الموضوع: تجربتي في ايجار شقة مفروشة

انا كنت محتاج شقة لمدة شهر في العباسية المهم دورت لغاية ما لقيت وحده صاحبها كان عايز اربعة الاف المهم اتكلمت معاه وقولتله خليها 3500 ولو جه حد محترم عايز يأجرها معايا انا معنديش مشكلة وممكن اخدها 6 شهور كمان ونخليها 4000 الراجل وافق واتفق معايا على اني اجيله بكره ومعايا شهر مقدم و 1000 جنيه تأمين
جيت فعلا يوميها وبعد ما جبت شنطتي وحاجتي وجينا نكتب العقد قالي لا احنا كنا اتفقنا على اربعة مش تلاته ونص قلتله خلاص مفيش مشاكل انا هاخد حاجتي وامشي راح قالي خلاص مش فارقة عشان خاطرك هخليها 3500 قلته تمام ................. بعد ما خلص كل الكلام في العقد قالي انا هضيف نص في العقد (يسمح بالايجار لشخص اخر مع تقليل قيمة الايجار للمستأجر الاول) قلته لاء يبقى نحدد كل حاجة بالقيمة وشرط موافقتي على الشخص عشان الكلام ميبقاش عايم) قالي يا عم ده انتا هتأجر شهر واكيد مفيش حد هيلحق ييجي وحتى لو حد جه اكيد مش هيسكن غصب عنك ................المهم بعد تفكير وافقت (عشان النص اصلا كان بعد التوقيع =يعني قانونا ملوش لازمة)...............

وعدى 10 ايام والوضع مستقر

جه في يوم لقيت صاحب الشقة جايلي وقالي انا عايز انضف معاك الشقة عشان فيه ناس جاية تتفرج على الشقة (المهم قعد يقولي شيل ده وحط ده .........وطلع عيني وانا في بالي ان حد هيأجر بعد الشهر بتاعي او هييجي يأجر معايا)

بعد ما خلصنا تنضيف قالي انا اخويا ((ضابط قي امن الدولة)) ---من غير اي مناسبة--- جاي ومعاه اتنين قطريين عايزين يتفرجوا على الشقة واحتمال يحتاجوا الشقة يومين يركبوا تكييفات في الشقة قبل ما يسافروا قطر تاني وبعديها يرجعوا تاني بعد ما يكون الشهر بتاعك خلص قلتله ان الكلام ده ميدخلش دماغ عيل صغير (يعني ايه ناس تيجي تعد معاك في شقة انتا مأجرها لوحدك ) راح رد عليا وقالي انه العقد بيقول غير كده (رحت قايله بس انتا كلامك معايا ساعتها غير كده وانتا فاهم بس بتستعبط المهم قلته انا مش فاضي للكلام الاهبل ده (قالي معلش الناس دي هتاخد الشقة بعديك 6 شهور بايجار 4500 في الشهر وهيركبوا تكييفين على حسابهم وعشان خاطري وانتا مترضاش ليا الخسارة ......................

قلتله سيبي فترة افكر .................... وافتكرت اني عندي اجازة من الاربعاء الي السبت (والناس كانت جاية الثلاثاء) فقلت لنفس استفيد من الفترة دي واطلع بقرشين من الفلوس اللي دفعتها

كلمت الراجل وقلتله موافف بس بشرط هيمشوا السبت قالي خلاص
جيت احسبها معاه(قلتله الناس هتبات 4 ايام (يعني قسم 3500 على 30 واضرب في اربعة) يعني هتدفعلي 466 جنيه
قالي خلاص موافق هتدفعلك 200 جنيه دلوقتي والباقي يوم السبت (قلتله معلش الفلوس قبل الناس ما تيجي قالي والله انا لسه جايب بضاعة النهاردة وال 200 جنيه هما اللي معايا وانا اكيد مش هضحك عليك............... المهم وافقت
يوم التلات الناس وصلت لقيتهم 2 قطريين و4 مصريين
يوم السبت كلمت الراجل عشان اجي استلم الشقة قالي معلش خليها الاحد عشان فيه ظروف عند الناس وكده
يوم الاحد : قالي معلش الناس خلاص حجزت الطيارة بكره الصبح
يوم الاتنين : الناس مشيت الساعة 1 الضهر
كلمت الراجل عشان لقيت (الجبن- والشاي والسكر-الشامبو الناس خلصتهم وطبعا الحركة نفسا اللي ضيقتني)
جيت اتكلم معاه على الفلوس بتاعتي بتاعة الايام اللي قعدوها (وقلتله ان الحسبة اتغيرت لانهم اعدوا يومين زيادة) لقيته بيقولي انا هدفعلك 300 كمان على 200 وكده يبقى انته اخدت مني 500
قلتله ازاي والحق بيقول غير كده (لقبته راح ايام سابني وقالي انا جاملتك في سعر الشقة وكلام كده)

من الاخر الراجل طلع بلطجي (وبقولي انا انا كان ممكن اطفشك وانا عندي محلات وعمال كتيير بس عشان انا محترم مش هعمل كده)

اعمل ايه انا متغاظ جدااااااااااااااااااااااا ااااااااااااا