يمكن مشكلة ويمكن لأ

**eldeplomasy** · 20-09-2008 04:22 AM

الموتور عندي لما ازود سرعته لحد ال4000 لفة او اكتر بيترعش لو خففت الرعشه تروح وكذلك لو ماشي بسرعه بحس انه بيرعش شوية ده يبقى ايه وايه الحل؟؟؟

وهل البوجيهات بتتغير بالمسافه ولا بالوقت لانها عندي عملت 10000 كيلو في 8 شهور, اغير ولا لأ؟؟؟

**ahmed1981** · 20-09-2008 10:18 AM

أظن الموتور محتاج كشف بالجهاز

**hazem_khidr** · 20-09-2008 05:01 PM

رعشه شكلها عامل ازاي؟؟
ليها صوت ولا لاء؟؟
و يا تري و انت بتدور العربيه و ساعه ما المارش بيلقط بتحس بالرعشه ولا لاء؟

**eldeplomasy** · 21-09-2008 11:49 PM

شكرا اولا على الاهتمام

ثانيا وانا بشغلها بتلقط الحمد لله من اول تكه او تكتين ومفيش فيها رعشه وهي بتشتغل ولكن لما بزود بنزين جامد الرعشه بتظهر بحس انه مش متزن بس الرعشه ملهاش صوت يعنى بيبقى صوته عادي جدا بس الرعشه بحسها في الفتيش وفي الدركسيون احيانا

**hakeemkimo** · 23-09-2008 12:50 AM

بص ياسيدى الرعشة اللى فى الفتيس عادية جدا ولا تشغل بيها نفسك
الرعشة لو مسمعة فى الدركسيون (غربلة ) دية شغل ترصيص وكاوتش او عفشة (طنابير و بلى ) والرعشة دية اللى راكب فى العربية بيحس بيه اما الرعشة لو فى دواسة البنزين والدبرياج يبقى فلاتر (هواء او بنزين ) وبيجوهات

**moooha** · 24-09-2008 04:10 AM

ممكن تكون الرعشة سببها الاتى :
1ـ فى مشكلة فى كاوتش السيارة ..
2ـ العجل يحتاج الى ترصيص ..
3ـ هناك سيارات نقل الحركة من الفتيس الى الموتور عن طريق كبالن داخلية .. وكبالن خارجية .. والكبالن الداخلية تُسمى ( بالجرس ) وبيبقى عبارة عن صليبة وجرس
ولما بيحصل فيهم تأكل تحصل الغربلة او الرجرجة على سرعات معينة
( فوق الـ60 كيلو متر ) وتشعر بها فى الدريكسيون وداخل السيارة ..
وغالباً هيكون هو ده السبب ..
بسيطة وإن شاء الله هتتحل .. واحنا تحت امرك ممكن نبصلك عليها لو تحب ..