الحمدلله جبت فلوانس e2

**yassin_wael** · 14-12-2013 10:07 AM

زملائي الاعزاء،
الحمدلله ربنا وفق و جبت فلوانس ٢٠١٤ اتوماتيك اول فئة، و كنت عايز من حضراتكم بعض النصائح في فترة التليين و ليا سؤال صغير، انا استلمت العربية من يومين الساعة ٨ مساءا و طلعت فولت بنزين و اتجهت لمحل جوديير علشان املئ الكاوتش نيتروجين و اظبطه فلقيت صاحب المحل بيباركلي و قاللي خللي بالك الفوانيس مشبرة من الداخل (خط ابيض من نقطة تلاقي الفانوس و الاكصدام) و قاللي هو ممكن يكون علشان الجو كان برد و مطر بس انا عايز اتأكد يا جماعة؟؟؟ هل ده طبيعي؟

شكرا جزيلا.

**M.Radwan** · 14-12-2013 10:21 AM

ألف مبروك الاستلام..وفي انتظار ملاك الفلوانس للإجابة عن أسئلتك

**mahmoud869** · 14-12-2013 11:42 AM

مبرووووك

**xname2004** · 14-12-2013 11:55 AM

ألف مبرووووك
ربنا يرزقك خيرها و يبعد عنك العين
اعتقد الفوانيس عادى
ﻷنها بتكون بسبب سخونه الماتور و بروده الفوانيس فبتشبر
لكن فى معظم العربيات بتكون على ناحيه واحده فقط ( أطن الناحيه الاقرب للماتور )

**SAMEH_FOUAD** · 14-12-2013 01:19 PM

لأ طبعا مش طبيعى هو دة لو حصل بيدل على ان التقفيل مش محكم بتاع الفوانيس فبيدخل مياة جوة الفانوس , ومع حرارة اللمض , بتتكسف المياة دية على صورة بخار ماء لحد مابتروح لوحدها , فراجع التوكيل عشان تشوف معالجة العيب دة

**mostafa magdy** · 14-12-2013 03:09 PM

الف مبروك ع العربيه
مبدايا لأنه تقريبا مش عارف أوصل لأستفسار حضرتك لو تعرف تصور الموضوع ده
ثانيا متخليش حد يلعب في دماغك لان بتاع الكاوتش مش خبير و في معظم الاحيان بيبصوا للأشخاص اللي جايبين أوروبي إنهم معاتيه ( معلش يعني )
ف زي ما تقول بيطلعوا القطط الفطسانه
للي أعرفه أن عربيتي السابقه الاوكتافيا كانت بتعمل كده معايا و تروح لوحدها .. و حاليا بقالي يومين مش بطلع بالفلوينس
لكن تواصل و نشوف لحضرتك حل

**mostafa magdy** · 14-12-2013 03:13 PM

المشاركة الأصلية كتبت بواسطة esam_ayad

ألف مبروك علي العربيه الجميله
ولكن عندي استفسار : هل لازم علشان العربيه تطلع بسرعه لازم تدوس بنزين زياده شويه ولا ايه؟؟؟؟؟

ردا علي سؤال حضرتك .. في عده نقاط
لو كنت سايق كوروي أو ياباني قبل الفلوينس ( أي عربيه سحاااابه ) هتلاقي مشكله نسبيه
لو كنت سايق أوروبي أصلا فطلعتهم كلهم مش جامده لكن بعد ما تعدي ال 30 أو 50 كيلو / ساعه سرعه هتلاقي السحب أتحول تماما

النقطه التانيه السحب في أول 1000 حماده .. و بعد ال 1000 حماده تاني خالص و ده انا شخصيا حسيت بيه

النقطه التالته أن السحب بعد ال 3000 بيتحسن و أداء العربيه كله بيتحسن بعدها و ده كلام الكتالوج
و كلام المستخدمين أنه فعلا بعد ال 3000 بحد أقصي 5000 الأداء بيبقي أحسن فعلا
و ده مش هقدر أفيدك بيه لأنه لسه عند ال 1500 كيلو

**yassin_wael** · 14-12-2013 04:47 PM

اشكركم جدا ياجماعة؛ الفانوس راق لوحده و بيت الصبح مالقتش حاجة! ربما يستر و هاكلمك التوكيل أن شاءالله في أول زيارة

**yassin_wael** · 14-12-2013 04:53 PM

المشاركة الأصلية كتبت بواسطة sameh_fouad

لأ طبعا مش طبيعى هو دة لو حصل بيدل على ان التقفيل مش محكم بتاع الفوانيس فبيدخل مياة جوة الفانوس , ومع حرارة اللمض , بتتكسف المياة دية على صورة بخار ماء لحد مابتروح لوحدها , فراجع التوكيل عشان تشوف معالجة العيب دة

كلام حضرتك ممكن يكون صح لو القزاز كله شبر بس ده خط رفيع بس اللي ظهر

-

الموضوع: الحمدلله جبت فلوانس e2

LinkBack

أدوات الموضوع

عرض

-

-

المواضيع المتشابهه

الحمدلله

كيا سول-الحمدلله

قدر الله وما شاء فعل - الحمدلله

الحمدلله ربنا ستر

الحمدلله الحمدلله الحمدلله

الكلمات الدلالية لهذا الموضوع

المفضلات

المفضلات

ضوابط المشاركة