الموضوع: كيا بيكانتو

المشاركة الأصلية كتبت بواسطة khaled ayman

منور يا باشا :)
انا معايا بيكانتو 2013 الخليجى الكامله
الزراير مش كلها بتنور وزرار الازاز بتاع السواق نوره اقوى من الباقى
الصيانات
الزيت طبعا حسب النوع
فلتر الهواء كل 20 الف
البوجيهات كل 20 الف
فلتر البنزين كل 20 الف
الكاتينه جنزير بتتغير كل 150 الف كم
و فى صيانه 60 الف زى الالمانى
كل 40 الف هتغير مياه التبريد و زيت الفرامل و زيت الفتيس الاوتو (دى انا عملتها فى التوكيل فرع ابو رواش)

العربيه حاليا عامله معايا 50 الف كم
متقلقش لو لقيت فى صوت زنه وانت ماشى على 2 ار بى ام
احذر من البنزين الوسخ لانها حساسه للنقطه دى شويه و بعد الشر على عربيتك انا غيرت طرمبه وفلتر و عوامه و طقم رشاشات ..بسبب مياه فى البنزين
العربيه فى الاجمالى حلوه جدا جوا البلد و خفيفه و سهله الحركه و فراملها ممتازه ...
تكيفها فى الصيف لو لقيته ضعيف و انت واقف فى الزحمه فك درج التابلوه و اقفل بوابه التكييف كويس لانها مش بتقفل على الاخر و ده بيأثرفى التكييف جداااا عن تجربه لفيت حوالين نفسى :(
و ابقى خد بالك منها ع الطريق لانها مش ثابته اوى ...
والف مبروك

اولا تحيه ليك علي المشاركه الكافيه ده بس كان ليا تعليق بالنسبه لسير الكاتينه اللي اعرفه من الوكيل انه كاوتش مش جنزير وبصراحه يا ريت يكون جنزير لانه اريح وكان ليا استفسار عن بوابه التكييف تقصد تقفلها بايدك من وراه درج التابلوه لان التكييف اللي عندي تاتش مش مانيوال وربنا يباركلك فيها انشالله

المشاركة الأصلية كتبت بواسطة sonybony

اولا تحيه ليك علي المشاركه الكافيه ده بس كان ليا تعليق بالنسبه لسير الكاتينه اللي اعرفه من الوكيل انه كاوتش مش جنزير وبصراحه يا ريت يكون جنزير لانه اريح وكان ليا استفسار عن بوابه التكييف تقصد تقفلها بايدك من وراه درج التابلوه لان التكييف اللي عندي تاتش مش مانيوال وربنا يباركلك فيها انشالله

لو اللى معاك الشكل الجديد 1250 سى سى تبقى جنزير
بص على جنب الموتور ناحية سير الدينامو لو سير الكاتينة كاوتش هتلاقى غطا فايبر فى الجنب اللى بيغطى على السير ..... الجنزير داخل الموتور نفسة ملوش غطا خارجى

المشاركة الأصلية كتبت بواسطة eng\ahmed

لو اللى معاك الشكل الجديد 1250 سى سى تبقى جنزير
بص على جنب الموتور ناحية سير الدينامو لو سير الكاتينة كاوتش هتلاقى غطا فايبر فى الجنب اللى بيغطى على السير ..... الجنزير داخل الموتور نفسة ملوش غطا خارجى

انا معايا اشكا الجديد وهراجع واقولك بس فعلاده تبقي مصلحه وكده التوكيل هيكون في البايباي :) وكمان ده تبقي مصلحه تحفه لاني من مقتنعي سير الدينامو يكون جنزير افضل

المشاركة الأصلية كتبت بواسطة eng\ahmed

لو اللى معاك الشكل الجديد 1250 سى سى تبقى جنزير
بص على جنب الموتور ناحية سير الدينامو لو سير الكاتينة كاوتش هتلاقى غطا فايبر فى الجنب اللى بيغطى على السير ..... الجنزير داخل الموتور نفسة ملوش غطا خارجى

لقد تأكدت سير الكاتينه شوفته دلوقتي ولقيته كاوتش وهي الشكل الجديد وخلي بالك لحسن تكمل الي عليه 150 الف واتأكد بنفسك تاني انا موديل 2012 مانيوال خليجي ولك خالص التحيه

المشاركة الأصلية كتبت بواسطة sonybony

لقد تأكدت سير الكاتينه شوفته دلوقتي ولقيته كاوتش وهي الشكل الجديد وخلي بالك لحسن تكمل الي عليه 150 الف واتأكد بنفسك تاني انا موديل 2012 مانيوال خليجي ولك خالص التحيه

اللى اعرفة ان العربية بيركب عليها موتورين
1.0 ودة الكاتينة كاوتش
1.2 ودة كاتينة جنزير

ممكن صورة للموتور؟

المشاركة الأصلية كتبت بواسطة eng\ahmed

اللى اعرفة ان العربية بيركب عليها موتورين
1.0 ودة الكاتينة كاوتش
1.2 ودة كاتينة جنزير

ممكن صورة للموتور؟

الصوره سهله لكن الرفع علي الموقع معملتوش قبل كده لكن كده ولا كده انا شوفت الماتور انهارده وطلع كاوتش ولا اعتقد ان الالف سيسي نزلت مصر اساسا والكاتينه كاوتش للاسف لاني بفضل الجندير عشان بتنساه رغم اعترافي انه بيخل صوت الماتور خشن شويه بس عملي اكتر بكتير بس علي كل حال ده ميمنعش ان عربيتنا جميله ولا ايه :)