أصوم أصوم ...و أفطر على أكسنت

**menaraafat85** · 14-12-2013 04:40 PM

أعضاء المنتدى الكرام
طبعا أنا بهزر بالنسبة للعنوان...أنا باحترم الأكسنت
بس أنا فعلا بقالى حوالى سنة أو أكتر بادور على عربية كويسة ... والحمد لله لاقيت حتة - على رأى الصنايعية - أكسنت 2000 خليجى راشة اكصدامين وفى حتة جنب الشنطة يمين راشة برضه...سليمة من جوا عداد 220 ألف وكسر يعنى تقريبا 221 ألف كيلو.. اتنين زجاج كهرباء...طبعا استفدت كتيييييييييييييييييير من خبرة حضراتكم فى الكشف على العربية وللأسف ماكانش ينفع أرفعها فى بنزينة أو نروح التوكيل نكشف عليها ... يادوب قدرنا نروح لميكانيكى يبص عليها ... والحمد لله قال الدنيا تمام ... المهم الراجل كان طالب 44.5 ألف وصلنا معاه لـ 43 ألف ... دفعت عربون 1000 جند إمبارح وكتبنا عقد ابتدائى بيها .... المفروض يومين كدا ان شاء الله وأدفع باقى المبلغ لأن البنوك قافلة امبارح والنهاردة وطبعا الشهر العقارى لأن البيع بعقد مسجل (وده كان طلبى لأن البائع معاه توكيل و أنا عارف انه تاجر وبعدين الرخصة هاتخلص فى أبريل 2014 والفحص كمااان يعنى مش فاضل كتير فا بالمرة استفيد بالتلت شهور دول وساعتها أنقل وأجدد وأفحص خاصة انها مرور فيصل وأنا فى فيصل برضه يعنى مش رايحة بعييد)
يا ترى بقى ايه اقتراحاتكم ... اللى بعمله شغال ولا المفروض يلغى التوكيل؟؟...السعر ممكن يكون عالى حبة بس هو فعلا العربية شكلا نضيفة جوا وبرا.. ايه اللى المفروض اعمله فى العربية غير سيور وفلاتر وعفشة لأنها محتاجة تربيط(فيها 4 كاوتش بريللى جداد)....مافيهاش انذار بس فيها الزرار اللى بيفصل كهربة العربية هل ده كافى ولا لازم اركب انذار؟؟؟؟؟

**M_SALLAM** · 14-12-2013 05:24 PM

الف مبروك ربنا يباركلك فيها و يكفيك شرها و شر العين و الطريق
العربية جميلة كانت معايا 2006 بس 1300 و عربية محترمة اكيد ال 1500 الكورى هتبقى افضل كتير
بالنسبة للسعر فهو على شوية لان العربية رينجها من 36-38 حسب الحالة
نصيحة منى اكشف عليها فى التوكيل قبل متسجل فى الشهر العقارى و لو العقد فيه شرط جزائى اوعى توقع عليه اياك و الشرط الجزائى خصوصا انك شارى من تاجر ...

**mk3** · 14-12-2013 05:26 PM

غاليه شويتين بس المقوله الخالده بتقولك العربيه حاله
فلازم لازم تكشف عليها عشان تتأكد من الحاله

**menaraafat85** · 14-12-2013 05:45 PM

المشاركة الأصلية كتبت بواسطة m_sallam

الف مبروك ربنا يباركلك فيها و يكفيك شرها و شر العين و الطريق
العربية جميلة كانت معايا 2006 بس 1300 و عربية محترمة اكيد ال 1500 الكورى هتبقى افضل كتير
بالنسبة للسعر فهو على شوية لان العربية رينجها من 36-38 حسب الحالة
نصيحة منى اكشف عليها فى التوكيل قبل متسجل فى الشهر العقارى و لو العقد فيه شرط جزائى اوعى توقع عليه اياك و الشرط الجزائى خصوصا انك شارى من تاجر ...

