عاوز اسافر الامارات .. أيه المطلوب ؟!

**banzai** · 15-12-2013 01:53 PM

المشاركة الأصلية كتبت بواسطة secret-man

انا من حكم خبرتى فى الخليج لانى صاحب عمل مش موظف فاقدر اقولك احسن شعب اخلاق هو الشعب الاماراتى

بالنسبه لموضوع جواز السفر انت صح جدا فى النقطه ديه وكتير ميعرفهاش لحد دلوقتى فرق الجنسيه بيفرق فى كل حاجه وضع البلد والوظيفه والمرتب وكل شيىء لانه بيعاملك انك من دوله صاحبه سياده للاسف وليك كامل الحقوق

حضرتك نفيت شىء و بعدين اكدته
و بعدين انت مستثمر يعنى هو بيتعامل معاك على انك ارباب زيه و انت معندكش كفيل هو وكيل (صورى) مش اكتر و هو كمان عاملك تفويض توقيع و راكب اكس 6 انت مش فارق عنه حاجه ربنا يزيد و يبارك ولا يقدر يعاملك بطريقه مش ولا بد و حتى لو حاول فانت هتديله بالجزمه بالادب برده
يا باشا انا لو كنت بمشى فى ابو ظبى ولا دبى تلاقى الوافد العربى ماشى يكلم نفسه او مطرق الرأس و بيفكر و عمال يحسبها يمين و شمال فى حياته و اجى ابص على الاوروبيين ولا الامريكان يخى عليا الحرام من دينى لو فى بلادهم مش هيعيشو كده عايشين كانهم فى الجنه و هو تلاقيه موظف درجه رابعه فى بلده عايش على الهامش
طيب بلد بقالها 1400 سنه عايشه على الاعانات و الخير اللى كان بيجيلها من مصر و الشام و عمرنا ما كنا بنتنك عليهم بل كنا بنقول واجب شرعى و اخوتنا هما بقى اول ما شافو خير يعاملوا اللى كانو بيساعدوهم بالطريقه دى و يرمو نفسهم فى حضن الامريكان و الاوروبيين بالطريقه دى
ان طلع العيب من اهل العيب ميبقاش عيب
*و على فكره الثروه القوميه للامارات اقل من الثروه القوميه لمصر هما 370 مليار و مصر حوالى 400 مليار و ده فى حد ذاته كارثه لمصر لان مصر المفروض الثروه القوميه لها لا تقل بأى حال من الاحوال عن 2 تريليون دولار بل و تزيد لاضعاف ذلك هى دى مؤهلاتنا الحقيقيه من موقع جغرافى و مناخ و موارد طبيعيه و عدد سكان نمتاز به يعنى انا مش بهاجم الخلايجه من اجل الهجوم و خلاص لا انا عارف كويس جدا ان احنا الغلطانيين علشان سايبين خير بلدنا و رايحين لهم هيا حاجه واحده فى مصر لو اتصلحت هنبقى عالم اول بدون ادنى شك التعليم

