السلام عليكم ورحمة الله وبركاته
مؤخرا عملت عمرة كامله للعربيه موتور وادوات تغذية وعفشه
والتفاصيل هنا
http://www.nilemotors.net/Nile/383762-ax.html

المهم عندى صوت تخبيط بحس بيه فى الجنب الشمال وخلوا بالكم بحس بيه مش بسمعه يعنى تخبيط بيسمع فى ايدى من الدريكسيون وعند الدواسات والكلام ده فى الشوارع المكسره بس انما الاسفلت مفيش اى حاجه
العفشجى قاللى علبه الدريكسيون ... غير يا عم ... غيرهالى ب 500 جنيه بالمصنعيه ... بعد 5 دقايق من المشى بالعربيه لقيت الصوت لسه موجود !!!!!
قولتله انا عايز افك العلبه تانى وارجعها واديلك مصنعيه فك وتركيب بس فوجئت ان العلبه بتاعتى كانت متلحمه ومنيله بنيله يعنى كده كده كنت هاغيرها ... استعوضت ربنا فى ال 500 جنيه وقولت نشوف بقى المشكله الاصليه تانى
عفشجى اخر قاللى يا باشا ده مقص وش ... غير يا عم ... نغير المقص ولسه الصوت موجود !!!
عفشجى ثالث شاطر وشغال فى بنزينه فى ظبط الزوايا قاللى الصاموله اللى رابطه المقص فى الطنبورة مفوته وركبنا واحده غيرها وجربت العربيه الصوت اختفى هييييييييييييييييه
يوم واحد ورجع الصوت تانى لما بقيت بشد فى شعرى
عفشجى رابع او خامس مش فاكر :) قاللى يا باشا دى جلبه مقص ... طب غير يا عم الجلبه ... غيرنا الجلبه ... ولا كأننا عملنا حاجه
رجعت مره تانيه للعفشجى الشاطر بتاع البنزينه قاللى الجلبه تمام والمقص تمام المشكله فى المسمار بتاع بيضه المقص غيره وهاتلاقيها ظبطت معاك
روحت جبت المسمار من اخر الدنيا ومعاه صامولتين زى الفل وركبتهم امبارح
وطبعا النتيجه زى ما انتو توقعتوا :(
وده اللى خلانى اكتب الموضوع ده .....
ايه بقى؟ ايه؟ ايه؟ ايه؟ ايه؟ !!!!!!!!