بسم الله نبدأ .. هرد عليك في كلمات موجزه قدر الأمكان و في نفس الوقت هديك حقك
ثبات العربيه تحفه .. و أنا لسه علي ال 1400 كيلو عداد يعني مكنتش بعرف أجري أوي في أول 1000 عشان التليين لكن الوقتي ما شاء الله مع السرعات العاليه فعلا العربيه ثابته و رزينه ..
يعني أثبت كتير من الكورولا 2013 عربيتي السابقه .. و قريبه من ثبات أوكتافيا فنتازيا عربيتي الأولي ..
النقطه التانيه
155 E2 .. السعر الرسمي الوقتي بقت ب 153 في المعارض و إستلام فوري جنوط حديد
169.500 .. E3 تزيد تكييف اوتوماتيك ديوال زون و جنوط 16 ألومنيوم
178 E3s فتحه سقف و سينسور
188 E3sr زينون متحرك و فرش جلد تقريبا بالكامل الموديلات السابقه نص جلد نص قماش
في موديلين بعد كده بس كتير قالوا بيبقوا بالطلب 195 و 200 بيزيد شاشه كاسيت تاتش 8 بوصه و جي بي إس
النقطه الثالثه .. و دي الواحد هيتكلم فيها كتير
بدايه العربيه الفلوينس حاليا دي نتيجه زواج شرعي بين شركه نيسان اليابانيه العريقه و بين شركه رينو الفرنسيه الأعرق
الموتور الجديد 2014 فيس ليفت CVT بعدد لا نهائي من النقلات حضرتك مش هتحس بنتشه ولا أي حركه أثناء نقل الفتيس مع السرعات اوتوماتيكيا
الموتور مطور من نيسان شبيه بالموجود في نيسان تيدا
التكييف بمكبس ياباني زادت قدرته و أتغير تماما عن الموديل السابق
الشكل الخارجي للفوانيس الأماميه أختلف تماما .. و علامه رينو بقت كبيره في مقدمه السياره .. مع الأضواء النهاريه ..
حضرتك الوقتي معاك عربيه رفاهيه فرنسي .. لا غبار عليها
إعتماديه ياباني لا غبار عليها ..
و ربنا يكرمك و يهديك لأختيار كويس
المفضلات