فتيس ال cvt اللي في البومه 2007

**David Micheal** · 08-12-2013 03:26 PM

يا جماعه هو صحيح فتيس البومه ال cvt بتاع ال 2007 الاتوماتيك بيبوظ ؟؟ و ده لو باظ مني انشالله هاعمل ايه ؟ استيراده بكام ؟
انا دلوقتي عايز اعرف العربيه اللي هاشتريها ديه خليجي ولا مصري اعرفها ازاي ؟
اولا الطابلوه ابنوس و هي كلاسيك في ناس بتقولك كده يبقي خليجي
ثانيا رقم العربيه مكتوب تحت الازاز من قدام علي الطابلوه برضوا بيقولوا كده تبقي خليجي
ثالثا بيقولك علي باب تنك البنزين لو لاقيت 95 اوكتين تبقي خليجي وانا لاقيت ال 95 اوكتين
رابعا قالك لو لاقيت مكتوب بالعربي علي القايم جنب السواق بالعربي علي ضغط العربيه و طبقا للمواصفات الخليجيه تبقي خليجي انا بقي مالقيتش عندي الحته ديه موجوده بس اللي بالانجليزي بتقول العجل يتظبط علي كام بار بس
ناس تاني قالتلك لو العربيه 1600 بالظبط تبقي خليجي لو 1580 تبقي مصري و انا الصراحه مش فاكر الرخصه لما كانت معايا كانت 1600 ولا 1580
صحيح نسيت اقولكم العربيه فوانيسها الاصلي الخلفيه وراه اللي هي شفافه
كمان عايز حد يقولي بالظبط فين مكان ال تلات مواسير بتوع الانجكشين عشان اشوف هما تلاته ولا واحده و منها هاعرف انه العربيه ديه خليجي ولا مصري انا بصيت علي حوض العربيه قبل كده بس من مده و مش فاكر خالص

ايه احسن طريقة اعامل الفتيس بيها عشان مايبوظش مني و لو شديت بالعربيه شويه ولا قرصت علي الفتيس مره كل فتره يعني مش علي طول هايتعب مني ولا ايه و دايما امشي علي ال R ؟؟

عشان انا كان في مهندس بيقولي اول ماتطلع بالعربيه هاتها علي L بعد كده هات ال Ds حتي لو مش هاتحرق ولا حاجة بعد كده اول ماالعربيه تاخد سرعتها و تمشي حلو هات ال D و كل ده من غير ماززززززود بنزين خالص يعني ماحرقش علي ال Ds كمان اخد السرعه العاديه و بعدين اقلب علي ال R
انتوا ايه رايكم بقي في الكلام ده ؟

شكرا للجميع

**David Micheal** · 08-12-2013 10:34 PM

ايه يا جماعه ده انتوا لو كلكم منفضيلي اكيد في واحد ولا اتنين هايعبروني حته

حرام عليكما
طيب انا مش هابعت راي ولا هارد علي حد تاني في موضوع تاني هاه بس

**Mohammmed** · 08-12-2013 10:46 PM

انا عايز اقولك ان كل الكلام اعلاه فتى كبير قووووى
خصوصا موضوع المهندس دا
دوس ياباشا براحتك الفتيس مش هيحصله حاجة

**Mohammmed** · 08-12-2013 10:46 PM

هات d وامشى ياباشا
r دا مارشيدير

**David Micheal** · 08-12-2013 10:56 PM

عايز اقولك علي حاجة انت راجل سكره كفايه انك رديت علي

بس موضوع المهندس ده مهندس في توكيل متسوبيشي دايموند وهو كان معاياو سائق العربيه و قالي فتيسه ممكن مايقعدش معاك سنتين مع انه العربيه مافيهاش ولا نتشه ولا اي حاجة ولا تحس باي حاجة انت و سايقها
عشان مده هو اللي مخوفني من الفتيس بس

**limo** · 08-12-2013 11:43 PM

انا سوقت عربيات عامله 250 الف كم والمتور والفتيس متفتخوش وبحالتهم وعربيات معدتش ال 100 الف وجايبه فتيس
اهم حاجه تغير الزيت كل 40 الف بزيت cvt اصلى وبلاش قرص جامد وبلاش تمشى على ds لفترات طويله
وهات الd عادى وامشى براحتك وسيبك من الكلام ده
الا اذا فتيس العربيه ده فيه مشكله ده يبقى موضوع تانى

**David Micheal** · 09-12-2013 09:09 AM

المشاركة الأصلية كتبت بواسطة limo

انا سوقت عربيات عامله 250 الف كم والمتور والفتيس متفتخوش وبحالتهم وعربيات معدتش ال 100 الف وجايبه فتيس
اهم حاجه تغير الزيت كل 40 الف بزيت cvt اصلى وبلاش قرص جامد وبلاش تمشى على ds لفترات طويله
وهات الd عادى وامشى براحتك وسيبك من الكلام ده
الا اذا فتيس العربيه ده فيه مشكله ده يبقى موضوع تانى

لا ده ماكنش فيه مشاكل ولا حاجة و شغال كويس

**abogoda** · 09-12-2013 11:45 PM

بص يابطل أهم حاجة في الفتيس الصيانة الدورية يعني تغيير زيت الفتيس في مواعيده وكمان تنظيف الفلتر وعلي فكرة عندنا عربية 2006 عاملة 450 الف الفتيس فيها زي الفل هو اللي ممكن يحصل يوماً ما نك تحتاج تغير طقم كلاتشات ((( الدبرياج ))) وده تمنه في المتوسط 2500 جنيه بس ده احتمال بعيد جدا لان الفتيس بتاع اللانسر محترم واحسن من مثيلة في التويوتا يكفيك فخراً انك ما بتسمعش صوت النقلات

**David Micheal** · 10-12-2013 10:45 AM

المشاركة الأصلية كتبت بواسطة abogoda

بص يابطل أهم حاجة في الفتيس الصيانة الدورية يعني تغيير زيت الفتيس في مواعيده وكمان تنظيف الفلتر وعلي فكرة عندنا عربية 2006 عاملة 450 الف الفتيس فيها زي الفل هو اللي ممكن يحصل يوماً ما نك تحتاج تغير طقم كلاتشات ((( الدبرياج ))) وده تمنه في المتوسط 2500 جنيه بس ده احتمال بعيد جدا لان الفتيس بتاع اللانسر محترم واحسن من مثيلة في التويوتا يكفيك فخراً انك ما بتسمعش صوت النقلات

الحمدلله نشكر ربنا خلاص اشتريت العربيه امبارح وو سوقتها و لفيت بيها و الدنيا زي الفل و الفتيس انا مش حاسس باي حاجة خالص فعلان و هاروح كمان كام يوم كده ابتدي اغير الزيوت و الفلاتر و كله