الموضوع: نويت علي فيكترا بي

المشاركة الأصلية كتبت بواسطة maam

65 الف يجيبوا فيكترا بي2 اوتو حالة نضيفة وفي بعض الأحيان ممكن تكون رشة رفرف بس أو جانبين بس
بس المشكلة انك تلاقي حالة نضيفة فعلاً
62 الف يجيبوا فيكترا بي2 مانيوال حالة نضيفة
انا اشتريت عربيتي بـ 65 الف وعارف انها غالية الفين أو تلاتية زيادة بس هي تستاهل لأنها طالعة من تحت راجل مش هاينها وصارف عليها صح ، دا غير انها فابريكة كلها من الاكصدام للإكصدام

اختيارك على الـ فيكترا بي عموما جيد ، بس في حالة واحدة وهي انك من النوع اللي مابيصبرش على مشكلة في العربية حسب أهميتها طبعا ومن النوع اللي بتلف على الحاجة ومن النوع اللي بتدور على ميكانيكي كويس

تلاقيها فين ؟ دور عليها ، هي عايزة تأني ومش عايزة استعجال خالص

خليك في موديلات 2000 لـ 2003 ديه b2 أطول وأشيك من الـ b1 بسبب العتب والإكصدامات والكساحات وباب الشنطة

اولا شكرا جزيلا علي الكلام الوافي والاحترافي اللي حضرتك قلته ده

ثانيا انا فعلا من النوع اللي مش حيصبر عليها في اي مشكله او حتي خدش (لان دي طبيعتي في شغلي وفي كل حاجه)

لكن لو انا اهتميت بيها جدا وصرفت بعنايه عليها واستشرت اهل الخبرة قبل ما العب فيها

هل من الممكن ان تكون في احتماليه اعطال وخاصه في السفر الطويل جدا ذو المطبات والمدقات والحر والبرد

طبعا انا اقصد مجرد توقع عام للاحتمال وبعيدا عن اي حالات شاذه في الاعطال

اهلا بحضرتك اولا .. ثانيا كلام محمود فعلا جابلك من الاخر
عاوز اقولك الفكترا حماله أسيه ... وشافت معايا امبارح يوم عالمى فى عز البرد وبرك الميه اللى فى الشوارع لان جالى سفريه فجأه امبارح فى عز الطقس السيئ .. وكل شويه اما الاقى عربيات راكنه على جنب وفاتحه كبوتها اقول الحمد لله ... وقبل كل بركه ميه تلاقى عربيات راكنه خايفه تدخل وعربيات بعدها واقفه وعطلانه تقول الحمد لله على نعمه العربيه الاوبل .. كنت ماشى قلبى حديد ولله الحمد
لو انت مايفرقش معاك مانيوال او اوتوماتيك يبقى عليك وعلى فكترا بى ٢ مانيوال ١٦٠٠ سى سى الموتور الاسود .. موتور نادر الاعطال وحمال أسيه
عاوز اتوماتيك يبقى دور على ايكوتيك حاله نضيفه
تحياتى

المشاركة الأصلية كتبت بواسطة hesham.h

اهلا بحضرتك اولا .. ثانيا كلام محمود فعلا جابلك من الاخر
عاوز اقولك الفكترا حماله أسيه ... وشافت معايا امبارح يوم عالمى فى عز البرد وبرك الميه اللى فى الشوارع لان جالى سفريه فجأه امبارح فى عز الطقس السيئ .. وكل شويه اما الاقى عربيات راكنه على جنب وفاتحه كبوتها اقول الحمد لله ... وقبل كل بركه ميه تلاقى عربيات راكنه خايفه تدخل وعربيات بعدها واقفه وعطلانه تقول الحمد لله على نعمه العربيه الاوبل .. كنت ماشى قلبى حديد ولله الحمد
لو انت مايفرقش معاك مانيوال او اوتوماتيك يبقى عليك وعلى فكترا بى ٢ مانيوال ١٦٠٠ سى سى الموتور الاسود .. موتور نادر الاعطال وحمال أسيه
عاوز اتوماتيك يبقى دور على ايكوتيك حاله نضيفه
تحياتى

الف شكر ليكم جميعا علي التعاون ده

انا فعلا ناوي علي مانيول لانه اضمن من حيث الاعطال في العموم لكني معرفش غير ان الايكوتيك ده في كل العربيات اللي بعد 2000 لكن الفرق بين الاوتو وبين المانيول احتاج من حضرتكم توضيح

المشاركة الأصلية كتبت بواسطة m7nsh

طبعا عربيه محترمه جدا والمبلغ دا يجيبلك 1600 اوتو بى 2 زى ما محمود قالك ...
واحب اقولك تانى بلاش الاستعجااااااااال واكشف عليها كويس جدا او وديها لطنانى علطول وهو يقولك المفيد سواء تاخدها او لأ..
فى نقطه ياريت فادى باشا يأكدلنا عليها وكان دايما بيقولها .. ان دواسه البنزين بتاعتها -ال1600 الاوتو - تكون واير مش كهربا عشان بيكون فيها مشاكل ... انا مش متذكر بالظبط ايه السبب عشان كده حبيت افكركم بالنقطه دى

ومبروك مقدما ..

تمام كلام حضرتك ويا ريت لو استاذ طناني يرد انا بتصل بيه علي نمرة المعلنه من 2010 ومش عارف هيا لسه معاه ولا ايه