الموضوع: طرمبة بنزين سيفيك 2009

هل كان فية اعراض قبل كدة ولا مرة واحدة العربية عملت كدة

وعموما لو الطلمبة فيها مشكلة , المفروض العربية تتأخر جامد فى الدوارة , لو هية بالمنظر دة

وفية حاجة عايزك تعملها , لما العربية تدور زود بنزين شوية وشوف العربية مش هتبطل ولا بردة المحرك هيقف

كدة طلمبة بنزين فعلا

معلش ممكن تحط السيارة على المحرك وتشوف ال voltage بتاعة ال tps

وكمان انت واثق ان الطلمبة الى انت جيبتها دية نظيفة ؟؟؟؟

الصراحة كنت نزلت جيبتها denso افضل من اى موزع معتمد لهوندا تمنها 375 جنية

حضرتك بتقول ان الميكانيكى بيقولك ان دية مشكلة حساس البوابة

وحساس البوابة هو مايسمى بال ( tps ) ودة عشان نعرف اذا كان شغال صح ولا لأ , بيتم توصيل السيارة بجهاز كشف الاعطال , ويتم تحديد هل اذا كان فعلا ال voltage بتاعة ال sensor دة مظبوطة ولا زايدة او ناقصة

بس دة على كلام الميكانيكى

لكن انا عندى رأى اخر

بس الاول لازم اعرف حاجتين منك

1- العربية اخرها كام rpm ؟؟

2- ال rpm عندك على السلانسية واقف على كام ؟؟؟

وفية حاجة ممكن تعملها دلوقتى فية حالة ان الميكانيكى شالك فيش حساسات

وهية انك تعمل ideal learn ودية بتتعمل كالاتى :

1- هتشيل كابلات البطارية كلها لمدة دقيقتين ,

2- هتوصل البطارية , وتكون فاصل كل حاجة بعديها يعنى افصل الكاسيت + النور

3- هتفتح كونتاكت كأنك هتدور وتسيبة لمدة 5 ثوانى

4- دور المحرك وسيب العربية لمدة خمس دقائق ماتجيش جنبها لحد مالمروحة تشتغل

5- بطل ودور المحرك وشوف العربية عندك بقت عاملة ازاى هل لسة عالية ولا لأ او صوتها عالى ولا انخفض