مشكلة في موتور الe36

**m.elQabbaney** · 30-10-2013 04:44 AM

السلام عليكم ورحمة الله وبركاته
الإخوة أعضاء نايل موتور المحترمين بعد التحية
دي يا جماعة أول مشاركة ليا في المنتدى

الموضوع إن إشتريت e36 318is كوبيه موتور b42b18
كنت بسمع صوت طقطقه خفيف أول مشغّل العربية . غيّرت الزيت لموبيل وحاليا الصوت زاد في كل مرة تشغيل بعد ركنة
أنا الّي أعرفه إن الصوت ده ناتج عن التكيهات . أعمل ايه أغيّر الزيت بحاجه أتقل من موبيل ؟ تنصحوني بايه ؟
أروح للمdكانيكي يضبطهوملي ؟ أعمل سيرفس كامل ؟ هيتكلّف كام ؟
عندي كمان ميّة الراديتير بتقل كل فترة ؟ ده طبيعي ؟ يعني في الصيف كل إسبوع بزوّد مية خضرا !
علماً إن الموتور ستوك ومتلعبش فيه
شكراً

**Ahmed Amin** · 30-10-2013 05:32 AM

وعليكم السلام ورحمة الله وبركاته, وأهلا بيك في المنتدي,,

الطقطقة مع الدوران ممكن تكون قواعد الموتور, ومش دايماً بتكون تاكيهات..

وموضوع إن المية بتقل دا ممكن تكشف غطاء الراديتاير والقربة,, أنا مش عارف ال e36 ليها غطاء رادياتير ولا غطاء قربة فقط,, بس الغطاء لو مش حاكم الضغط المية هتقل,
أو ممكن يكون عندك تسريب ولازم تراجع علي وتكشف علي وصلات الخراطيم وتشوف التسريب بيحصل منين,

بالنسبة للزيت عندك زيت وولف كويس وزيت شيل برضه كويس, وفعلاً زيت موبيل سئ جداً وحاول تغيرة في أقرب وقت.

**Ahmed Amin** · 30-10-2013 06:22 AM

السبب الرئيسي لتبخير مياة التبريد هوا غطاء القربة,, بأفتراض إن الدورة سليمة ومفهاش أي تسريب للمياة,
لأنه مش بيقدر يحكم الضغط لما الموتور والمية بتسخن,, فبتبدأ المية تتبخر لأن الكاوتش اللي فيه بيكون أتاكل,

فأكشف علي غطاء القربة الأول وغيره لو كان متهالك والكاوتشة اللي فيه متأكلة,,

بالنسبة لموضوع التكتكة, فأنا مش هقدر أفيدك فيه أووي,,
بس أنت كدا وضحك مشكلتك بالظبط, وإن شاء الله أي حد من اللي معاه دبانة بكرة يفيدك أكتر مني,

بس عموماً لو هتروح لميكانيكي يفضل يكون بتاع BMW عشان ميعكلكش في العربية,
وبالنسبة للزيت هيا مش بأنك تحط لها زيت تقيل ولا خفيف,,
الزيت بيتحط علي حسب عمر وكبس موتورك وعلي حسب الكيلومتر اللي هوا عاملة,,
بتشوف ساعتها هوا يناسبة زيت أيه ساعتها نص تخليقي ولا معدني,,

وممكن تبقي تكتب بيانات موتورك من موديل السنة بتاعت العربية وعدد الكيلوات اللي مشيتها ونوع الزيت اللي أنت حاطه حالياً وحالة كبس موتور عربيتك لو تعرفه, وأن شاء الله هيرد عليك حد من شركة ولف أو أستاذ كريم بالزيت المناسب لعربيتك.

http://www.nilemotors.net/Nile/375062-a.html

**AlGazar2** · 30-10-2013 07:34 AM

زى ما قالك العضو الفاضل بالظبط

و نصيحة غير زيت موبيل بشل او زيت معبأ فى الخارج و اسمع فرق الصوت بنفسك

زيوت موبيل سيئه للغاية

**Thebutcherr** · 30-10-2013 10:06 AM

صوت التكتكة هو صوت البلوف اللي في التاكيهات بتكون تاكلت مع الزمن و لو اتغيرت هتحل المشكلة بس هتبقي غاليه , الحل متحطش زيت تقيل لانه هيبقى جهد اكبر علي البلوف و يمكن ده حصل بعد موبيل, الموضوع مش مقلق و لا معضلة و سيب العربية دقيقتين تسخن
موضوع المياه ببساطة محتاج تروح لحد يكبسلك دورة المياه و يشوف فيها تسريب من كوعة و لا ريدياتير و لا اي حاجة و ممكن تكون بسيطة ,كوليه عاوز يطربط , غطاء قربة كدة يعني

**m.elQabbaney** · 30-10-2013 10:54 AM

شكراً يا رجّالة . بارك الله فيكم . بس موضوع الصوت بصراحة مدايقني وبيكسفني في كل مرّة بشغّل فيها العربية
مش مرتاح وعايز اعمله . هو نظام تربيط تاكيهات ولا فيه قطعه هتتغيّر ؟
طيب لو هروح للميكانيكي العربية هتكون سخنت والصوت هيختفي . المكانيكي ساعتها هيعرف العيب إزّاي ويعرف أنهي تاكي ؟ وهيقدّر شغله بكذا ولا هيقول نحل الاول ونشوف والموضوع هيفتح ؟
الّي اعرفه في الامريكاني تربيط وجوان ودمتم !

**Thebutcherr** · 30-10-2013 12:03 PM

اقرا تعليقي

**m.elQabbaney** · 31-10-2013 01:44 AM

تسلم إيدك يا سعادة الباشا . شكراً على التعليق . أفهم من كلامك إنو مش معضلة ! يعني ملاقيش يوم صباب ناططلي من التبلوه ومدّيني بالقلم وراجع تاني :)
قصدي الموضوع مش مقلق . أغيّر زيت مناسب بس (ومثال اتصل بشركة وولف) وهما الّي يحدّدو نوعية الزيت ؟
عندك فكرة لو هيتصيّن هيتكلّف كام تقريبا ؟
أنا ليا واحد صاحبي (براّ البلد) كان معاه كوفيت وكان عنده الصوت ده وكبّر دماغه وكان قارص عالدائري (280) . البستم خرج من كرتيرة الزيت . وده كان موتور شفرليه ls3

-

الموضوع: مشكلة في موتور الe36

LinkBack

أدوات الموضوع

عرض

-

-

-

-

المواضيع المتشابهه

مشكلة فى موتور لانوس

عايز مساعدة بخصوص الe36 316i و318 e46

مشكلة في عمرة موتور

مشكلة في موتور البيتلز

مشكلة في موتور فيات 127

الكلمات الدلالية لهذا الموضوع

المفضلات

المفضلات

ضوابط المشاركة