الموضوع: العربية بطلع دخان اسود لما ادور...وعايز اعرف افك طرمبة البنزين ازاي ؟؟ ميجان تو

انا حاولت افك الطرمبة هى موجودة ورا تحت الكنبة الخلفية الجزء اليمين من الكنبة خلعت المقعد وليها غطاء راكب ضغط بتشيله ممكن يتكسر منه طرف وانت بتخلعه عادى يعنى

بعدين لقيت الطرمبة نفسها وليها فيشة من أربع سلوك راكبة ضغط

بس لولا مشاركة الأستاذ أحمد كان زمانى مبوظها وزى ما قال الأستاذ أحمد هى ملهاش علاقة بالدخان دا

لأن فعلا ليها مفتاح خاص بيها لأن الغطاء بتاعها من فوق غطاء بلاستيك وباين عليه قلاووظ يعنى كأنه غطاء بطرمان كبير ومش هتعرف تتحكم فيه بايدك عشان تفكه

فالواضح ان المفتاح بتاعها بيتحط فوقيها ويلف بيه عشان يفكها


بالنسبة للعادم دى اول حاجة تشوفها الكويلات وبعدين البوجيهات

وعشان تعرف كفاءة الكويلات لازم يكون معاك كويلات سليمة تجرب بيها
فيه بعض الأفكار اللى الناس استخدموها زى :
انك تشيل فيشة الكويل وتشوف فيه تغيير فى أداء المحرك ولا لأ بس الحركة دى مش بتفصل كويل واحد بتفصل 2 كويل
لأن عندنا كل كويلين مع بعض

فيه اقتراح تانى ودا الأسوأ على الأطلاق .... وهو انك تفك الكويل نفسه وتوصله برا وتشغل المحرك( الحركة دى بتبوظ الكويل يا جماعة وياريت محدش ينصح بيها حد تانى عشان بوظت كويلين بسببها )

وبعدين لو كويلين مهربين مش بيدوا البوجيه القدرة الكافية لحرق الخليط الاحتراق هيبقى غير كامل

يعنى مش شرط يكون حالة الكويل اللى بايظ انه قاطع خالص ممكن يكون كفاءته قليلة ودى هتتعرف عن طريق كويل سليم ( لو ميكانيكى فاهم هيعرف طبعا )

عايزك تشوف لو فيه تنشيع او تسريب زيت من المحرك ونازل على الشكمان دا هيعمل ريحة بايخة قوى وسامة جدا
تانى حاجة البوجيهات عندك بقالها كام كيلو ونوعها إيه ؟؟ بس مظنش انها بوجيهات

وزى ما قال الأستاذ احمد
تنظيف فلتر الهواء :http://www.nilemotors.net/Nile/305905-a.html
ودا تغيير البوجيهات ولو عايز تنضفها برضه
http://www.nilemotors.net/Nile/335640-2.html
ودا تنظيف البوابة :http://www.nilemotors.net/Nile/325027-2.html
بالنسبة لفلتر البنزين والتانك نفسه ... لو فيه حاجة فى تانك البنزين أو بنزين مغشوش ممكن تعمل كدا
بس أنا عايز تفك فلتر البنزين وتنضفه ... أقولك هتنضفه ازاى بعد ما تشوف الموضوع دا :
http://www.nilemotors.net/Nile/336982-a.html
الفلتر ليه عليه سهم بيفيد باتجاه سير البنزين لما تفك الفلتر بييبقى مليان بنزين من جوا
عايزك تسد فتحتين الفلتر بصوابعك الاتنين و تفضل ترج فيه وبعدين تسيب البنزين يخرج من فتحة دخول البنزين الطبيعى انك تلاقى سواد طين طالع
http://www.nilemotors.net/Nile/336982-a.html


سؤال مهم يا اصدقاء
هل لو المحول الحفاز ( علبة الببينة ) بايظ أو بيبتدى يبوظ يخلى العربية تطلع دخان أصل أنا بشك فيها؟

حساس الشكمان ... افصله بس خلى بالك لتكسر الفيشة ... لو بايظ الدخان هيقف بس هتاكل بنزين

باشا متعملش حاجة تانى بنفسك كفاية .. وديها لحد أحسن علشان ممكن تبقى حاجة بسيطة وانت بتلعب تبوظ حاجة تانى من غير ما تحس وقولنا ... خلى حد يراجعلك الوصلات الكهربا