ارجو الافاده

**mohview** · 11-12-2013 04:48 PM

العربية دى تعبتنى خالص والله العربية فورمان لسة مغيرلها فتيس بتاع ماتور 1600
المهم ملاحظ بقالى كام يوم عند الدوارة في ميه بتطلع مع اول الدوارة من الجكمان
مع نقص في ميه التبريد هل جوان وش السلندر ضرب ولا ايه مع العلم العربية مش بتسخن خالص
تانى جاجة معلش طولت عليكم كنت مغير البطرية السنة اللى فاتت ودلوقتى الكهربائ
قلى لازم البطرية تتغير علشان جبت من الاخر لان لما اجى ادورها الصبح بدور بالعفية
ولما تدور تيجى تدورها بعد كده في اى وقت تدور على طول
ارجو من الاخوة الافاضل المشاكل دى منين

**hamahomo** · 11-12-2013 08:43 PM

موضوع الدوارة اعتقد ملوش علاقة بالبطارية انا كان عندي مشكلة دية وغيرت بوجيهات ونضفت كربراتير ومجبش نتيجة بس اتحلت بشكل نهائي بعد تغيير رداخ البنزين كنت جايبة من سنتين ب50 جنية والمشكلة اتحلت وبتدور من اول تكة

**aw2100** · 11-12-2013 10:02 PM

بالنسبة للمية فى اول الدوارة لو بتحس ان العربية متلتة وبتقطع والبوجيهات كويسة ممكن يكون جوان الوش بايظ
وهل الكهربائى شاف شحن الدينامو لو الشحن ضعيف بيريح البطارية ؟؟؟

**المنسي** · 12-12-2013 07:05 PM

راجع على كابلات البوجيهات فالاول لعل وعسى يكون كابل مهيس وهو اللى عامل المشكلة دى ودول هتفك كابل كابل وتشوف صوت الموتور لو اتغير يبقى الكابل ده تمام لو محصلش اى تغيير يبقى الكابل ده لازم يتغير

**mohview** · 19-12-2013 06:25 PM

حللت مشكلة الاولى وهى نقص المياة وطلع الجوان كان ضارب من جنب على الغرفة البستم الرابع من الشمال
اما البطارية لسة فيها شوية شغل بس اكتشفت ان البيان بتاع البطرية عند الكشف عليها ان البطارية لما تميل للامام
والخلف بتعطى لون ابيض ولما تكون مستوية تعطى لون اخضر والاوان دى الابيض يعنى تغيير البطارية
والاخضر يعنى البطارية مشحونة وتمام المهم علشان مطولش علكم البطرية دى من النوع الجاف
المهم عرفت ان البطارية فيها المياة ناقصة المهم فكيت الكفر البطارية العلوى بمفك ولقيت تحت منة
اغطية التزويد وفيها بعض نقط المياة وضحة عليها زودت البطارية مياة العلامة ثابتة على الاخضر دلوقتى
بس لسة هجرب طريقة شفتها على اليوتيوب وهى وضع الملح في اربع البطارية المهم هى شغالة تعتبر كويس
وان شاء الله هجرب الطريقة التانية مع تغيير المياة بالكامل وهرفع التقرير ان شاء الله واسف على الاطالة
انا شايف الموضوع مهم جدا لنا جميعا وان شاء الله بالتوفيق

**aw2100** · 19-12-2013 10:26 PM

المشاركة الأصلية كتبت بواسطة mohview

حللت مشكلة الاولى وهى نقص المياة وطلع الجوان كان ضارب من جنب على الغرفة البستم الرابع من الشمال
اما البطارية لسة فيها شوية شغل بس اكتشفت ان البيان بتاع البطرية عند الكشف عليها ان البطارية لما تميل للامام
والخلف بتعطى لون ابيض ولما تكون مستوية تعطى لون اخضر والاوان دى الابيض يعنى تغيير البطارية
والاخضر يعنى البطارية مشحونة وتمام المهم علشان مطولش علكم البطرية دى من النوع الجاف
المهم عرفت ان البطارية فيها المياة ناقصة المهم فكيت الكفر البطارية العلوى بمفك ولقيت تحت منة
اغطية التزويد وفيها بعض نقط المياة وضحة عليها زودت البطارية مياة العلامة ثابتة على الاخضر دلوقتى
بس لسة هجرب طريقة شفتها على اليوتيوب وهى وضع الملح في اربع البطارية المهم هى شغالة تعتبر كويس
وان شاء الله هجرب الطريقة التانية مع تغيير المياة بالكامل وهرفع التقرير ان شاء الله واسف على الاطالة
انا شايف الموضوع مهم جدا لنا جميعا وان شاء الله بالتوفيق

مبروك على الأصلاح وعوزين تقرير بفتيس ال 1600 عامل اية معاك والفرق بينه وال 1300
بلاش موضوع الملح ده وسيبها على المية المقطرة بس لما تخلص خالص ؟؟؟؟؟؟؟؟؟؟؟؟

**المنسي** · 20-12-2013 01:08 AM

مبروك حل المشكلة عندك بس انت موضحتش هل غيرت جوان وش السلندر ومسحت الوش ولا ايه

**sakr_skoda** · 20-12-2013 08:08 AM

مش شرط خروج المية من الجكمان يكون جوان وش السلندر هو السبب لالالالالالالالالالافى سبب اكبر احتمالا والكثير يغفل عن جوان المنيفود لو مهوى شوية دا بيسرب المية للجكمان وممكن دا نعرفة من شكل المانيفود اللى حصورة وحرفع ليك صورته بعد قليل....*