العربية بترعش جامدعند التبطيل

**وائل رفيق** · 20-06-2007 05:01 PM

[font=Times New Roman]

[color=black][font=Arial Black]

أعزائى الأصدقاء أعضاء المنتدى
تحية طيبة منى لكم جميعاً حيث أنى مشترك جديد اليوم
وقد سعدت بانضمامى لأسرة المنتدى والذى دلنى عليه صديق وزميل عزيز وغالى على
عندى عربية هيونداى إكسل 1500 مو 97 وبقى لها فترة كل مابطلها تفضل تترعش وتترج قبل ما الموتور يبطل
قالوا كهربا زيادة، ضبطت الكهرباء أكتر من مرة وغيرت البوجيهات!
قالوا من البنزين، مونت 92 مافيش فايدة ، مونت 90 هديت شوية وبعدين رجعت تانى.
قالوا كربراتير عاوز يضظبط.
أرجو الإفادة من أهل الخبرة والدراية ولكم منى جزيل الشكر

**محمد ابراهيم 1** · 20-06-2007 06:20 PM

الحركه دى فعلا حركه كهرا زياده لكن ممكن تكون طبله الكونتاك باظت وهى السبب والحل انك تجرب بطبله استعمال تانيه من غير تركيب يعنى توصيل الفيشه بس واذا اتصلحت هات لها طبله جديده احسن

**Abdallah** · 20-06-2007 07:35 PM

جديدة معدتش عليا دى قبل كدة للاسف, بس عندى سؤال يمكن يكون ليه علاقة ...
العربية لما بتيجى تطلع من الثبات بيبقى فيها رعشة برضة ولا لاء؟؟؟
اخبار السحب ايه ؟؟؟
هل الكونتاك علق منك مرة مثلا وشلت المفتاح ومفصلش او ما شابه ؟

**hazem_khidr** · 20-06-2007 07:46 PM

دي كهربا زياده مالهاش حل تني شوف ميكانيكي نضيف يظبط الكهربا و ان شاء الله حتتعدل و كمان لاحظ حتلاقيها بتاكل بنزين كمان زياده

**ahmed1981** · 21-06-2007 01:47 AM

ممكن يكون عيب في الكونتاكت أو كهربا زيادة

**abdoulrhman** · 25-06-2007 09:28 AM

بص ياخويا انت ممكن تعمل حركه سهله وانت تعرف (انت تجيب الفتيس علي التاني الكلام ده وانت مدور واكيد هتفضل دايس دبرياج المهم بعد كده تروح مبطل العربيه بعديها علي طول تشيل رجلك من علي الدبرياج وشوف العربيه هتمشي ولا لا لو مشيت ولو حتي سنتميتر يبقي الكهربا فيها مشكله والميكانيكي هيظبتهالك بس اهم حاجه وانت بتجرب يبقي قدامك الطريق فاضي طبعاً) وانت كمان ممكن تحسها وانت ماشي بالعربيه لو الكهربا فيها مشكله انت هتحسها هتسمع صوت تسقيف في الموتور وانت ماشي بالعربيه وربنا يكرمك ويكرمنا كلنا

**Driver** · 25-06-2007 09:48 AM

الحقيقة كنت لسة متغدى ومعجبنيش اللفظ فمسحت المشاركة, يا ريت يا اخ درايفر تفهم كويس ان احنا هنا مش فى سويق ولا احنا قاعدين فى غرزة, فى بنات وحريم وناس محترمين بيدخلوا هنا وملوش لازمة نكتب كلام فارغ طالما مش هنفيد.
عدل بواسطتى
Abdallah

**mohamed yousry** · 29-06-2007 11:48 AM

المشكلة دى ملهاش غير سببين اثنين......لأنها حصلت معايا قبل كدة فى الهيونداى القديمة مو95 اللى كانت معايا........
1-الكربراتير بايظ وبيدلوق بنزين كتير على الموتور ودة تعرفة انك تلاقى الموتور صوتة عالى كأنك دايس بنزين ....المفروض ان العربية وهى سخنة متسمعش صوت الموتور او يكون صوتة واطى قوى....ودة حلة تغير اكس وباب فى الكربراتير والافضل تشترى كربراتير استيراد...... او ممكن يكون جوان الحرارة اللى متركب تحت الكربراتير بايظ(بيخلى الكربراتير يدلوق بنزين يسخن العربية حتى بعد ما سخنت) ودة لازم يتغير(ثمنة 3 جنية)..... وهودة السبب الارجح لانة حصل معايا وغيرت كربراتير....(يعمل حوالى 400 او 500 جنية وتاخدة على تجربة اسبوعين)...
2-كهربة زايدة فى الموتور .....لكن حضرتك بتقول انك ظبطها.......واحسن تظبط الموتور بالكمبيوتر فى اى ورشة او بنزينة محترمة...

**bassam nagy** · 29-06-2007 12:14 PM

دي كهربا زياده مالهاش حل تني شوف ميكانيكي نضيف يظبط الكهربا و ان شاء الله حتتعدل و كمان لاحظ حتلاقيها بتاكل بنزين كمان زياده

يخلية يشوف الاسبرايتير ويتاكد انوا مظبوط

**sab3aawy** · 02-07-2007 04:59 PM

الظاهرة دى اسمها hot spots وانا لسة باعت موضوع كامل عليها على الساحة التعليمية، ودة الرابط بتاعه، يمكنك الإطلاع عليه للفائدة

http://www.nilemotors.net/Forum/viewtopic.php?p=34830

الموضوع: العربية بترعش جامدعند التبطيل

LinkBack

أدوات الموضوع

عرض

-

-

-

-

-

المواضيع المتشابهه

العربية بترعش ليه ؟؟؟

العربية بتعمل باك فاير عند التبطيل

العربية بتعمل باك فاير عند التبطيل

لمبة الزيت بترعش لم العربية تسخن

العربية بتتأخر فى التبطيل

الكلمات الدلالية لهذا الموضوع

المفضلات

المفضلات

ضوابط المشاركة