اولا بالتوفيق في اختيارك ايا كان الشارك او غيرها وانا هحاول اختصرلك مميزات وعيوب العربية
- الشارك ياباني 100 % 1600 cc موتور مايفك 117 حصان فتيس 4 نقلات INVECS-II محترمين جدا فى العزم والتسارع
- الصالون شيك وواسع خاماته كويسه والعدادات شكلها حلو والكراسي مريحه جدا
- الهاي لاين صفقة ناجحه بالنسبة لسعرها وكامليتها كتير اهمهم البصمه للابواب والتشغيل والشاشه التاتش مع ساوند سيستم ريكفورد فوسكات
- العربية فى السفر حلوه جدا جدا عافشه مالتي لينك ناشفة نسبيا بس ثابتة جدا فى الغرز والمطبات وكمان عالية فمبتحكش حتى لو مركب 5 فى العربية
- موتور صوته حلو مش مزعج تسارع ممتاز مع التكييف وعدد الركاب معاك مابيأثرش على سحب العربية
- عزل العربية وحش والسبب الاساسي الكاوتش الدانلوب
- الشنطة صغيره على عكس حجم العربية الاولويه عندهم كانت للكنبة الخلفيه
- قطع الغيار متوفره فى الحرفيين واماكن تانيه كتير اصلي وتجاري وزي كل العربيات الجديده اسعارها غالية
- الوكيل مواصفات خليجي هتلاقي كل العربيات مكتوب على القايم مطابقة للمواصفات السعودية فاشتري الوكيل عشان الضمان
- اللى يقولك اعطالها غريبة او قطع غيار مش موجوده قوله انت ماتعرفش عنها حاجه وفى 2012 اخدت اعلى عربية اعتمادية فى اوروبا فى فئة ال 1600cc ومن ناحية الشكل فالموضوع اذواق
- العربيات المنافسه الرينو فلونس والاوبل استرا كسر زيرو عشان فرق السعر