متابع
رقم العضوية : 153249
تاريخ التسجيل : 15Dec2013
المشاركات : 30
النوع : ذكر
الاقامة : مصر .. الجيزة
السيارة: Bmw
السيارة[2]: Kia
الحالة :
سلام عليكم ورحمة الله وبركاتة
حابب اتكلم معاكم في بعض الاسئلة الخاطئة والشائعة بين الناس وبقيت بتتسألني كتير وده بيدل ان نسبة كبيرة من الناس معندهمش اي وعي خالص بس بردوا نفسه يعمل جسم كويس ونا هكتب اكتر الاسئلة اللي بتجيلي وهرد عليها .
س:انا بقالي 3 شهور بلعب وعايز انشف العضل بس من غير ما اخد مكملات غذائية ؟
ج:اولا انت على اي اساس عايز تنشف وفين العضل اللي هتنشفه بعد 3 شهور لعب المفروض على الاقل تستمر في اللعب 6 او 8 شهور او سنة كمان عشان تكون عملت لجسمك اساس عضلي سليم لان المهم الاساس ومينفعش تكون عايز تاخد خطوة وسايب وراك اكتر من خطوة مهمة جدا. يبقى لزم تفهم انك تبني جسمك الاول بشكل سليم بالغذاء السليم والراحة العضلية والتمرين المناسب ليك وبعد كده قرر انت عايز تعمل ايه في جسمك.
س2:انا يا كابتن مبتداء وعايز اعمل كورس يزودني 10 كيلو عضل صافي من غير دهون ويكون بس في فترة شهرين او 3 شهور قبل الكلية وكده والكورس يكون في حدود من 300 ل 500 اخري.
ج2: اصلا مافيش حاجة اسمها كورس عضلي صافي لواحد مبتداء او واحد متقدم لان الكورسات بتبقى مراحل لازم الاول تعمل كورس بالك وده ضخامة بشكل عام للجسم بعد كده بيبقى كورس زيادة عضلية بنسبة 70% وده بردوا بيعتمد على برنامج اكلك اللي بتنظمه لنفسك وبتبتدي تقلل المياه وتحول الدهون لطاقة في جسمك واخر مرحلة هي مرحلة التنشيف اللي هي بتكتسب فيها ثمار الفترات اللي فاتت ودي بتبقى فترة حرق دهون ورجيم كامل عشان تبين العضل اللي اكتسبته الفترة لللي فاتت وعلى فكرة 10 كيلو عضل ده مش سهل زي م انت متخيل ده ممكن متقدم يزيد في سنة كاملة 5 كيلو بالعافية او اقل كمان. وعشان تبني جسمك صح لازم تتبع منظومة غذغئية متكاملة.
ج3:انا باكل كتير جدا بس مش بتخن او واحد يقول انا باكل اكل كويس بس بتخن ومش باين عليا اني بلعب حديد خالص؟
ج3: عشان تعرف تزبط جسمك لازم الاول تعرف نوع جسمك ايه وتعرف بيانات جسمك عشان تقدر تنتظم على جدول اكل منسق لجسمك وبتبقى عامله لهدف معين انت عايز توصل جسمك بيه وطبعا ممكن يكون صعب تعمله فانت ممكن تستعين باي دكتور تغذية او مدرب كويس يكون فاهم في الانظمة الغذائية.
ج4:انا جبت كيلو سيرياس وبقالو معايا اسبوعين بس مش لاقي منه نتيجة انا باخد منه في اليوم 4 معالق صغيرين.
ج4: اولا مينفعش تجيب حاجة مفتوحة لان السيرياس بيبقى شكارة 5 كيلو على بعض فانت متضمنش انت واخد كيلو عبارة عن ايه. ثانيا جرعة شكارة السيرياس ال 5كيلو بتفضل معاك 10 ايام تقريبا ونت الكيلو بقالو معاك اسبوعين ومش لاقي نتيجة واكيد طبعا مش هتلاقي منه نتيجة لان استخدامك غلط لان جرعة السيرياس في اليوم 344جرام تقريبا ونت في اليوم بتاخد جرعتين يعني تقريبا 700جرام .
