مشكلة التدوير صباحا في e36

**popos311** · 11-12-2013 10:55 PM

معايا بي ام دابليو 316 موديل 1997 بتحصل معايا مشكلة كل يوم الصبح بس لما تكون الدنيا سقعة المشكلة بتكون اني لما باجي ادور العربية و الف المفتاح للاخر مفيش اي حاجة لا صوت مارش ولا اي صوت افضل دايس برضو افضل احاول كذا مرة مفيش فايدة بعد كذة محاولة المارش بيلقط و بتدور علي طول فدا اكدلي انو مش بطارية ولا مارش لانه بتدور من غير تعتيل رحت لكذة كهربائي كلهم بيستغربو و محدش عارف الحل ارجو مساعدتي و شكرا

**Mostafa.Mahran** · 11-12-2013 11:01 PM

العيب فى المارش
خلى كهربائى كويس يشوفه

**kemoooo2020** · 11-12-2013 11:53 PM

ممكن الطبلة يكون فيها حاجة طالما انت متاكد انه مش من المارش

**eng.salama93** · 12-12-2013 06:55 AM

ممكن طبله الكونتاكت فيها حاجة او الشربون اللي ف المارش
يا اما اضعف الإيمان و دا اكتر حاجة انا شاكك فيها ( الأرضي بتاع الموتور مش مربوط كويس )

**fahd_628** · 12-12-2013 12:19 PM

المشكلة دية ممكن تكون مشكلة EWS !

الموضوع بيحصل بالظبط لو ال Receiver مش شايف ال Signal بتاعت ال EWS

هل انت مغير المفتاح الأصلى ؟

هل الموضوع دة بيحصل الصبح بس ؟ ولا ممكن عادى و انت بتدور العربية فى نص اليوم يحصل كدة ؟

**popos311** · 14-12-2013 08:30 PM

هو مش المارش ولا الارضي لان انا متاكد منهم بس هو انا اعتقد انه مش المفتاح الاصلي لان انا مشتريها كدة و المفتاح مش عليه علامة البي ام و هو الموضوع دا كان بيحصل الصبح بس بس من فترة قريبا ركنت و بعديها بربع ساعة عملت الحكاية دي تاني بس دارت من تاني مرة الف فيها المفتاح مع انها كانت سخنة كدة المشكلة تكون فين يا استاذ فهد

و هل العربية دي فيها كتاوت علشان انا اول مرة اركب عربية اوتو و انجكشن و حديثة نسبيا بما كان قبلها ( لادا ) و معلش تعبتكو معايا

**tarbook** · 16-12-2013 11:23 AM

انا هاقولك حاجة ممكن تبص على كنترول او كتاوت الفتيس الى خلف الطابلون هتلاقى فيه 3 بنات عليهم شربون ممكن هما دول الى يكونوا بيعملو المشكلة دى علشان انا حصل معايا الحوار دة وكشفت على البطارية وكان فيها ربع وغيرتها وبعدين كشفت على اتوماتيك المارش وغيرته بس المشكلة طلعت فى كتاوت الفتيس