الموضوع: زيت الفتيس و سير الكاتينه و زيت الموتور بومه 2007

المشاركة الأصلية كتبت بواسطة david micheal

يا جماعه افيدوني عشان انا احترت دلوقتي انا كلمت مهندس في التوكيل قالي الاتي
سير الكاتينه و البليه عاملين 550 لو هاتغيرهم في التوكيل هايكلفلك كله علي بعض 880
بره التوكيل 750
ميه خضرا جركن ب 35 جنيه بره التوكيل
قالي للفتيس حط زيت موبيل او شل عادي اللي هو ب 20 ولا 25 جنيه الكيلو و مش هانشطف الفتيس مش محتاج هانغير من الطبه بس 5 لتر ب 175 جنيه الكلام ده كله بره التوكيل
وزيت الموتور قالي حت موبيل 10 الالف الجركن عامل حوالي 290 جنيه



دلوقتي اعمل ايه ؟ اغير بليه و سير و خلاص و اتستني لما انزل القاهره اغير بزيت ال cvt الاصلي اللي mitsubishi atf sp iii


ولا اعمل ايه ولا الزيوت ديه كلها شغاله و كله تمام و مش هايخسره و المهندس بيقولي كله مش مشكله المهم تغيره كل 40 الف كيلو و خلاص


افيدوني من فضلكم

يا استاذى كان معايا عربية 2008 1600 اوتو و كنت بحط زيت فتييس موبيل و ساعات توتال و كله شغال مفيهوش مشاكل و العربية بايعها و هيا عاملة 150000 كيلو و لا غيرتلها حاجة و الفتيس كان تمام و السحب ممتاز و كمان اول مرة غيرته على 59000 و كنت بغيره من الطبة عند اى ميكانيكى و كانت بتاخد 4.5 لتر
بالنسبة للكاتينة هات البلية الاصلية اما السير فهات اى نوع نظيف من مكان مضمون زى كونتنتال او دايكو و غيره كل 40000 عشان الاصلى سعره مبالغ فيه اوى بس البلية مهمة عشان هى الى لو فيها حاجة ممكن تقطع السير كمان فيه سيور بوش بس انا مجربتهاش

يعني انت شايف كده اي زيت للفتيس هايمشي و يبقي تمام ؟ اومال الناس هنا كله بيقول لازم الاصلي الاصلي ليه ؟ انا خلاص بالنسبه للسير هاجيبه اصلي هو و البليه و امري لله انا اصلان مش عارف البليه لوحدها بكام

قولي انت بعت ال 2008 اللي معاك بعتها ليه .؟ تعبتك ولا كنت عايز تحدث ولا ايه ؟

المشاركة الأصلية كتبت بواسطة david micheal

يعني انت شايف كده اي زيت للفتيس هايمشي و يبقي تمام ؟ اومال الناس هنا كله بيقول لازم الاصلي الاصلي ليه ؟ انا خلاص بالنسبه للسير هاجيبه اصلي هو و البليه و امري لله انا اصلان مش عارف البليه لوحدها بكام

قولي انت بعت ال 2008 اللي معاك بعتها ليه .؟ تعبتك ولا كنت عايز تحدث ولا ايه ؟

ايوة يا باشا اتكل على الله و استعمل اى زيت بس لو هتستعمل موبيل استغمل التوع الغالى اللى هو 320 مش ال 220 الى هو سعر اللتر حوالى 55 جنيه و على فكرة دل نفس نوع الزيت الى بيستعملوا توكيل مصرية بس هناك هيقولك 70 جنيه
البلية وحدها سعرها حوالى 350 جنيه و السير حوالى 250 جنيه
انا بعت ال2008 على فكرة و دلوقتى معايا 2013 بومة برده بس سوبر اكشن

المشاركة الأصلية كتبت بواسطة basoomvip

ايوة يا باشا اتكل على الله و استعمل اى زيت بس لو هتستعمل موبيل استغمل التوع الغالى اللى هو 320 مش ال 220 الى هو سعر اللتر حوالى 55 جنيه و على فكرة دل نفس نوع الزيت الى بيستعملوا توكيل مصرية بس هناك هيقولك 70 جنيه
البلية وحدها سعرها حوالى 350 جنيه و السير حوالى 250 جنيه
انا بعت ال2008 على فكرة و دلوقتى معايا 2013 بومة برده بس سوبر اكشن

مبروك يا باشا و انا نفسي والله في السوبر اكشن ديه اكيد احلي من الكلاسيك بس المره اللي جايه انشالله و ميرسي يا جميل
موبيل 320 خلاص هاحفظه
بس بيقولوا انه عفشه ال 2014 عامله زي عفشه ال 1300 مش كده ؟؟ ياتري ال 2013 السوبر اكشن كده برضوا ولا متهيائلي اكيد عفشتها سبورت

المشاركة الأصلية كتبت بواسطة mahmoud85

هات الزيت اصلي وسيبك من اي هجص تاني
هات السير والبليه اصلي
زيت موبيل تعبان عن تجربه هات اي زيت تاني ... حتي لو شيل احسن من موبيل ونصحك ب لكوي مولي او كاسترول او وولف

ممكن الاقي شل هنا في بنزين شل الباقي بقي مش عارف هالاقيه ولا لا طيب احسن واحد فيهم ايه ؟ انا في الغردقة فامعظم الانواع ممكن ماتكونش موجوده

المشاركة الأصلية كتبت بواسطة muhmado_furp

غير الكاتينه بالبليه وسواء جبت من التوكيل أو حاجه نضيفه هتقعد معاك علي الاقل 30 ألف كيلو
فمتحيرش نفسك كتير في الموضوع ده
وحسب امكانياتك المادية
أما للزيت انت ممكن تطلب أي حاجه عن طريق الشحن زي زادو أو وولف ده لو مش عندك في الغردقه
ممكن تحط شل الازرق الي هو نص تخليقي ده لو قفلت معاك خالص

انشالله هاغير الكاتينه و البليه و الزيت اكيد هالاقي شل في البنزينه بتاعتهم وباقي العربيه اظبطتها بعدين
شكرا لتعبكم