الموضوع: قطع الطرق , اخص بالذكر طريق اسكندرية الزراعى

المشاركة الأصلية كتبت بواسطة eng:mohamed

أحد المشاكل.
إنك بتأمن للعقوبه..إنك عارف إنك ممكن متتعاقبش.إنك عارف إن العقاب حنين و مفيش مانع تغلط طالما الغلط تقدر تتحمل مادياته.
إبني عماره و إطالعلك دورين تلاته خمسه تكسب من وراهم اربعه مليون و غرامتهم 200 ألف
عطل الشارع و هات صافينار وسحب على تلت عربيات لميت تمنهم و خمسين ألف غرامه إيه يعني.فاتورة الكهرباء أكتر منهم.
إمشي عكسي عشان اليوتيرن بعيد لبست عربيتين في بعض أو ربنا ستر و الطريق عطل..وماله.مهو محدش هيشوفك وغن شافك الخمسين جنيه بتزغلل العيون.
إوقف صف تاني و ملعون أم اي حد المهم إركن مكان مهقضي مصلحتي و الشارع يقف ميقفش انا مالي.و الكلابش بكام..
-----------------------------------------
إعمل قانون علم على الناس غرامات في العالي وسحب رخص نهائي.
ولاد الحلال يقولولك حرام هناكل عيش منين.معلش.
سواق ميكروباص ماشي عكس ومعطل الشارع لو حد وقفهم و غرمه 1000 جنيه..يقولك والله حرام هو لم كام عشان تاخد منه كل ده..
------------------------------------
انا فاكر حوار دار بيني وبين زميل بعد فيلم كانت فيه واحده متزوجه و كانت زانيه فرجمت حتى الموت(وانا هنا مش بتكلم على الحكم سواء شرعا صحيح من عدمه)وقالي عقوبه صعبه وحاجه بشعه الإسلام إزاي عمل عقوبه بالبشاعه دي..
انا كان ردي إن آدي الذنب و آدي العقوبه..خايف من العقوبه إبعد عن الذنب..مش تفاصل في عقوبته...
قيس على كده حاجات كتير بنتكلم على عقوبتها و مدى كبرها..من غير منتكلم على ليه أعمل كده من الأساس!!!!!!!!!!

ده الكلام الصح. الفلوس بتفقد قيمتها مع الوقت وبالتالي تقل قيمه الغرامه الفعليه وبالتالي يزيد الاستهتار بجريمتها. المفروض قوانين الغرامات تنص على زياده سنويه لقيمه الغرامه من تاريخ صدور القانون يعني ان كانت العقوبه 1000 جنيه يقول وتزيد 10% عن كل سنه بعد صدور القانون وياسلام لو بطريقه مركبه كده كله هيمشي ملتزم.

لكن أرجع وأقولك غياب العداله عشان القناونين مش بتطبق على الكل سواء.