الموضوع: خرطوش من اللي بيلسع

هههههههههههههههههه

انا رأى انك تتحلى بضبط النفس مع البلطجيه
وخاصه لو انك تستطيع القضاء عليهم فى 5 دقائق

شكلك ماسمعتش قبل كده عن الرصاصات المطاطية..
دي موجودة من زمان أوي وأعتقد اي حد فاهم شوية في الأسلحه بيعرفها..

الطلقات المطاطية فيه منها مختلف العيارات والمقاسات ولمعظم الأسلحة

الفكرة كلها بتعتمد على إن المقذوف بتاعها بيكون مصنوع من الكاوتش المطاط بدل المقذوف الصلب..
وده نتيجته ان الطلقة تعمل ألم شديد لكن بدون إصابة حقيقية لأنها تعجز عن اختراق الجسم أساسا..
معظم إصابات الطلقات المطاطية بتكون شبيها بالكدمات أو التجمعات الدموية لكن بدون اصابة بالغة..
ولا يمكن إحداث إصابة شديدة بالطلقات المطاطية إلا في حالة استخدامها من مسافات قريبة أو الإصابة في مناطق حساسة..

باختصار شديد جدا الطلقات المطاطية ضررها أقل بكتير من الطلقات العادية وتستخدم في فض الاشتباكات بجميع أنحاء العالم وذلك لتقليل الاصابات قدر الإمكان..

وآدي لينك تقدر تقرا منه وتعرف إيه هو الخرطوش اللي بيلسع بدل ما تتريق عليه:
Rubber bullet - Wikipedia, the free encyclopedia

وآدي صورة للخرطوش المطاطي وده اللي بيحتوي على كرات مطاطية بدل المعدنية
وتحتها صورة لشكل الإصابة بيه عشان تبقا الصورة واضحة ونفهم الفرق بين الرصاص العادي والمطاطي..
الصورة اللي تحت دي صورة ركبة عشان محدش يفهمها غلط ^_^

أما بالنسبة لاستفسارك الأصلي بقا..

أعتقد الفكرة أساسا في تجريم حيازة السلاح الحي بغض النظر عن نوع المقذوف المستخدم..
بمعنى ان لو معاك سلاح صوت محدش يقدر يكلمك ومش محتاج تصريح،،
انما لو معاك سلاح حي غير مرخص تلبس بيه قضية حتى لو انت حاطط فيه طلقات صوت ومفيش معاك ولا رصاصة حية .

وللعلم عشان دي معلومة تايهة عن ناس كتير..
ان لو معاك سلاح صوت فمتاح ليك تستخدمه فقط في حالات الدفاع عن النفس بدون أي مسئولية قانونية،
ولا يجوز بأي حال من الاحوال استخدامه في ترويع الآخرين أو إزعاج السكان أو استخدامه في الأفراح والزفة وكدة..