغل و هتلاقى عداد السرعه بيعلى مع كل ترعيشه ... :) انا حتى الان موصلتش لحل فى النقطه دى ...لو وصلت هبقى اقولك لو انت حابب تركب زينون ...
كل التحيه ليك وانا راجعت البوابه ولقيتها بتفتح وتقفل كويس مع زر التكييف والحمدلله وبالنسبه لسير الكاتينه ذكرت قبل كده انه عندي كاوتش ويمكن تكون نازله بالسيرين بمعني يركب ده او ده والله اعلم وبالنسبه للعزل هو ممكن تركبلها عزل كامل يعني الارضيات والسقف عند حد بتاع فرش كويس زي جينز كار بيشكروا فيه هنا لكن ايه البوابه الخارجيه للتكييف ده مكانها فين وهتقفلها بايه ؟ ومتبقاش تجيب بيها 190 تاني يا مفتري وربنا يستر طريقك
190 دى كانت للتجربه و اصلا العربيه مش سهل ابدا توصل بيها تانى ...الطبيعى بتاعها 170 175
السير بصراحه انا كده احترت ...
انا كنت فى ابو رواش و قالولى جنزير
و كلمتهم سالت عن صيانه ال 60 الف قبل كده و قولتلهم فيها سير كاتينه قالولى لا اصله جنزير هيتغير على 150 الف !
الفتحه الخارجيه بتاع التكييف دى من تحت التوربيدو برا ...هبقى اصورها و اوريهالك ...قافلينها بقطعه كارتون على شكلها بالظبط :)
موضوع قص السوست ده لو علمتة فى اى عربية هتعمل ككده ... حوار ملوش لزمة
ركب عفشة سبور احسن
لو عايز تعزلها صح فك الكراسى وفرش الارضية واعزل العربية بالكامل والعتب واعزل الابواب كمان .... موضوع وش شوية وخصوصا انك هتفك الصالون كله تقريبا.... سألت فى التوكي على موضوع العزل ولا يعرفوا عنه حاجة
موضوع الزينون مفكرتش فيه بصراحة ... فكرت اركبة فى الفوكاس وبعدين طنشت .... بس كويس انك قولتلى علشان ابقى عارف
حد شاف منظر السماعات ايه؟؟ ... انا عندى الكاسيت الاصلى بتاعها built in بس حاسس الصوت مش اد كده وحاسس ان السبب السماعات وبالذات السماعات الامامية اللى فى التابلوة دى :argue2:
لا مغيرتش الكاسيت ..انا ركبت الجى ام عشان يحسن من قوه خرج الصوت و من جودته شويه ..طبعا الصوت عندى دلوقتى حلو جدا جدا جدا مقارنه بالوضع الاصلى ..لكن لو مثلا حطيت كاسيت بيونيير هلاقى الصوت اتحسن اكتر بنسبه 70% بس انا مش هغير الكاسيت الاصلى لان عندى الكاسيت الاصلى و شكله حلو مع التابلوه ...و خلى بالك الكاسيت الدى فى دى الى بيتباع ليها صوته برده زى الاصلى مش حلو ...
السماعات الى فى التابلوه واحد صحبى الى فكهم فى عربيتى عشان كان عاوز يغيرهم بسماعات اكبر لكن منفعش طبقا لكلامه ...
بالمناسبه موضوع الزينون انا وصلت لسبب مشكلته مع الفلاشه ...الشرح طوييييييييييل ملخصه ان الزينون مع العربيه دى مش هينفع غير باستخدام اى حاجه ما عدا الفلاشه ..او لمبه الزينون تكون القاعده بتاعها فيبر مش معدن ...او الزينون يتشال :) و انا فعلا عملت كده شيلته و جيبت لمبتين المانى قوتهم عالى شويه و ركبت كتاوت على النور العادى بتاعها و خليت النور الواطى ميفصلش لما اشغل العالى :new: و النور بقى ممتاز جدا جدا جدا و احسن من الزينون :)
عندك حق لان الكاسيت فعلا شكله حلو مع الطابلوه مع شاشه التكييف التاتش منظرهم بيبقي جميل بس مقولتليش انت غيرت السماعات ولا لأ خاصه الخاصه بالابواب الخلفيه ويا تري احتجت تخلع الكاسيت لتوصيل الجي ام به ولا ايه واخيرا مبروك علي الصوت وربنا يحفظهالك انشالله
هو تقريبا مفيش غير احنا كده اللى معانا بيكانتو :)))
بالعكس ده ماليه الدنيا وانا حقيقي سعيد بيكم لاني بحب العربيه ده الحمدلله ربنا يدمها نعمه علينا ولا اخفيك انا مبصدق الاقي موضوع عنها عشان اشارك واستمتع بتبادل المعلومات خاصه ان الموضوع اللي كان مثبت عنها حذف للاسف ومش عارف ليه وبالمناسبه انا عربيتي خليجي يعني من غير رف خلفي وانا موصي واحد اول ما يوصل عنده يحجز لي واحد بس لسه مش عارف ثمنه كل اللي اعرفه انه تايواني الصنع ولسه مستني الافراج الجمركي يا مسهل وتحيه ليكم
اه فكيت الكاسيت عشان اوصل ...سماعاتها الاصليه سايبهم شغالين و اصلا صوتهم مش باين وسط الي انا مركبه ..بس اوقات بسمع الراديو علي سماعاتها الاصليه و بفصل الي انا مركبهم
دلوقتي انا خلاص هنفذ في طقم اليايات السبور ...العربيه هتوطي ٣-٤ سم ؟
في اقتراحات ؟
الثبات هيزيد بنسبه كام ؟ :)
بص هو بالنسبة لموضوع الثبات : مبيعتمدش على ارتفاع العربية فقط .. فى حاجة مهمة انا حابب اوضحها ليك : اتزان العربية بيعتمد على ( مركز ثقل الموتور وده عامل رقم 1 فالثبات , و ايضا ارتفاع العربية و نوع التعليق بتاعها , ثالثا عرض المسافة بين محورين العجل , اخيرا عرض الكاوتش)
فبالتالى انت ممكن توطى العربية و متحسش بالثبات اللى انت متوقعه بالعكس ممكن تلاقى العربية مع الحركة بتتمايل جامد جدا و ده نتيجة تغيير مركز ثقل الموتور ..
نصيحتى ليك : متلعبش فى عفشة العربية و الموتور استوك : لأن كل موتور له مركز ثقل مظبوط عليه .. يعنى لو حابب توطى العربية يبقى لازم يكون فيه موديل رياضى لها و تجيب الموتور بتاعه بعفشته .. و طبعا لازم شاسيه عربيتك يكون نفس شاسيه الرياضى أو بتعدله علشان يكون زيه..
طبعا كتييييييييييييير جدا بمصر عامل موضوع السوست الرياضية . و بيقولك انها بقت اثبت من الأول...
بص كل اللى بيحصل انك بتحس ان العربية بقت واطية على الأرض و بتكون انشف كتيييييييير و مع المشى فى خط مستقيم هتحسها اثبت بس مع اى ملف أو حركة جانبية العربية هتلاقيها بتتمايل جامد ..
انا مشكلتي مع ثبات العربيه انها بتنط من ورا بغباااء و انا كل استخدامي سفر و ع الطريق الدولي :) كل الي عاوزه انها متنطش من ورا ...لما بيركب معايا ٢ ورا بتبقي bmw :d