-- زراعة النباتات اما المنزل --

**al_manara** · 11-12-2013 02:35 AM

السلام عليكم

عاوز اعرف بعد اذنكم اسعار النباتات الممكن زراعتها اما المنزل .

الطول حوالي 2 متر والعرض حوالي 10 متر .

عاوز اقتراحات واسماء النباتات واشتريها منين . وكمان الطينة وطريقة العمل ولو في عزل

باختصار قدام البيت (صحرا) عاوز اخليها (خضرا )

لكم الشكر

**qkash.com** · 11-12-2013 03:28 AM

انا برده عايز كام شتلة احطهم عندي في البلكونات....وبصراحة مفهمش في الانواع نهائياً وفين افضل الاماكن اللي ممكن الاقي فيها بسعر معقول مش مبالغ فيه

انا من اسكندرية لو حد يقدر يدلني علي مكان في اسكندرية يبقي جزاه الله خيراً

**al_manara** · 13-12-2013 03:26 AM

محدش يعرف اي حاجة عن الزرع

عشان كدة البلد صحرا

**حاتم سليم** · 13-12-2013 09:39 PM

المشاركة الأصلية كتبت بواسطة al_manara

السلام عليكم

عاوز اعرف بعد اذنكم اسعار النباتات الممكن زراعتها اما المنزل .

الطول حوالي 2 متر والعرض حوالي 10 متر .

عاوز اقتراحات واسماء النباتات واشتريها منين . وكمان الطينة وطريقة العمل ولو في عزل

باختصار قدام البيت (صحرا) عاوز اخليها (خضرا )

لكم الشكر

اخى الفاضل

أشهر شجرتين للظلال فى مصرنا الحبيبه
شجرة البونسيانا

و شجرة الفيكس

و تستطيع شرائهم من المشاتل الموجوده على النيل
و ثمن البونسيانا لن يتعدى 50 جنيه للواحده و ممكن اقل
و يجب شرائها فى اواخر شهر ابريل لترى بعينيك
انها بدأت فى انتاج فروع خضراء صغيره و هذا معناه
انها لم تمت و انها ستنبت و تصبح شجره
و اعلم انك ستشتريها عباره عن عصايه مثبته فى صفيحه
طولها من ثلاثة الى اربعه امتار و كلما كانت اطول كان افضل
و لن تصبح شجره متوسطه قبل خمسة اعوام ( الشجر عايز صبر )
و هى شجره تسقط معظم اوراقها فى الشتاء و ينبت ورق جديد لها فى بداية شهر مايو
و كل ماتريده من طمى ستجده فى المشتل
و كل ما عليك فعله هو عمل حفره بحجم الصفيحه التى تحتوى الجزر
ووضع الصفيحه فيها و التى تحتوى الشجره

اما بالنسبه لشجرة الفيكس فهى ارخص سعرا و اقل فى المخاطره
لأنك تشتريها و هى خضراء طوال العام و يكون طولها من واحد لأثنين متر

و اية ارشادات تستطيع معرفتها من المشتل او من النت

بالتوفيق و مع اجمل تمنياتى

بأشجار وارفة و ظليله ...