بتعدى الى وراك ولا بتسيبه يعديك

**Ahmed_Ramadan** · 18-12-2013 11:36 AM

المشاركة الأصلية كتبت بواسطة amoor89

بلاش تلبيس الله يكرمك مهما كان قليل الذوق ورخم اعمل اللى انت عايزة لو حتى وقفته فى نص الطريق لكن تلبس حد لا احنا مش قد دعوة مظلوم

ساعتها بيبقى عمل حاجة مستفزة جدا لدرجة إنى أأذيه ..أنا عادة مش بحب الأذى أكيد

**amoor89** · 18-12-2013 11:49 AM

المشاركة الأصلية كتبت بواسطة ahmed_ramadan

ساعتها بيبقى عمل حاجة مستفزة جدا لدرجة إنى أأذيه ..أنا عادة مش بحب الأذى أكيد

تمام ربنا يستر طريقنا جميعا

**foxhonda2008** · 18-12-2013 02:08 PM

معلش انا ليا رأي انا لو ماشي شمال علي سرعه مثلا 100 و دي السرعه القانونيه للطريق و جه واحد ورايا ماشي 150 مش لازم اوسعلو
عشان هو عايز يجري يجري بعيد عني و هو كدا كدا بيخاطر يبقي يغور بيعيد عني

**hugan** · 18-12-2013 02:11 PM

القانون الرسمي فعلا في مصر حاليا
النقل التقيل شمال
واسريع والتجاوز يمين
واللي مش عاجبه يضرب دماغه في الحيط

**speranz** · 18-12-2013 06:45 PM

ايوا كدا يا رجالة
انا كنت حاسس انى جاى من كوكب المريخ
فعلا القواعد المرورية للمصريين اتغيرت
لا يمين نافع ولا شمال نافع
الجرى والشالطة بقو فى كل مكان
انا لسا جاى على طريق سريع
لقيت تريلتين واحد يمين والتانى شمال وسيبين الحارة الى فى النص
وعدى يا برنس وعيش جو الرعب بعربيتك الكتكوتة بنسبة لعمالقة الكون

**aldesha989** · 18-12-2013 06:56 PM

وسعله لان فعلآ الشمال من حق الاسرع مش من حق البطئ
ومدام هو اسرع منك وسعله وريح نفسك
واصلآ الشمال ما بقاش من حق حد الا التريلات والنقل التقيل والسواقين والتكاسى ماسكين اليمين
واللى فى النص لينا احنا وبرضه مش مروحمين من حد

**Deshahcoka** · 18-12-2013 07:06 PM

المشاركة الأصلية كتبت بواسطة mesaharaty

[overline]
التجاوز من اليمين ... أم الكوارث
[/overline]

المشاركة الأصلية كتبت بواسطة دكتور خالد

عندك حق والله

المشاركة الأصلية كتبت بواسطة msobhy

باشا اعمل اللى انت عايزه - هيه ديه بلدنا

المشاركة الأصلية كتبت بواسطة speranz

ايوا كدا يا رجالة
انا كنت حاسس انى جاى من كوكب المريخ
فعلا القواعد المرورية للمصريين اتغيرت
لا يمين نافع ولا شمال نافع
الجرى والشالطة بقو فى كل مكان
انا لسا جاى على طريق سريع
لقيت تريلتين واحد يمين والتانى شمال وسيبين الحارة الى فى النص
وعدى يا برنس وعيش جو الرعب بعربيتك الكتكوتة بنسبة لعمالقة الكون

احلى تحيه لاحلى ناس :)

انا كنت بجري زمان بس لقيتها مش جايبا هماهما

و المشي في الطريق الزحمة احسن و نفس وقت المشي في الاختصارات و المدقات

و كلها محصلها بعضيها مصر معموله عشان تضيع وقت الناس و تخليك بتضيع 5 ساعات كل يوم مشوره و خلاص و زحمة و بانززين و حطينك في دايرة مغلق تلف حولين نفسك

الي بيجروا زي الهبل ده يبقى حاجة من الاتنين

فعلا عنده سبب يجري و عنده حاله معاد دكتور حد اتوفى معرفش ايه مراته بتولد خالته بتغسل اي حاجة و لو نيته صافيه ربنا بينجيه و بيسترها معاه و مش بيلبس !

الي بيجري باي هبل و خلاص و كل يوم مش مره كل سنة مثلا ربنا بيستر 10 مرات بس مش كل مرة تسلم الجره فبتقلب بكارثه في الاخر و بذات في اسكندريا المشاه المجانين بيستنوا العربية توصل لعندهم و ينطوا قدامها عشان يلبسوك تهمه ييقفوا خايفين ميعدوش و الي وراك يلبس فيك عشان انتا عملت شهم ! و ديه مينفعش تقف عشان تعدي حد على البحر و ديه غلطه بيعملها الناس الي فاكرين مصر بخير و بتقلب بكارثة بيخبط 3 4 عربيات و الي بيعدي بيطير برضه

و بعدي انا لو الطريق سامح بمشي بسرعات معقوله في رنج ال 50 - 100 و لو لقيت واحد جي بسرعه و في على يميني فاضي بعديه مش فارق يعني مش حيكسب الكاس في السرعة و الله يسهله و لو لزق وريايا و هات كلاكسات و بتاع برضه يا بشد لغاية ما يميني يفضي و بعديه

اكن اوقات المزاج مبيبقاش رايق و يكون بغباه ده مثلا كسر عليا او هوا ماشي في النس بياخد الغرزه من قضامي و خلاني اضرب فرامل جامد ملحقتش نفسي يعني و الكاوتش قفش بيتحرق دمي و بسخن و بدخله قدامي و بعدين اشد باي طريقة و اجي قدامه و ابقى ماشي بتناكه يعني امسك الشمال قدامه تاني و غالبنا مكروبصات بيبقى على يميني و عربيات تاني في النص افضل ماشي في سوا العربيات بحيث ميعديش الصف و يفضل ورا و لو خبطني ليلته سوده عشان هوا من ورا :) و غالبا بتلم و يهدي جامد و يخاف و انا بعملها بتاع 30 ثانية او دقيقة حسب الظروف يعني مش بفضل مختت عله و البسه بس بيحصل بغلطه و غالبا بيطلع ايديوا يعتذر و لو قليل ذوق بيكمل شد ولا كان حاجة حصلت و لو صايع بيتعارك معايا من الشباك

مره واحد اتخناق معايا و هوا غلطان اصلا مش انا و من ساعتها قلت انا ابهدل نفسي ليه ما الي يغلط يغلط لو لحقت نفسي و حافظ على عربيتي في ستين داهيه الاعصاب ! مهوا البلد ديه الواحد عايش خسر نفسه فيها فكمان اهين نفسي في التفاهم مع سواق حمار غلطان و بيقاوح ! فبقيت بكبر و بعمل نفسي من بنها ولا كأني شفت حاجة ولا حجاة حصلت ! و ديه بقت كتير قوي اليومين دول !