الموضوع: شارك2014ولا فلوانس2014

ملحوظه صغيره:
لو فعلا عايز افضل اداء رياضي من موتور الشارك "الرياضي" mivec
لازم تحطلها بنزين 95 ...... دي توصيات المصنع ومكتوب كده عليها انا قرأتها بنفسي
لكن بنزين 92 مافيهوش مشاكل بس مستوي الاداء حيقل شويه

السلام عليكم ورحمه الله وبركاته...
انا ركبت الشارك دي في 2008 اول ما نزلت 1500 سي سي وكانت خليجي وفل اوبشنز كان فيها كل حاجه (مفتاح بصمه - فتحه سقف - سب ووفر في الشنطه- زينون....). وماركبتش الفلوانس وما اعرفش عنها اي حاجه خالص.
المميزات:
- ثباتها ممتاز جدا جدا و غرز على كيف كيفك.
-فراملها كمان ممتازه جدا .
-عضمها ناشف الابواب والكبوت والشنطه كلو ثقيل جدا.
- جمعت بيها 200 كلم/ساعه من ميدان جهينه لحد جامعة مصر. يعني بتاع 1.5 - 2 كيلو.(بس كان بنزين 95).
- تكيف ممتاز.
- عدة صوت وكاسيت فوق الممتاز.
- عزل وتقفيل 100%.
- تحس بيها رياضيه وانت راكبها.(مسحوب في الكرسي).
العيوب:
- للاسف كانت عفشتها ناشفه شويه حاجه بسيطه.(بقارن بالكورولا)
-كان في عيب مش عارف عربيتي بس ولا كل العربيات...لما بدوس على حفره او عين قطه الدركسيون بحسو خفيف بيتهز في ايدي.
- الكلاكس بتاعها باظ بسرعه بعد ما كان صوتو زي كلاكس الالماني قلب توكتوك.
- بعد 45000 الف حسيت بصوت في العفشه ما عجبنيش لما باخد المطبات بس ما كشفتش عليه.
- مره شديت مع بروتون على سرعة بطيئه (120-140) شد عني بس بعد كدا جبتو بعد 160 كلم / ساعه.(يمكن عشان كان بنزين 92).
الشارك اول ماطلعت كانت شكلها ممتاز لدرجة اني كل ما اروح اي مكان لازم اي حد يسالني عليها.
بس بعدها على طول حصل ثورة في عالم السيارات واشكال العربيات كلها اتغير وبقى حلو من 2008 انت طلع .
لكن الفلوانس الجديده شكلها مش عاجبني ، والشارك دلوقتي بقى شكلها عادي جدا.
وشكرا...

المشاركة الأصلية كتبت بواسطة ashouhdy

الموتور المايفك دة فرع المواتير الرياضية من ميتسوبيشي

موتور عفريت مفيش 1600 او تربو1400 بيقف قدامة او حتي ال 1.4tsi

Sent from my C6903 using Forum Runner

-بس هي Stock و لا Tuned عشان تنقل بعد Red-line ؟

-مفيش عربية بتنقل عادي في Red-line

انا محتار بين كورولا 2013 - شارك 2014 - مازدا 3 2013 افيدوني

[QUOTE=Al-Sherbeeny;3875348044]
- جمعت بيها 200 كلم/ساعه من ميدان جهينه لحد جامعة مصر. يعني بتاع 1.5 - 2 كيلو.(بس كان بنزين 95).

الله ينور عليك ......ده اللي انا قصدي عليه
البنزين بيفرق جدا فى اداء قوة المواتير

المشاركة الأصلية كتبت بواسطة ayman reda

انا محتار بين كورولا 2013 - شارك 2014 - مازدا 3 2013 افيدوني

انا شخصيا من هواة الجديد
فرايي حيكون لصالح الشارك لانها احدث منهم
بس لو بتحب الاداء الرياضي .......... يبقي لازم تبعد الكورولا 2013 من الحسابات دي
بس خلي بالك ان المازدا3 والشارك عفشتهم ناشفه عن الكورولا ..... لان ثباتهم اعلي من الكورولا