محتار بين الهامر والرانج روفر

**horas3000** · 12-12-2013 01:09 PM

هو طبعا في المقارنه بتاعتك الرينج طبعا
بس خلي بالك دي مش عربيه off roading قوي و حرام البهدله فيها لانها مش رخيصه و لا تصليحها و قطعها مش رخاص نهائي
و انا مع الراي اللي قال باترول او لاند كروزر او حتي لكزس تستحمل اكتر و اهون

**Land_Cruiser** · 13-12-2013 07:59 AM

لاندكروزر اكيد رقم واحد وراها النيسان الباترول و التويوتا البرادو. الهامر منظر و خلاص اما الرينج روفر مش بتاعه بهدله بصراحه و قطع غيار الرينج روفر و الهامر غاليه و اللي بيشتغلوا فيها اقل كتير من اللي بيشتغلوا في التويوتا ده غير نقطه تانيه مهمه و هي سعر اعاده البيع اللي اكيد في صالح اللاندكروزر بفارق شاسع. الخلاصه لو عايز منظر و جوهر يبقي لاندكروزر تعمل بيها اللي انت عايزه و تفضل زي ما هي اما الرينج روفر هي شيك و كل حاجه طبعا بس لداخل البلد

**Hosam_Optrawy** · 13-12-2013 01:59 PM

المشاركة الأصلية كتبت بواسطة eng f3lix

مفكرتش في البورشة كايين؟ كانت معروضة علي والدي ب ١٤٤ الف موديل 2013 ماشية حوالي 26 الف .. اعتقد عند حضرتك هتلاقيها في نفس الرينج

غريب أوى السعر دا ياباشا , أرخص كايين 2013 شوفتها كان مطلوب فيها 270 الف وكانت العاديه كمان ال 6 سلندر مش ال s

المشاركة الأصلية كتبت بواسطة horas3000

هو طبعا في المقارنه بتاعتك الرينج طبعا
بس خلي بالك دي مش عربيه off roading قوي و حرام البهدله فيها لانها مش رخيصه و لا تصليحها و قطعها مش رخاص نهائي
و انا مع الراي اللي قال باترول او لاند كروزر او حتي لكزس تستحمل اكتر و اهون

معاك ياكبير فى الرأى دا

حرام الرينج فى البهدله

**horas3000** · 13-12-2013 02:31 PM

المشاركة الأصلية كتبت بواسطة secret-man

انا توقعت كده لان شكلها شيك ورفاهيه مش بتاعت بهدلة زى باقى العربيات اللى فى فءتها

ده صحيح
و خلي بالك لو ناوي عليها الموديلات الاولانيه منها كانت بتعاني من نفس مشاكل الكهربا المعروفه في الرينج
و اعتقد اتعالجت من 2009 لو فاكر صح

المشاركة الأصلية كتبت بواسطة hosam_optrawy

معاك ياكبير فى الرأى دا

حرام الرينج فى البهدله

اكيد العربيات دي مش بتاعت بهدله لكن لو طلبت منها هتقول
بس لازم تكون قد اللي هتعمله و تتحمل العواقب
انا الكايين كان اخري اطلع فوق رصيف
و طبعا رصيف من بتوع الخليج مش من بتوع مصر