ج5: انا يا كابتن جبت باودر بس كل واحد بيقولي على طريقة سكل اخده بيه ونا معرفش فين الصح؟؟
ج5: عشان محدش يشتغلك او يعمل فاهم ويقولك على حاجة غلط اي منتج في الدنيا بيبقى طريقة الاستخدام على ظهر عبوته حتى لو الكتابة انجليزي ممكن تتجرمها في جوجل اتعب شوية احسن ما تجيب باودر وجسمك ميسفدتش منه ويترمي فلوسه في الارض.والله واحد قبل كده كلمني وبيقولي انا باخد n.o explod ومش حاسس منه باي نتيجة انا باخد منه سكوب بعد التمرين مباشرة واحد صاحبي قالي خده كده لو عايز تضخم. طبعا ده هري واستحالة يديك نتيجة لان اي منتج باور بيتاخد قبل التمرين بنص ساعة على معدة فاضية فانت حضرتك كسلت تشوف اللي على العلبة او تترجمه وبقيت تستخدمه غلط.
س6: الكابتن بتاعي بيديني كورس حقن بس مش لاقي منها نتيجة كويسة؟ اساله كورس عبارة عن ايه يقولي الكابتن عندنا مش بيقول لحد على اسامي الحاجة هو بيديني حقنتين يوم الاحد وحقنتين يوم الاربعاء؟
ج6: ازاي اصلا تدجل جسمك حاجة متعرفهاش ومتعرفش ايه اللي جوه الحقنة دي وطبعا الكابتن بيهومك ان الحقن دي هتحولك وهتخليك بطل مصر في 3 شهور. ان لبدنك عليك حق . لازم تعرف كويس ايه اللي داخل جسمك بدل ما ترجع تندم والكاتبن طبعا بيستغلك عشان شايفك عايز تضخم في اقل وخلاص وهو بيبيعلك الوهم مش اكتر .وده بجد اخطر حاجة عشان اعرف ناس كتير ندمت بسبب حاجة زي دي.
س7:انا يا كوتش عايز اعمل كورس ديكا موضعي امشي جرعته ازاي؟
ج7:اولا مافيش حاجة اسمها حقن موضعي الحقن كله بيبقى عضلي واي هرمون او منشط في الاخر بيدخل في الدم سواء اخدته في عضلة الالية او اخدتها في دراعك بس كل الفكرة انك لواخدت حقنة في دراعك دراعك بيورم مكان السرنجة والزيت بيبقى تقيل ف عقبال ما يصرف الزيت دراعك بيبقى سخن ومنفوخ على الفاضي . ممكن لو واحد عامل كورس كبير جدا وجرعاته كبيرة وواخد اكتر من نوع منشط بيوزع الجرعة على جسمه عشان مينفعش ياخد الحقن كلها من تحت عشان الزيت يتصرف كويس وبيبقى هدفه توزيع الزيت مش تكبير عضلة معينة والجي اتش والاي جي اف وان هما اللي بيتاخدوا في عضلة معينة عشان دول بيشتغلوا على الالياف
س8: انا عضلة الباي عندي صغيرة ف بلعبها كل يوم وبردوا مش بتكبر؟؟
ج8: مافيش حاجة اسمها تلعب عضلة كل يوم لان كده انت بتحرقها لان كل عضلة ليها فترة استشفاء والعضل اصلا بينمو اثناء الراحة مش في التمرين المهم يكون في تغذية سليمة وراحة سليمة للعضلة واخر حاحة التمرين.
س9: هو انا لو اخدت باودر ماس فريك هيزودني كام كيلو او لو اخدت نيترو تك هيزودني كام كيلو عضل؟؟
ج9: لو حد رد على السؤال ده يبقى بيشتغلك عشان كل جسم غير التاني وفي اجسام بتحتفظ بالدهون وفي اجسام بتحرقها بسرعة فانت مينفعش تحدد لنفسك ده هيزودك كام كيلو انت بتزبط اكلك على اد ما تقدر وبجانب المكمل هتلاقي وزنك بيزتبط .ونفس الكلام بردوا على حوارق الدهون مينفعش تسال ده هيخسسني كام كيلو على اد ما انت هتنتظم على اد ما جسمك هيخس.
س10: كابتن انا بقالي في الجيم 20 يوم ومش حاسس باي تغيير؟
ج10: ما هو مافيش تغيير من يوم وليلة وعلى الاقل محتاج 3 شهور وتكون منتظم فيهم جدااااا عشان تلاقي نتيجة كويسة وتلاقي ان جسمك اتغير فعلا.
