حبة اسئله عن فلوانس أول فئة

**Ralliart** · 13-12-2013 10:51 PM

أنا من أشد المعجبين بعربيات رينو رغم ان عمر ما حصلي الشرف بامتلاك واحدة
وكان في واحد قريبي عايز يجيب كورولا الشكل القديم الفاضية جداً جداً بـ160 الف وطبعاً نصحته بالفلوانس أول فئة أوتو e2a اللي بـ155 الف وهو شاف العربية وأعجب بيها بس كان في حبة حاجات مقلقاه زي انهم بيقولو ان فيها نواكل وحاجات مش موجودة في أول فئة وشكل التابلوه مختلف ولفينا على معارض كتير بس كلهم عارضين الفئة e3 اللي بـ170 الف (تحفة فنية بس بره الميزانية) ومحدش بيفيدنا بالفرق بين الموديلين وكل معرض بيقول كلام غير التاني
والحاجة التانية وهي أسعار قطع الغيار ويا ريت لو في عينة لأسعار قطع الغيار
وتالت حاجة هي وجود قطع غيار بره التوكيل خصوصاً الأجزاء الغير ميكانيكية اللي بتكون غالية في التوكيل علشان بيعتمدو على المأمنين (زي فوانيس واكصدامات تايواني أو تركي مثلاً) وأسعارها ومين بيبيعها؟
رابع حاجة هل العربية فيها أي مشاكل تذكر زي المشاكل اللي كانت في الميجان ii؟ علشان دي حاجة ممكن أنا أستحملها في سبيل عربية ممتعة ،بس مش كل الناس بتستحمل الحاجات دي وهو عايز عربية يعتمد عليها

وشكراً.........

**xname2004** · 13-12-2013 11:01 PM

فئه 155 ألف << فئه 170 ألف

تكييف مانيوال << تكييف تاتش
جنوط حديد << جنوط ألمونيوم
مفتاح ريموت << مفتاح سمارت ( كارت)
مفبش فتحه تكييف خلفيه << يوجد فتحه
مساند رأس اتجاهين فقط ( أعلى واسفل ) << أربع اتجاهات اعلى و اسفل و امام وخلف
مفيش أضواء ليد فوق كشافات الشبوره << يوجد ليدات
مفيش lumbar support ( مش متأكد ) << يوجد lumbar support
يعنى التابلوه نفس الفئه اللى ب 170 بس الفرق التكييف التاتش فقط

**Ralliart** · 13-12-2013 11:14 PM

المشاركة الأصلية كتبت بواسطة xname2004

فئه 155 ألف << فئه 170 ألف

تكييف مانيوال << تكييف تاتش
جنوط حديد << جنوط ألمونيوم
مفتاح ريموت << مفتاح سمارت ( كارت)
مفبش فتحه تكييف خلفيه << يوجد فتحه
مساند رأس اتجاهين فقط ( أعلى واسفل ) << أربع اتجاهات اعلى و اسفل و امام وخلف
مفيش أضواء ليد فوق كشافات الشبوره << يوجد ليدات
مفيش lumbar support ( مش متأكد ) << يوجد lumbar support
يعنى التابلوه نفس الفئه اللى ب 170 بس الفرق التكييف التاتش فقط

شكراً على الرد ،كده حضرتك طمنتني ان مندوب المصرية كان بيألف كلام عن التابلوه من عنده

**mostafa magdy** · 14-12-2013 12:58 AM

مفيش أي تغيير في التابلوه .. لا في دي ولا أي عربيه نادرا .. إلا إذا كان الفرق مثلا في شكل التكييف شكل الكاسيت غير كده ولا حاجه ..
و الباقي زي ما الزميل الفاضل تكرم و ووضح .. و إن شاء الله نبارك ع العربيه قريبا

**mostafa magdy** · 14-12-2013 01:03 AM

ثانيا العربيه مفيهاش أي مشاكل تذكر حتي الان الحمد لله أعرف ناس عاملين بيها 15 ألف دي أقصي حاجه
و عشان اكون صريح معاك هستناهم لحد ما يعملوا 50000 كيلو ولا حاجه
قطع الغيار غاليه شأنها شأن كل العربيات حاليا
يعني الكورولا الجديده شوف قطع غيارها هتبقي عامله إزاي
في موضوع صديق عزيز كان عامله عن أسعار قطع الغيار بورقه مختومه من توكيل رينو العبور تقريبا هحاول أجيبها و حضرتك حاول تدور عليه
لكن في نقطه إن فعلا العربيه تستاهل و قطع غيارها لا قدر الله إن أحتاجتها كتير قالوا موفره فتلاقيها بنفس السعر تقريبا ..
و نقطه تانيه إن الكيا ريو مثلا فانوسها الأمامي لما يوصل ل 3800 جنيه و السيراتو الجديده 6000 علي حسب ما سمعت يبقي خليك في عربيه زي أوبل ولا رينو أحسن بقا !
و ما علينا إلا النصيحه و ما عليك إلا إتخاذ القرار ..

