الموضوع: أصوم أصوم ...و أفطر على أكسنت

المشاركة الأصلية كتبت بواسطة mody_elmasry

مبارك عليك ان شاء الله

مشكوووووور يا باشا الله يبارك فيك

مبروك مقدما بس يا ريت تكشف في التوكيل
شكرا

شكرا ليكم يا باشاواات على نصايحكم ومبارتكم على العربية
أنا امبارح روحت كملت باقى المبلغ وبعد كدا طلعنا على الشهر العقارى عملنا عقد مسجل بتكلفة 500 جند وبعدين روحت أخدت العربية ومشيت بيها .... بكل أسف أغلب اللى بيبيع عربيته بيبقى مهمل فيها فى حاجاااات تضايق فعلا...أول حاجة العربية ماكانش فيها بنزيييييين خالص يعنى أنا مشيت على اخر لتر أو لترين بنزين يعنى أخدت كل الرواسب اللى فى التنك والله أعلم كان بيحطلها 80 ولا 92 ... أينعم هى كاربراتير بس برضه الاهتمام واجب.... طبعا أول حاجة طلعت على البنزينة فولت ... أخدت 39 لتر (مش متأكد تنكها يشيل كام لتر)....بعدين روحت لميكانيكى تبع حد قريبى غيرلى زيت(كان نازل لونه أسووووود هبابة) وغطاء التنك كمان كان مش نظيف وغير فلتر الزيت (برضه كان مهبب) وغير فلتر البنزين (كان جواه طيييين)
بالنسبة للأسعار
زيت موبيل 3000 130جم (أنا عارف إنى كان المفروض أحط 10000 بس أنا قولت ده ياخد البلاوى اللى جوا العربية وأبقى أغيره كمان 2000 كيلو ولا حاجة وبعدين أحط الـ10000)
فلتر زيت 30جم
فلتر بنزين 25 جم
مصنعية 20جم
المجموع 205 اديتله الـ200 وأنا عارف انه مزود عليا فى الحاجات اللى غيرها
بس هو برضه منه لنفسه اهتم انه ينضف العربية بالكمبريسور والريداتير طلع منه كمية ترااااب (طبعا هاغسله ان شاء الله بس واحدة واحدة)
وبعدين طلعنا على حد بتاع أوكر وزجاج عشان كان فى باب الزجاج بتاعه مش بينزل والزجاج الكهرباء قدام تقيييل وفى أوكرة معلقة يعنى شوية تظبيطات كدا خد 60 جند
بس لاقيته بوظ أوكرة تانية هاروحله النهاردة ان شاء الله تانى
كده أعتقد فاضل شوية شغل تربيط عفشة على ترصيص&زوايا وتبقى العربية زى الفل ان شاء الله
بالنسبة للعربية أنا مشيت بيها الحمد لله مشيها تمام وسحبها كويس واتظبط أكتر لما فاقت من فلتر البنزين والزيت
أبعاد العربية حلوة تتعود عليها بسهولة
المشكلة فى سواقتى أنا طبعا عشان لسة أول عربية فى حياتى لكن الحمد لله امبارح دخلت كذا حتة زحمة وأماكن ضيقة (كانت هاتحك منى لكن ربنا ستر) وشايف الموضوع هاييجى بالتعود بإذن ربنا
أى اقتراحات أو أراء أكون شاكر لحضراتكم