شارك2014ولا فلوانس2014

**S O P H O S** · 18-12-2013 11:02 PM

اميل كرأي للرينو

**Ahmed TRAVCO** · 18-12-2013 11:04 PM

طالما هايلاين يبقى شارك... لو فارق معاك الكماليات الزيادة في الفلوانس وشكلها الأحدث يبقى تتوكل على الله فيها... لما جربت الفلوانس 2012 محسيتش بفرق في الفرامل بينها وبين الشارك بس الشارك اثبت منها خصوصا في الملفات ومش بتتنطط في مطبات الهوا زيها... بس عفشة الفلوانس انعم شوية... من الآخر الشارك اساسياتها من تعليق وشاسيه وخلافه اقوى وافضل وسعرها اقل... والفلوانس عربية ممتازة جدا وعاملة شغل واليومين دول يومينها فهتلاقي كتير ميال ليها... انما الشارك اللي بيركبها بيبقى غاويها وعارف قيمتها ومش بيبص على اعادة بيع مثلا او غيره...

**Ahmed TRAVCO** · 18-12-2013 11:15 PM

المشاركة الأصلية كتبت بواسطة saddam

صديقي المواطن
قولا واحدا الفلوانس تكسب وإنت مقارنتك ظالمة الفلوانس تقارن بعربيات أعلى من الشارك وربنا ييسر لك الحال
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

ممكن لو سمحت تعطينا مثال للعربيات الأعلى من الشارك واللي الفلوانس معروف يعني انها بتتقارن معاهم؟؟؟؟؟؟؟؟؟؟ الفلوانس ممكن تتقارن بإيه مثلا؟؟؟ الجالانت والكامري والأكورد والسوناتا والألتيما والماكسيما والمونديو والحاجات دي؟؟؟!!!!!!!

نفسي يكون فيه شوية موضوعية في التقييم ونتجنب التحيز المبالغ فيه ده... مش علشان حضرتك مش بتحب العربية ومفيش مشاركو واحدة ليك شكرت فيها يبقى ده معناه انها عربية فئة اقل من حاجة زي الفلوانس!!!! كون ان وكيل رينو استغل المبيعات الكويسة -وغير المتوقعة بالنسبة له- للفلوانس قبل كده وقام رافع سعرها لمجرد تعديل الموتور والفتيس والعدادات فنوهم نفسنا انها بقت فئة اعلى من عربيات زيها ويمكن احسن ونقوم نحاول نحشرها مع فئات هي لا تحلم انها تتقارن بيها في اي حتة في العالم -غير عندنا طبعا....

**Hunting_Eagle** · 18-12-2013 11:27 PM

الشارك و الكرولا و الامبريزا و السيفيك و الالنترا و السيراتو و المازدا 3 الخ ... كلهم فئة واحدة Compact cars

الفروقات في الاسعار بتبقى تبعا للكماليات و الاقبال على العربية مش اكتر

انا رأيي ان نقطة تفوق الفلوانس عن الشارك انها شكل و موديل احدث مش اكتر

**sapaiky** · 19-12-2013 01:51 AM

شكرا للردود مرة تانية_أنا ميفرقش معايا الأوبشنز.المهم عندي الثبات و الفرامل(هل الفلوينس ثباتها أقل من الشارك أو بصيغة تانية فارقة إيه عن الأوبترا من ناحية الثبات)‏

**ah-elgendy** · 19-12-2013 11:36 AM

المشاركة الأصلية كتبت بواسطة m_sallam

رينو فلوانس بس هات الخليجى علشان تقفيل كورى و موتور و فتيس نيسان افضلا من التركى اللى بيبعها التوكيل هنا و مبروك مقدما ...

على صفحه رينو فى الفيس بوك واحد بيسئل عن فلوينس سعودى 2014 لها قطع غيار وامكانيه صيانه فى مصر فردو عليه لأ علشان مفيش قطع غيار ليها فى مصر
يعنى كده الخليجى ديه اللى يشتريها يلبسهااااااااااا ولا ايه

**sapaiky** · 23-12-2013 02:45 AM

يا شباب ماحدش أفادني برضه عن ثبات الفلوينس مقارنة بالشارك

**برنس الليالي** · 23-12-2013 04:19 AM

هايلاين يبقى حضرتك متقارنش الشارك والمفروض الاسترا والفوكاس والكورولا والنيو سيراتو هي اللي تتقارن مع الفلوينس

**برنس الليالي** · 23-12-2013 04:21 AM

بالنسبة للثبات اعتقد للفلوينس بس حضرتك بتقول عايز تقارن بين العربيتين الفئات الهايلاين ودا يخليك تشيل الشارك وتحط مكانهم الحاجات اللي قلتلك عليها

لو عايز ثبات يبقى عليك وعلى اولاً الفوكاس ثانياً الاسترا ثالثاً الكورولا مش الفلوينس ولا الشارك ولا النيو سيراتو كمان

**ashouhdy** · 23-12-2013 04:30 AM

ثبات و فرامل طبعا الشارك دة غير السواقة الرياضية والتعليق الرياضي والموتور ال mivc 1.6 ! طبعا طبعا الشارك ... الأجابة من واحد ركب العربيتين كأنهم عربياتة >>> فلوينس عربية عائلية ناعمة ثبات جري تسارع فرامل تعليق الشارك و انت مغمض طبعا

http://www.youtube.com/watch?v=3oiL29Srd08