استفسار هام جداا...الفتيس بقى تقيل وناشف اعمل ايه افيدووني ده نقص زيت ولا ايه؟؟؟؟؟

**adel_edrees** · 11-12-2013 07:46 AM

و ممكن ما يبقاش زيت الفتيس ممكن يبقى التيش و البلية اللى تحت العصاية تأكلوا لأن الموضوع ده بيحصل مع نقلتين بس ده أذا كانت العربية على أتياش و اللى يفتينا في الموضوع ده خبراء المنتدى و أنا فعلا عايز أعرف نظام الفتيس في العربية دى أيه ؟؟؟؟

**Ahmed A Rahman** · 15-12-2013 12:44 PM

التوكيل يقول اللي هو عايزه
توكيلات الزيوت كلها في اوربا والدول المتقدمة سواء Valvoline, Liquimoly, Wolf ,
بتقول 75-80

المشكلة في حرارة مصر, دورت على الموضوع ده لقيت ان زيت الفتيس ليه تحمل حراري جامد جدا
اكتر من زيت الموتور
عشان كده انا حغير الزيت كل فترة ولتكن مثلا 30 الف كيلو
وححط 75-80

عايز تحط مثلا 75-90 ماشي وممكن نعديها

انما نعلي اللزوجة عن كده ونحط 80-90 او 90-140
يبقى التوكيل بيخرب الدنيا

**تامر.محمد** · 15-12-2013 12:50 PM

المشاركة الأصلية كتبت بواسطة ahmed a rahman

المشكلة ان الكتالوج مش بيقول حاجه
دي من المواقع الاجنبية
فيها 3 انواع لفتيس اللوجان
واحد بياخد 2.8 لتر
الثاني بياخد 2.5 لتر
التالت بياخد 3.2 لتر

بس انا لما روحت, بيفكوا المصفحة اللي تحت العربية بيفتحوا طبة زيت الفتيس
بيقعد يدلق لحاد ما يوصل الزيت للطبة الفوقانية

انا خلصت 3 لتر وكان لسه شوية
عرفت ان اللي عندي 3.2 لتر زيت

مشكلة التوكيل انه لما غير لي الزيت مرة حط لي زيت تقيل جدا وبقت العربية تقيلة جدا الصبح وهي بارده

75-80 بيخليها طيارة من اول دوارة لانه خفيف على الفتيس

انا مش عارف ايه حكاية ضياع توكيل رينو مع الزيوت بالذات !!!
يعني زيت موتور توتال حقيقي دون المستوى و سكتنا
كمان زيت الفتيس ؟
عندنا في الميجان مفروض زيت الفيتيس مش بيتغير الا لو اتحل الفتيس لأي سبب
مش عارف ازاي بس ما علينا
المشكلة بقى في ايه ؟
احد الزملاء اكتشف ان الزيت اللي بيحطوه في زيت الفتيس بعدها زيت معدني مش تخليقي , و بالتالي طبعا تحمله للحرارة اقل من المفروض

انا مش فاهم ايه ده !!!