س11: عملت كورس حقن عبارة عن بلدنون واكواجان وتست بروبنات وسيبونات وجسمي محصلش فيه زيادة؟
ج11:طبعا البلدنون هي الاكوجان بس بجد في ناس من عدم وعيها بيضحك عليها بالاسامي التجارية ومش بيبقوا عارفين ان ممكن مادة فعالة تنزل باكتر من اسم تجاري وييجي واحد يقوله خد الاتنين مع بعض هيخولك وخش ويحولوا جسمك وهو طبعا مش فاهم . مينفعش تاخد نوعين تست مع بعض عشان كده انت بتعرض جسمك للجينوماستيا يعني تضخم حلمة الصدر وبترفع هرمون الانوثة في جسمك وكل ده عشان تضخم ونت اصلا مش فاهم حاجة لازم قبل ما تعمل كورس تبقى فاهم ايه ده ومتخليش اي حد يعملك كورس لازم يكون واحد فاهم فعلا عشان يقدر ينسقلك كورس بمواد تناسب بعض من غير ما تاذي جسمك غير كل ده لو عملت اي كورس من غير ما تاكل كويس عمرك ما هتعمل حاجة لان المنشط بيشتغل عن طريق اكلك وانت اصلا اللي بتشغله وبتحدد كيفية عمله وهدفه عن طريق اكلك. يعني منشط من غير اكل ولا اي تلاتين لازمة.
وطبعا في اسالة كتير جدااا بجد غريبة جداااا بس ده اللي انا فاكره دلوقتي وياريت نخلي عندنا وعي اكتر من كده بدل ما حد يشتغلنا وبدل ما تفضل تروح الجيم على الفاضي ونت اصلا مش بتعمل حاجة عشان فاكر ان التمرين لوحده كفاية عشان تكبر عضلاتك وده طبعا اكبر غلط لان اي رياضة بتعتمد على منظومة لازم تتبعها عشان تقدر تتقدم فيها بشكل سليم وتبقى ناجح فيها.
واسف جدا على الاطالة بس كان اشرح الحجات دي عشان الاسئلة دي بقيت بتجيلي كتير اووي كل يوم فى الجيم.
وانا جاهز للرد على أى استفسار لكل أعضاء نايل موتورز .
[سبحان الله و الحمد لله و لا إله إلا الله و الله أكبر ]
رقم العضوية : 129815
تاريخ التسجيل : 29Sep2012
المشاركات : 3,491
النوع : ذكر
الاقامة : Earth
السيارة: Just one car
السيارة[2]: Renault Logan 2013 Auto
الحالة :
رقم العضوية : 50622
تاريخ التسجيل : 21Oct2009
المشاركات : 1,812
النوع : ذكر
الاقامة : El-Sharqia/Iraq
السيارة: One enough
السيارة[2]: kia cerato 2010
دراجة بخارية: no
الحالة :
مشكور على المعلومات القيمة والمفيدة
دلوقتى انا كنت بلعب ولعبت فترة طويلة وعملت فورمة كويسة
بس دلوقتى مبطل من سنتين وعندى البنج كويس بس طبعا مع التبطيل اتكون دهون عايز طريقة لعب تخلينى انشف العضلة من غير تضخيم
هل التكررا بأوزان خفيفة وهحتاج كام مرة لعب فى الاسبوع؟
لا الة الا انت سبحانك انى كنت من الظالمين
رقم العضوية : 52887
تاريخ التسجيل : 12Nov2009
المشاركات : 1,429
النوع : ذكر
الاقامة : alex
السيارة: none
السيارة[2]: getz
دراجة بخارية: ىخىث
الحالة :
انا عايز حاجة تحفزنى اروح الجيم !! و بصراحة بمل العب ساعتين فى مكان
اى مساعدة
رقم العضوية : 153249
تاريخ التسجيل : 15Dec2013
المشاركات : 30
النوع : ذكر
الاقامة : مصر .. الجيزة
السيارة: Bmw
السيارة[2]: Kia
الحالة :
اولأ . استمرار التمرين بشكل يومي .. وتخصص يوم راحة .