**Ralliart** · 15-12-2013 01:05 AM

شكراً لاهتمامك
معظم أسعار التوكيل معقولة جداً حتى بالنسبة لعربية اقدم زي اللانسر البومة اللي قطع غيارها الأصلية مش رخيصة نهائياً ومعظمها أغلى من الفلوانس!
بس الفرق اني بلاقي ناس كتير بتبيعلها قطع غيار تجارية وبلاقي فانوس بـ160 جنيه وكشاف بـ260 جنيه واكصدام بـ250 جنيه فهل في حد بيبيع قطع غيار تجاري (تايواني-صيني-تركي.....) للفلوانس؟

**mostafa magdy** · 15-12-2013 01:10 AM

للأسف .. معرفش حد
و حتي لو فيه هيبقي صعب يوفرلك للفلوينس الفيس ليفت اللي لسه نازله
أنا مش عايز أورطك أنا عايز اقولك ع الوضع و أنت تقرر

و لو العربيه عجباك توكل ع الله و متخليش حاجه تمنعك
قطع الغيار إن شاء الله متحتجهاش أصلا
و بالتوفيق

**ymthmy** · 19-12-2013 05:01 PM

أولا أنا معايا الفئة الثانية بس جايبها من السعودية وفي فرق بسيط جدا في التابلوه عن الفئة الأولي وهو شكل الشاشة اللي موجودة في منتصف التابلوه
ثانيا ياريت بلاش رينو وخليك في الكورولا أحسن
والله أنا بعد ما جبتها ندمان أشد الندم وبقول ياريتني كنت جبت الكورولا
أنا ركبت الكورولا قبلها وكانت تحفة وعملية وعفشتها حلوة وصوت ماتورها حلو
جبت الفلوانس وكل يوم والتاني أوديها التوكيل عشان مشكلة + عفشتها ناشفة جدا جدا ورخمة جدا جدا
والله يا جماعة أنا بنصح فقط لا غير ونصيحتي كورولا وانت مغمض وابعد عن الرينو خاااااااااااااااالص

**ALshahba** · 19-12-2013 08:03 PM

المشاركة الأصلية كتبت بواسطة ymthmy

أولا أنا معايا الفئة الثانية بس جايبها من السعودية وفي فرق بسيط جدا في التابلوه عن الفئة الأولي وهو شكل الشاشة اللي موجودة في منتصف التابلوه
ثانيا ياريت بلاش رينو وخليك في الكورولا أحسن
والله أنا بعد ما جبتها ندمان أشد الندم وبقول ياريتني كنت جبت الكورولا
أنا ركبت الكورولا قبلها وكانت تحفة وعملية وعفشتها حلوة وصوت ماتورها حلو
جبت الفلوانس وكل يوم والتاني أوديها التوكيل عشان مشكلة + عفشتها ناشفة جدا جدا ورخمة جدا جدا
والله يا جماعة أنا بنصح فقط لا غير ونصيحتي كورولا وانت مغمض وابعد عن الرينو خاااااااااااااااالص

زي ماقلت لحضرتك فى مشاركه تانيه
غلطتك انك جبتها من السعوديه الكوري من سامسونج
المصري تركي ومختلفه اختلاف كبير فى الموتور والفتيس والتكييف والشكل الامامي
والتوكيل فى مصر محترم جدا وبيصلحلك اي حاجه .....لدرجة انه ممكن يجيبلك عربيه جديده لو فشل فى الصيانه
ده غير ان فلونس من 2010 ساعة ظهورها فى مصر.....لم يسجل لها اي عطل مفاجئ او عطل متكرر ابدا بل هي دائما قليلة الاعطال غير الميجان تماما

**Ralliart** · 19-12-2013 10:56 PM

المشاركة الأصلية كتبت بواسطة ymthmy

أولا أنا معايا الفئة الثانية بس جايبها من السعودية وفي فرق بسيط جدا في التابلوه عن الفئة الأولي وهو شكل الشاشة اللي موجودة في منتصف التابلوه
ثانيا ياريت بلاش رينو وخليك في الكورولا أحسن
والله أنا بعد ما جبتها ندمان أشد الندم وبقول ياريتني كنت جبت الكورولا
أنا ركبت الكورولا قبلها وكانت تحفة وعملية وعفشتها حلوة وصوت ماتورها حلو
جبت الفلوانس وكل يوم والتاني أوديها التوكيل عشان مشكلة + عفشتها ناشفة جدا جدا ورخمة جدا جدا
والله يا جماعة أنا بنصح فقط لا غير ونصيحتي كورولا وانت مغمض وابعد عن الرينو خاااااااااااااااالص

مشاركة حضرتك خوفتني + اني سمعت ان الابواب والرفارف الخلفية مقفولة من كل الاتجاهات وصعب تتسمكر
بس فعلاً الفلوانس في الخليج سامسونج ومختلفة في حاجات كتير