متشكر يا باشا الله يبارك فيك
بس هيا 1300 مش 1500
مواصفات خليجى
بالنسبة للسعر فكلام حضرتك مظبوط بس هاتعمل ايه برضه هاترجع تقول أصله تاجر ولازم يكسب والكلام ده
بالنسبة للكشف على العربية فى التوكيل فالمشكلة إن العربة مش فى القاهرة .. أينعم هى مرور فيصل بس التاجر من الفيوم وطبعا العربية معاه هناك
بالنسبة للعقد فأنا مش هامضى شارى لأنى عرفت انى ممكن أمشى بالعقد والرخصة لحد ماتنتهى وبعد كدا أجدد وانقل وافحص
مشكووور على الاهتمام يا باشا

**menaraafat85** · 14-12-2013 05:47 PM

المشاركة الأصلية كتبت بواسطة mk3

غاليه شويتين بس المقوله الخالده بتقولك العربيه حاله هو ده السوووق المصرى الذى لاتحكمه قوانيين
فلازم لازم تكشف عليها عشان تتأكد من الحاله

شكرا يا باشا

**M_SALLAM** · 14-12-2013 07:19 PM

المشاركة الأصلية كتبت بواسطة menaraafat85

متشكر يا باشا الله يبارك فيك
بس هيا 1300 مش 1500
مواصفات خليجى
بالنسبة للسعر فكلام حضرتك مظبوط بس هاتعمل ايه برضه هاترجع تقول أصله تاجر ولازم يكسب والكلام ده
بالنسبة للكشف على العربية فى التوكيل فالمشكلة إن العربة مش فى القاهرة .. أينعم هى مرور فيصل بس التاجر من الفيوم وطبعا العربية معاه هناك
بالنسبة للعقد فأنا مش هامضى شارى لأنى عرفت انى ممكن أمشى بالعقد والرخصة لحد ماتنتهى وبعد كدا أجدد وانقل وافحص
مشكووور على الاهتمام يا باشا

المفروض انها بتنزل فول ابشنز تكيف - باور - سنتر - زجاج كهربة لو فيها الاوبشنز دى و الموتور 1300 تبقى مغير موتور لو مفيهاش بور ممكن تكون فعلا 1300كانت فاضية و هو ركبلها زجاج كهرباة و انذار و برضو غريب انها موديل 2000 و موتورها 1300

**mahmoud869** · 14-12-2013 09:27 PM

مبروك

**besso33** · 14-12-2013 11:55 PM

اولا مبروك لحضرتك
اعتقد ان العربية مش خليجي لان الخليجي حسب نا اعلم 1500 سي سي، طالما العربية من تاجر يبقي لازم تكشف عليها فنيا وورقيا،،اخر حاجة اعتقد طالما عملت عقد بيع فلازم تنقل ملكية في خلال شهر من تاريخ العقد لان الرور بياخد بتاريخ تحرير العقد المطبوع وليس له علاقة ان انت وقعت ام لا

**menaraafat85** · 15-12-2013 12:46 PM

المشاركة الأصلية كتبت بواسطة besso33

اولا مبروك لحضرتك
اعتقد ان العربية مش خليجي لان الخليجي حسب نا اعلم 1500 سي سي، طالما العربية من تاجر يبقي لازم تكشف عليها فنيا وورقيا،،اخر حاجة اعتقد طالما عملت عقد بيع فلازم تنقل ملكية في خلال شهر من تاريخ العقد لان الرور بياخد بتاريخ تحرير العقد المطبوع وليس له علاقة ان انت وقعت ام لا

هو أنا بصيت على القايم اللى ناحية السواق وشوفت مكتوب عليها مواصفات خليجية
من ناحية المرور كذا حد قالى إنه لو مضيت على القد كمشترى يبقى لازم تنقل فى 15 يوم بالكتير لكن لو ما مضيتش على العقد يبقى مش مشكلة
أنا حبيت أتأكد من المعلومة منكم انتم