**Secret-Man** · 15-12-2013 02:44 PM

المشاركة الأصلية كتبت بواسطة banzai

حضرتك نفيت شىء و بعدين اكدته
و بعدين انت مستثمر يعنى هو بيتعامل معاك على انك ارباب زيه و انت معندكش كفيل هو وكيل (صورى) مش اكتر و هو كمان عاملك تفويض توقيع و راكب اكس 6 انت مش فارق عنه حاجه ربنا يزيد و يبارك ولا يقدر يعاملك بطريقه مش ولا بد و حتى لو حاول فانت هتديله بالجزمه بالادب برده
يا باشا انا لو كنت بمشى فى ابو ظبى ولا دبى تلاقى الوافد العربى ماشى يكلم نفسه او مطرق الرأس و بيفكر و عمال يحسبها يمين و شمال فى حياته و اجى ابص على الاوروبيين ولا الامريكان يخى عليا الحرام من دينى لو فى بلادهم مش هيعيشو كده عايشين كانهم فى الجنه و هو تلاقيه موظف درجه رابعه فى بلده عايش على الهامش
طيب بلد بقالها 1400 سنه عايشه على الاعانات و الخير اللى كان بيجيلها من مصر و الشام و عمرنا ما كنا بنتنك عليهم بل كنا بنقول واجب شرعى و اخوتنا هما بقى اول ما شافو خير يعاملوا اللى كانو بيساعدوهم بالطريقه دى و يرمو نفسهم فى حضن الامريكان و الاوروبيين بالطريقه دى
ان طلع العيب من اهل العيب ميبقاش عيب
*و على فكره الثروه القوميه للامارات اقل من الثروه القوميه لمصر هما 370 مليار و مصر حوالى 400 مليار و ده فى حد ذاته كارثه لمصر لان مصر المفروض الثروه القوميه لها لا تقل بأى حال من الاحوال عن 2 تريليون دولار بل و تزيد لاضعاف ذلك هى دى مؤهلاتنا الحقيقيه من موقع جغرافى و مناخ و موارد طبيعيه و عدد سكان نمتاز به يعنى انا مش بهاجم الخلايجه من اجل الهجوم و خلاص لا انا عارف كويس جدا ان احنا الغلطانيين علشان سايبين خير بلدنا و رايحين لهم هيا حاجه واحده فى مصر لو اتصلحت هنبقى عالم اول بدون ادنى شك التعليم

متقلبش عليا المواجع انا كل ما امشى فى مكان بره واقول مصر اجمل واحلى وبزعل اننا معانا كنوز فى البلد وليل ونهار بنجرى ورا شويه تفاهاتا وتضيع وقت وسايبين الشغل والتعليم ونفكر ازاى نقوم بالبلد

ربنا يرحمنا ويرد لنا مصر سالمه افضل مما كانت

**jackson_75** · 15-12-2013 07:25 PM

ياعينى عليكى يامصر ، فيكى خير كتير مابيوصلناش منه غير الفتافيت ،، وحتى الفتافيت مبقناش لاقينها اليومين دوول ، يارب صبرنا وأفرجها من عندك .. والله انا هتجنن وبكلم نفسى ، لما انا والحمد لله ربنا سبحانه وتعالى كرمنى وبقى معايا بدل الشهادة الجامعية ثلاثة شهادات ، من ضمنهم واحدة من أوكرانيا وأتنين من مصر ، ومعايا بدل اللغة اتنين ، روسى وأنجليزى ، قراءة وكتابة وتحدث بتقدير جيد جداً بفضل الله ومعايا عربية سياحة وبشتكى . أمال الناس اللى ماأخدتش حظها من التعليم ، والناس اللى اتعلمت تعليم عادى وممعاهوش لغات ، طب ده بيعمل ايه ، وأيه ظروفه .. والله انا بدءت أصدق أن اللى بيولع فى البلد وبيخرب فيها بيبقى عنده حق فى بعض احيان ، لان بصراحة بلدنا مابتوفرش أى اعانة أو أى رعاية أجتماعية للاسر التى ليس لديها دخل ، باختصار الحكومة مابتشوفش غير موظفين الحكومة وبس ، أما ما دون ذلك فأنها لاتنظر لاحد ولاتقدم يد المساعدة لاحد .. ربنا يفرجها من عنده لحسن خلاص احنا بقلنا كتير بنصرف من اللى معانا ، وكل ما تتعدل ونقول فرجت ، يرجع الله يخربيتهم بتوع المظهرات يعوجوها تانى !!!!!

**منتصرعبدالحميد** · 18-12-2013 06:30 PM

السلام عليكم ورحمة الله وبركاتة ازيكوا ياجماعة انا عايز اسافر الامارات او الكويت انا مدرس لغة انجليزية اعداى وثانوى لو حد يقدر يساعدى يبقى بجد شكرررررررا اوى وربنا يكرمكوا جميعا يارب