الفروق ما بين شكل 2004 و 2008 في الشكل الخارجي فقط,,
مفيش أختلافات كبيرة في الموتور أو الفتيس ولا حتي العفشة,,
كان فيه تعديلات بسيطة بس علي حد علمي,
منهم تعديل السولونيد فالف بتاع الفتيس
لأن كان فيه مشاكل في موديلات 2003 و 2004 و2005 وكانت العربية بتدي gearbox fault بسبب مشكلة في سولونيد فالف,
وكان علاجها هوا تغير الفالف دا وعمل أبديت لسوفت وير الفتيس وكانت المشكلة بتروح,
ودا كان شكل الفالف والكود بتاعه 2574.10
http://2.bp.blogspot.com/_-efnh59lpn..._7960-640.jpeg
ومن موديلات 2006 و 2007 و 2008 كانت العربيات بتنزل السولونيد فالف الجديد وطبعاً بأخر أبديت والمشكلة دي أختفت بنسبة كبيرة جداً.
ودا شكل الفالف الجديد والكود بتاعه, 2574.16
http://1.bp.blogspot.com/_-efnh59lpn...6_257416-3.jpg
فأنت لو هتشتري عربية موديل 2004 أو 2005 وأي حاجة قبل موديل 2007 عموماً,
أتأكد الأول إنها راكب لها أخر سولونيد فالف اللي الكود بتاعه (2574.16) ودا هيبان بكشف الكمبيوتر وهيبان أخر أبديت لسوفت وير الفتيس كان معمول أمتي,
وكمان تتأكد من ضغط الزيت في الفتيس علي الغيارات d و n
شكل العربية أول ما نزل من 2001 لحد موديلات 2005 كان كدا,
http://imageshack.us/a/img809/2720/2fw4.jpg http://imageshack.us/a/img844/1985/kx5l.jpg
وبعد كدا أتعملها facelift وأتعدل في الفوانيس بقي فيها عدسة lens,
والأكصدام تصميمة أتغير الشبكة بقت أكبر, والأسد فيها بقي أكبر,
والرفرف الأمامي أتغير تصميمة مع تغير الأكصدام الأمامي, وبقي فيه فوجات في الأكصدام.
http://imageshack.us/a/img11/9913/gqqb.jpg http://imageshack.us/a/img600/4563/d26b.jpg
وشكل العربية سواء قبل الفيس ليفت أو بعد مختلفش كتير, وكمان تصميم العدادات مختلفش كتير,
وأنت بتشتري هتتأكد إن سير الكاتينة أتغير قريب, ويفضل يكون التغير في التوكيل وساعتها هتضمن أنو أتركب صح وبالأصلي طبعاً,
لو مفيش حاجة تثبت دا تعمل حسابك أنك هتغير سير كاتينة وبلي الكاتينة وتكلفتهم حوالي 450 جنيه أول ما تشتري العربية لأنك متعرفش حالة اللي راكبين جواها عاملين أيه.
وهتغير معاه سير المجموعة لو مش مغير قريب,
وزيت العربية وفلتر زيت, وهتشوف حالة تيل الفرامل
كمان هتكشف علي خارج الدينمو وتجرب الباور كويس,
وتشوف حالة العفشة محتاجة شغل كتير ولا لأ, والكاوتش اللي علي العربية تشوفه أنتاج سنة كام وناشف ولا لأ,
ولو عدي علي تاريخ أنتاجة 4 سنين أعمل حسابك أنك هتحتاج تغيرة قريب لأنو هيبقي ناشف ومزعج جداً.
....الحاجات دي لازم تعملها في أي عربية أستعمال هتشتريها, عشان ترتاح فيه وتحس بطعم الفلوس اللي دفعتها,
لأن أي عربية لو أشترتها وأعتمدت علي اللي كنت شاريها منه أنو عامل كل حاجة, وطلع مش عامل هتعطل بيك بنسبة كبيرة,,
لأن معظم الناس بتبقي مأجلة الصيانات لو ناوية تبيع,,
وعشان تاخد فكرة عن الأسعار لل 307 اللي معروض في السوق ممكن تشوف أسعارها من علي كونتاكت كارز من هنا,
http://bit.ly/1antlyu
ولو عجبتك عربية وحبيت تكشف عليها وتتأكد من حالة الفتيس والشاسية ولو مسجلة أعطال,
أكتر مكان يفيدك في الكشف دا ويكون مضمون وعشان لو فيه مشكلة ظهرت بعد كدا تبقي ترجع له
هوا توكيل بيجو المركز الرئيسي في غمرة,
العنوان : غمرة 114 الخليج المصري
أرقام التليفون: 24824647 -- 24823092
سـاعات العمل: 9:00 ص-5:00 م
أيام الأجازات: الجمعة
شرح تفصيلي لمكان التوكيل:
http://www.nilemotors.net/nile/177885-a.html http://www.nilemotors.net/nile/177884-a.html