العربية بتدخن دخان اسود و هي باردة

**amer_aboamer** · 27-12-2013 11:00 PM

على فكرة يارحالة المشكلة دى فى معظم الأحيان بتبقى من جلد الصباب

**badry78** · 29-12-2013 02:40 PM

المشاركة الأصلية كتبت بواسطة eng\ahmed

الف مبروك ياباشا
ايه اللى خلاه يشك فى منظم الضغط؟؟ لان الاعراض دى متشابهة مع حساس الكولانت
هل العربية كانت مسجلة حاجة على الكومبيوتر؟

تقريبا عشان البوابة كان عليها بنزين كتير و تقريبا كان جاي من المنظم للأسف كان عندي مشوار اضطرني ماكونش واقف معاه و هو شغال - مع اني باحب دايما أقف على ايد الصنايعي و هو شغال - و بالنسبة للكولنت سينسور انا كنت فكيته بالليل و صنفرته نضفت كل الفيش و ساعتها المشكلة اتحلت انما الصبح كانت المشكلة ظهرت تاني

**badry78** · 29-12-2013 03:03 PM

المشاركة الأصلية كتبت بواسطة amer_aboamer

على فكرة يارحالة المشكلة دى فى معظم الأحيان بتبقى من جلد الصباب

بس يا باشا أعتقد ان جلد الصباب يسبب دخنة بيضا على أساس انه بيسرب زيت و الزيت لما يتحرق يطلع على هيئة دخنة بيضا

**ENG\AHMED** · 29-12-2013 06:11 PM

المشاركة الأصلية كتبت بواسطة badry78

تقريبا عشان البوابة كان عليها بنزين كتير و تقريبا كان جاي من المنظم للأسف كان عندي مشوار اضطرني ماكونش واقف معاه و هو شغال - مع اني باحب دايما أقف على ايد الصنايعي و هو شغال - و بالنسبة للكولنت سينسور انا كنت فكيته بالليل و صنفرته نضفت كل الفيش و ساعتها المشكلة اتحلت انما الصبح كانت المشكلة ظهرت تاني

موضوع تنضيف الحساسات عملتها قبل كدة برضوا ظبطت نوعا ما يوم ولا اتنين ورجعت تانى

**ENG\AHMED** · 29-12-2013 06:12 PM

عموما اشوف موضوع ال pressure regulator يمكن يطلع السبب

**a raafat** · 31-12-2013 03:06 PM

طب يا استاذ بدرى اخبار استهلاك البنزين قبل حل المشكله ايه ؟
أصل انا تقريبا عندى المشكله دى لما بدور العربيه الصبح وأقرص بنزين هيا واقفه بيطلع دخان اسود لكن لو مش قارص مش بيطلع الحمدلله مع العلم انى عندى مشكله مجننانى ومجننه الصنايعيه وبتخلينى اشد فى شعر راسى وهيا استهلاك البنزين عربيتى الجيب شيروكى 93 اربعه سلندر تخيل فى الزحمه الصفيحه بتعمل 50 كيلو وساعات أقل وعلى فكره مش زحمه اوى يعنى مش زى فى القاهره وكوبرى اكتوبر لا الزحمه اللى بمشى فيها تعتبر رحمه جنب زحمة القاهره
غيرت فلتر وغيرت رشاشات وغيرت بوجيهات وظبط الكهرباء وبرده مفيش فايده لحد ما زهقت وقررت اتعايش مع الوضع الحالى لحد ما السنه الجايه قبل الفحص نبقى نعمل نص عمره ونشوف هل الموتور فيه مشكله مع ان العربيه بسم الله ماشاء الله سحبها ممتاز بس بيتهيألى مفيش حاجه باقيه غير الموتور او بقى يكون حد بيسرق البنزين من العربيه :(

**badry78** · 28-01-2014 08:51 PM

المشاركة الأصلية كتبت بواسطة a raafat

طب يا استاذ بدرى اخبار استهلاك البنزين قبل حل المشكله ايه ؟
أصل انا تقريبا عندى المشكله دى لما بدور العربيه الصبح وأقرص بنزين هيا واقفه بيطلع دخان اسود لكن لو مش قارص مش بيطلع الحمدلله مع العلم انى عندى مشكله مجننانى ومجننه الصنايعيه وبتخلينى اشد فى شعر راسى وهيا استهلاك البنزين عربيتى الجيب شيروكى 93 اربعه سلندر تخيل فى الزحمه الصفيحه بتعمل 50 كيلو وساعات أقل وعلى فكره مش زحمه اوى يعنى مش زى فى القاهره وكوبرى اكتوبر لا الزحمه اللى بمشى فيها تعتبر رحمه جنب زحمة القاهره
غيرت فلتر وغيرت رشاشات وغيرت بوجيهات وظبط الكهرباء وبرده مفيش فايده لحد ما زهقت وقررت اتعايش مع الوضع الحالى لحد ما السنه الجايه قبل الفحص نبقى نعمل نص عمره ونشوف هل الموتور فيه مشكله مع ان العربيه بسم الله ماشاء الله سحبها ممتاز بس بيتهيألى مفيش حاجه باقيه غير الموتور او بقى يكون حد بيسرق البنزين من العربيه :(

أنا أسف يا باشا لتأخري في الرد بس لسة شايف تعليقك انهارده
أنا استهلاك البنزين كان زايد قوي عندي لحد ما المشكلة اتحلت