ثانيا . عمل نظام غذائي منسق .. و الاستمرار علية بشكل يومي
ثالثا .. التمرين بشكل صحيح و بأوزان مناسبة مع زيادة الاوزان كل مرة فى التمرين تحاول تلعب بأوزان أتقل من التمرينة الى فاتت .. و انا ان شاء الله هعمل موضوع برنامج الوصول الي جسم الفتنس
[سبحان الله و الحمد لله و لا إله إلا الله و الله أكبر ]
رقم العضوية : 153249
تاريخ التسجيل : 15Dec2013
المشاركات : 30
النوع : ذكر
الاقامة : مصر .. الجيزة
السيارة: Bmw
السيارة[2]: Kia
الحالة :
اولأ لو التمرين خد أكتر من ساعة .. يبقا جسمك غير مستفاد تماما
التمرين الصح .. ميخدش اكتر من ساعة ونفضل لعب عضلة واحدة فقط فى اليوم واليس عضلتين .. للأستفادة الكاملة من التمرين .. مع نظام غذائي كويس جسمك يزيد بطريقة مناسبة وسريعة
... موضوع التحفيز .. مشكلة كمال الاجسام .. ان الناس واخدة فكرة ان فى التمرين أرهاق وتعب وأوزان تقيلة وى كلام غلط
انت بتدخل الساعة دي وقت فراغ بتستمتع بالتمرين .. حابب تشوف جسمك بشكل أفضل مما هو علية
فكر فى شكل جسمك لما تكون فتنس حلو .. ادخل التمرين متبصش لحد ابدأ تمرينكـ بأوزان مناسبة ليك أوزان متبقأش مرهق أو تعبان وى انت بتلعب بيها .. ادخل استمتع بالتمرين هتحب التمرين ووتبقى عاوز تنزل كل يوم
[سبحان الله و الحمد لله و لا إله إلا الله و الله أكبر ]
رقم العضوية : 121411
تاريخ التسجيل : 06Mar2012
المشاركات : 3,625
النوع : ذكر
الاقامة : assiut
السيارة: --
السيارة[2]: --
دراجة بخارية: --
الحالة :
الحمد لله عدد ما احصى كتابه و الحمد لله على ما احصى كتابه
الحمد لله ملء ما فى السموات و ملء ما فى الارض و ملء ما بينهما
[img2]http://nileup.com/up/uploads/nilemotors_13651184541.jpg[/img2]
You decide on your speed. Physics decides whether you live or die(بأمر الله طبعا)
رقم العضوية : 74257
تاريخ التسجيل : 30Jun2010
المشاركات : 372
النوع : ذكر
الاقامة : حلوان
السيارة: مترو الانفاق
السيارة[2]: fiat 127
دراجة بخارية: لا
الحالة :
السلام عليكم ورحمة الله وبركاته ...
جزاك الله خيرا على المعلومات القيمة دى وعلى طريقة العرض البسيطة دى ...
بس استاذنك حضرتك متكتبش بنفس نوع الخط ده او البنط ده تانى لانى تعبت لحد ما قريته ...
ومتابع مع حضرتك ان شاء الله ...
لا تحزن .. فرزقك مقسوم .. وقدرك محسوم.. واحوال الدنيا .. لا تستحق الهموم .. لانها لا تدوم
رقم العضوية : 129293
تاريخ التسجيل : 11Sep2012
المشاركات : 897
النوع : ذكر
الاقامة : العاشرمن رمضان
السيارة: لانوس
السيارة[2]: شاهين
دراجة بخارية: مش بعرف أسوقها
الحالة :
مجهود تستحق الشكر عليه...يفضل كمان حضرتك تذكر اضرار الهرمونات.
رقم العضوية : 63828
تاريخ التسجيل : 01Mar2010
المشاركات : 2,083
النوع : ذكر
الاقامة : القاهرة
السيارة: لانسر بومة 2008
السيارة[2]: بليزر k5 1980
دراجة بخارية: no
الحالة :
جازاك الله خير على المعلومات القيمة دى
انا واظبت فى الجيم اكتر من مرة .... فى كل مرة مش اكتر من اسبوعين لظروف العمل
لى سؤال عند حضرتك ....
انا بفكر اجيب جهاز او 2 فى البيت ... مع تخصيص غرفة لهذا الجهاز
ايه رأى حضرتك فى الموضوع ده ؟
و ايه افضل جهاز اجيبه ابدا بيه ؟
و ايه انسب مكان اشترى منه الجهاز ده ؟
المفضلات